നമീബിയക്ക്​ ജയം

ദു​ബൈ: ട്വൻറി20 ലോകകപ്പി​ന്‍റെ സൂപ്പർ 12ലേക്കുള്ള മുന്നേറ്റം ഭാഗ്യം കൊണ്ട്​ മാത്രമായിരുന്നില്ലെന്ന്​ തെളിയിച്ച്​ നമീബിയ. ഗ്രൂപ്​ രണ്ടിലെ ആദ്യ റൗണ്ട്​ പിന്നി​ട്ടെത്തിയവരുടെ പോരിൽ സ്​കോട്ട്​ലൻഡിനെ നാലു വിക്കറ്റിന്​ കീഴടക്കിയാണ്​ നമീബിയ അൽഭുതം തുടർന്നത്​.

ആദ്യം ബാറ്റുചെയ്​ത സ്​കോട്ടുകാരെ എട്ടിന്​ 109ൽ ഒതുക്കിയ നമീബിയക്കാർ അഞ്ചു പന്ത്​ ബാക്കിയിരി​ക്കെ ആറു വിക്കറ്റ്​ നഷ്​ടത്തിൽ ലക്ഷ്യത്തിലെത്തുകയായിരുന്നു. ചെറിയ ലക്ഷ്യം തേടിയിറങ്ങിയ നമീബിയ ഇടക്ക്​ എതറിയെങ്കിലും ജെജെ സ്​മിറ്റിന്‍റെയും (32*) ക്രെയ്​ഗ്​ വില്യംസി​ന്‍റെയും (23) മികവിൽ ജയംകാണുകയായിരുന്നു.

നേരത്തേ, ടോ​സ്​ നേ​ടി ഫീ​ൽ​ഡി​ങ്​ തി​ര​ഞ്ഞെ​ടു​ത്ത ന​മീ​ബി​യ​ക്കാ​യി റൂ​ബ​ർ ട്രം​പ​ൽ​മാ​ൻ എ​റി​ഞ്ഞ ആ​ദ്യ ഓ​വ​ർ എ​തി​രാ​ളി​ക​ളു​ടെ ക​ഥ ക​ഴി​ക്കാ​ൻ പോ​ന്ന​താ​യി​രു​ന്നു. ജോ​ർ​ജ്​ മു​ൻ​സി ഗോ​ൾ​ഡ​ൻ ഡ​ക്കാ​യി മ​ട​ങ്ങി​യ​തി​നു പി​റ​കെ കാ​ലം മ​ക്​​ലോ​ഡും റി​ച്ചി ബെ​റി​ങ്​​ട​ണും അ​ടു​ത്ത​ടു​ത്ത പ​ന്തു​ക​ളി​ൽ പു​റ​ത്ത്. ഇ​തോ​ടെ സ്​​കോ​ർ ബോ​ർ​ഡി​ൽ ര​ണ്ടു​ റ​ൺ​സ്​ മാ​ത്രം ചേ​ർ​ക്കു​ന്ന​തി​നി​ടെ സ്​​കോ​ട്​​ല​ൻ​ഡി​ന്​ മൂ​ന്നു വി​ക്ക​റ്റ്. പി​ന്നെ​ മാ​ത്യു ക്രോ​സും (19) മൈ​ക്ക​ൽ ലീ​സ്​​കും (44) ചേ​ർ​ന്ന്​ ര​ക്ഷ​ക ജോ​ടി​ക​ളാ​യി. ക്രി​സ്​ ഗ്രീ​വ്​​സ്​ 25 റ​ൺ​സ്​ എ​ടു​ത്ത്​ ടീ​മി​നെ സെ​ഞ്ച്വ​റി​ക്ക​രി​കെ​യെ​ത്തി​ച്ചു. വാ​ല​റ്റ​വും ക​നി​ഞ്ഞതോടെ ടീ​മി​ന്​ 10ലെത്താനായി.