ടിം ഡേവിഡ്​: സിംഗപ്പൂരി​െൻറ വെടിക്കെട്ട് ​താരത്തെ ടീമിൽ എത്തിച്ച്​ റോയൽ ചാലഞ്ചേഴ്​സ്​ ബാംഗ്ലൂർ

ബംഗളൂരു: സിംഗപ്പൂരി​െൻറ വെടിക്കെട്ട്​ ബാറ്റ്​സ്​മാൻ ടിം ഡേവിഡുമായി കരാർ ഒപ്പിട്ട്​ റോയൽ ചാലഞ്ചേഴ്​സ്​ ബാംഗ്ലൂർ. ആസ്​ട്രേലിയൻ വേരുകളുള്ള ടിം ഡേവിഡ്​ സിംഗപ്പൂരിനായാണ്​ നിലവിൽ കളിക്കുന്നത്​.

ആറടി അഞ്ച്​ ഇഞ്ച്​ ഉയരക്കാരനായ ടിം ഡേവിഡ്​ സിംഗപ്പൂരിനായി 14 അന്താരാഷ്​ട്ര മത്സരങ്ങളിൽ നിന്നും 558 റൺസ്​ നേടിയിട്ടുണ്ട്​. 158ആണ്​ സ്​ട്രൈക്ക്​​ ​േററ്റ്​. ആസ്​ട്രേലിയയിലെ ബിഗ്​ബാഷ്​ ലീഗിലും പാകിസ്​താൻ സൂപ്പർ ലീഗിലും കഴിവുതെളിയിച്ച ടിം ഡേവിഡ് 155 സ്​ട്രൈക്ക്​ റേറ്റിൽ​ 1171 റൺസ്​ നേടിയിട്ടുണ്ട്​.

ബിഗ്​ബാഷിൽ ഹൊബാർട്ട്​ ഹരികെയ്​ൻസിനും പെർത്ത്​ സകോച്ചേഴ്​സിനും വേണ്ടി കളത്തിലിറങ്ങിയ ഡേവിഡി​െൻറ പ്രകടനം ഏറെ ശ്രദ്ധിക്കപ്പെട്ടിരുന്നു. ഇംഗ്ലണ്ടിൽ നടകുന്ന ഹൻട്രഡ്​ ടൂർണമെൻറിലും റോയൽ ലണ്ടൻ കപ്പിലും ഡേവിഡ്​ മികവ്​ തെളിയിച്ചിട്ടുണ്ട്​.

കൂറ്റനടിക്ക്​ പേരുകേട്ടി ടിം ഡേവിഡിനെ വിരാട്​ കോഹ്​ലി ടീമിൽ ഉൾപ്പെടുത്താൻ തന്നെയാണ്​ സാധ്യത. ഐ.പി.എല്ലിൽ കരാർ ഒപ്പിടുന്ന ആദ്യ സിംഗപ്പൂർ താരമാണ്​ ഡേവിഡ്​. ഐ.പി.എല്ലിൽ നിന്നും പിന്മാറിയ ആദം സാംബക്ക്​ പകരം ശ്രീലങ്കൻ ആൾ റൗണ്ടർ വനിൻഡു ഹസരങ്കയെയും പേസ്​ ബൗളർ ദുശ്​മന്ത ചമീരയെയും ബാംഗ്ലൂർ സ്വന്തമാക്കിയിട്ടുണ്ട്​. സെ്​പതംബർ 19 മുതൽ യു.എ.ഇയിലാണ്​ ഐ.പി.എൽ രണ്ടാം ഘട്ടം ആരംഭിക്കുന്നത്​.