ഞങ്ങളുടെ പ്രശ്​നങ്ങൾ നിസ്സാരം; മനസ്സ്​ ഇന്ത്യക്കൊപ്പം –പോണ്ടിങ്

അഹ്​മദാബാദ്​: കോവിഡ്​ വ്യാപനത്തിൽ ഇന്ത്യ അനുഭവിക്കുന്ന ദുരിതങ്ങളോട്​ ​െഎക്യദാർഢ്യപ്പെട്ട്​ മുൻ ആസ്​ട്രേലിയൻ താരവും ഡൽഹി കാപിറ്റൽസ്​ കോച്ചുമായ റിക്കി പോണ്ടിങ്​.

'ആസ്​ട്രേലിയൻ താരങ്ങൾക്ക്​ എങ്ങനെ നാട്ടിലേക്ക്​ മടങ്ങുമെന്നാണ്​ ആധി. എന്നാൽ, ബയോബബിളിന്​ പുറത്ത്​ ഇന്ത്യ അനുഭവിക്കുന്ന ദുരിതവുമായി താരതമ്യം ചെയ്യു​േമ്പാൾ ഇത്​ എ​ത്രയോ നിസ്സാരമാണ്​. പുറത്ത്​ സംഭവിക്കുന്നതിനെക്കുറിച്ച്​ ആകുലതയിലാണ്​ ഞങ്ങൾ. ഇതിനിടയിലും ചെറുവിഭാഗം ജനങ്ങൾക്കെങ്കിലും ​െഎ.പി.എല്ലിലൂടെ സന്തോഷം പകരാൻ കഴിയുന്നത്​്​ അനുഗ്രഹമാണ്​ -ബാംഗ്ലൂർ റോയൽ ചലഞ്ചേഴ്​സിനെതിരായ മത്സരത്തിനു പിന്നാലെ പോണ്ടിങ്​ പറഞ്ഞു.

കോവിഡ്​ വ്യാപനത്തെ തുടർന്ന്​ മൂന്ന്​ ഒാസീസ്​ താരങ്ങൾ ഇതിനകം നാട്ടിലേക്ക്​ മടങ്ങി. എന്നാൽ, ​​െഎ.പി.എൽ സമാപിച്ച ശേഷം വിദേശ താരങ്ങളെ നാട്ടിലെത്തിക്കുമെന്ന ഉറപ്പുമായി ബി.സി.സി.​െഎ രംഗത്തെത്തിയിരുന്നു. ചൊവ്വാഴ്​ച നടന്ന മത്സരത്തിൽ പോണ്ടിങ്ങി​െൻറ ഡൽഹി കാപിറ്റൽസ്​ വിരാട്​ കോഹ്​ലിയുടെ റോയൽ ചലഞ്ചേഴ്​സ്​ ബാംഗ്ലൂരിനോട്​ തോറ്റിരുന്നു.