ആസ്​ട്രേലിയൻ ക്രിക്കറ്റിൽ വംശീയതയുണ്ട്​, വെളിപ്പെടുത്തലുമായി ഉസ്​മാൻ ഖ്വാജ

സിഡ്​നി: ആസ്​ട്രേലിയൻ ക്രിക്കറ്റിൽ വംശീയതയുണ്ടെന്ന വെളിപ്പെടുത്തലുമായി ബാറ്റ്​സ്​മാൻ ഉസ്​മാൻ ഖ്വാജ. പാകിസ്​താൻ വംശജനായ ഖ്വാജ ആസ​്​ട്രേലിയക്കായി 44 ടെസ്​റ്റുകളിലും 40 ഏകദിനങ്ങളിലും കളത്തിലിറങ്ങിയിട്ടുണ്ട്​.

പ്രമുഖ ക്രിക്കറ്റ്​ വെബ്​സൈറ്റിന്​ നൽകിയ അഭിമുഖത്തിയിരുന്നു​ ഖ്വാജയുടെ വെളിപ്പെടുത്തൽ​.

''കളിച്ചുവളരുന്ന കാലത്ത്​ ഞാനൊരു മടിയനായാണ്​ അറിയപ്പെട്ടിരുന്നത്​. അതെ​െൻറ പതിഞ്ഞ സ്വഭാവമുള്ള വ്യക്തിത്വം കൊണ്ടാണെന്നാണ്​ ഞാൻ കരുതുന്നത്​. പാക്കിസ്​താനിലുള്ളവരെയും ഇന്ത്യൻ ഉപഭൂഖണ്ഡത്തിലുള്ളവരെയും കാണു​േമ്പാൾ അലസൻമാരാണെന്ന്​ തോന്നും.

എ​െൻറ ഓട്ടം ഒരിക്കലും സ്വാഭാവികമായിരുന്നില്ല, അതുകൊണ്ടുതന്നെ ഞാൻ ധാരാളം ഫിറ്റ്​നസ്​ ടെസ്​റ്റുകൾക്ക്​ വിധേയമായി. എ​െൻറ ജന്മസ്ഥലമാണ്​ ​എനിക്ക്​ വിനയായത്​. ഇതിൽ നിന്ന്​ ഞാനിപ്പോഴും പൂർണമായും കരകയറിയിട്ടില്ല - ഖ്വാജ വെളിപ്പെടുത്തി.

ഇന്ത്യൻ ഉപഭൂഖണ്ഡത്തിൽ നിന്നുള്ള ക്രിക്കറ്റ്​ താരങ്ങൾ ഇപ്പോഴും ആസ്​ട്രേലിയൻ ക്രിക്കറ്റിൽ വലിയ സ്വാധീനം ചെലുത്തിയിട്ടില്ല. അവർ ഒരുപാട്​ മുന്നോട്ട്​ പോ​േകണ്ടതായിട്ടുണ്ട്​. ആസ്​ട്രേലിയൻ ടെസ്​റ്റ്​ ടീമിൽ ഇടംപിടിച്ച ആദ്യ മുസ്​ലിം താരവും ആദ്യ പാക്​ വംശജനുമാണ് ​ഖ്വാജ.