വി​ജ​യ് ഹ​സാ​രെ ട്രോ​ഫി: മ​ഹാ​രാ​ഷ്ട്ര​യെ ത​ക​ർ​ത്ത് കേ​ര​ളം ക്വാ​ർ​ട്ട​റി​ൽ

രാ​ജ്കോ​ട്ട്: ബാ​റ്റി​ങ്ങി​ലും ബൗ​ളി​ങ്ങി​ലും ഉ​ഗ്ര​ൻ​പ്ര​ക​ട​ന​വു​മാ​യി മ​ഹാ​രാ​ഷ്ട്ര​യെ ത​ക​ർ​ത്ത് കേ​ര​ളം വി​ജ​യ് ഹ​സാ​രെ ട്രോ​ഫി ക്വാ​ർ​ട്ട​ർ ഫൈ​ന​ലി​ൽ പ്ര​വേ​ശി​ച്ചു. പ്രീ​ക്വാ​ർ​ട്ട​ർ മ​ത്സ​ര​ത്തി​ൽ 153 റ​ൺ​സി​നാ​യി​രു​ന്നു ജ​യം. ടോ​സ് നേ​ടി​യ മും​ബൈ ക്യാ​പ്റ്റ​ൻ കേ​ദാ​ർ ജാ​ദ​വ് ബൗ​ളി​ങ് തി​ര​ഞ്ഞെ​ടു​ത്തു. ആ​ദ്യം ബാ​റ്റ് ചെ​യ്ത കേ​ര​ളം 50 ഓ​വ​റി​ൽ നാ​ലു വി​ക്ക​റ്റി​ന് 383 റ​ൺ​സെ​ന്ന റെ​ക്കോ​ഡ് സ്കോ​റി​ലെ​ത്തി. ഓ​പ​ണ​ർ​മാ​രാ​യ കൃ​ഷ്ണ​പ്ര​സാ​ദി​ന്റെ​യും (144) രോ​ഹ​ൻ കു​ന്നു​മ്മ​ലി​ന്റെ​യും (120) ഉ​ജ്ജ്വ​ല സെ​ഞ്ച്വ​റി​ക​ളി​ലാ​ണ് വി​ജ​യ് ഹ​സാ​രെ ട്രോ​ഫി​യി​ൽ കേ​ര​ള​ത്തി​ന്റെ ഏ​റ്റ​വും ഉ​യ​ർ​ന്ന സ്കോ​ർ പി​റ​ന്ന​ത്. മ​റു​പ​ടി ബാ​റ്റി​ങ്ങി​ൽ ന​ന്നാ​യി തു​ട​ങ്ങി​യ മ​ഹാ​രാ​ഷ്ട്ര പി​ന്നീ​ട് ത​ക​രു​ക​യും 230ൽ ​പോ​രാ​ട്ടം അ​വ​സാ​നി​പ്പി​ക്കു​ക​യും ചെ​യ്തു. കേ​ര​ള​ത്തി​നാ​യി ശ്രേ​യ​സ് ഗോ​പാ​ൽ നാ​ലും വൈ​ശാ​ഖ് ച​ന്ദ്ര​ൻ മൂ​ന്നും വി​ക്ക​റ്റെ​ടു​ത്തു. സൗ​രാ​ഷ്ട്ര​യി​ൽ നാ​ളെ ന​ട​ക്കു​ന്ന ക്വാ​ർ​ട്ട​റി​ൽ രാ​ജ​സ്ഥാ​നാ​ണ് എ​തി​രാ​ളി​ക​ൾ.

രോ​ഹ​നും കൃ​ഷ്ണ​പ്ര​സാ​ദും ഒ​ന്നാം വി​ക്ക​റ്റി​ൽ ചേ​ർ​ത്ത​ത് 218 റ​ൺ​സ്. 35ാം ഓ​വ​റി​ലാ​ണ് ഈ ​കൂ​ട്ടു​കെ​ട്ട് അ​വ​സാ​നി​ച്ച​ത്. 18 ഫോ​റും ഒ​രു സി​ക്സു​മ​ട​ക്കം 95 പ​ന്തി​ൽ 120 റ​ൺ​സെ​ടു​ത്ത രോ​ഹ​നെ ആ​സിം കാ​സി​യു​ടെ പ​ന്തി​ൽ സോ​ഹ​ൻ ജ​മേ​ൽ പി​ടി​ച്ചു. 25 പ​ന്തി​ൽ 29 റ​ൺ​സ് നേ​ടി ക്യാ​പ്റ്റ​ൻ സ​ഞ്ജു സാം​സ​ൺ രാ​മ​കൃ​ഷ്ണ​ൻ എ​റി​ഞ്ഞ 42ാം ഓ​വ​റി​ൽ ബൗ​ൾ​ഡാ​യി മ​ട​ങ്ങി. 44 ാം ഓ​വ​റി​ൽ പ്ര​സാ​ദും പു​റ​ത്ത്. 13 ഫോ​റും നാ​ലു സി​ക്സു​മു​ൾ​പ്പെ​ടെ 137 പ​ന്തി​ൽ 144 റ​ൺ​സ​ടി​ച്ച കൃ​ഷ്ണ​പ്ര​സാ​ദി​നെ പ്ര​ദീ​പ് ദാ​ധെ​യു​ടെ ഓ​വ​റി​ൽ സ​ബ്സ്റ്റി​റ്റ്യൂ​ട്ട് ഫീ​ൽ​ഡ​ർ റാ​ത്തോ​ഡ് ക്യാ​ച്ചെ​ടു​ത്ത് മ​ട​ക്കു​മ്പോ​ൾ സ്കോ​ർ 308. പി​ന്നീ​ട് വി​ഷ്ണു വി​നോ​ദും (23 പ​ന്തി​ൽ 43) അ​ബ്ദു​ൽ ബാ​സി​ത്തും (18 പ​ന്തി​ൽ 35) നാ​ലാം വി​ക്ക​റ്റി​ൽ പു​റ​ത്തെ​ടു​ത്ത വെ​ടി​ക്കെ​ട്ട് കേ​ര​ള​ത്തെ വീ​ണ്ടും മു​ന്നോ​ട്ടു​ന​യി​ച്ചു.

ഓ​പ​ണ​ർ​മാ​രാ​യ ഓം ​ഭോ​സ​ലെ​യും (71 പ​ന്തി​ൽ 78) കൗ​ശ​ൽ താം​ബെ​യും (52 പ​ന്തി​ൽ 50) പി​ടി​ച്ചു​നി​ന്ന​തോ​ടെ കേ​ര​ള​വും കു​ഴ​ങ്ങി. 21ാം ഓ​വ​റി​ൽ സ്കോ​ർ 139ൽ ​നി​ൽ​ക്കെ കൗ​ശ​ൽ റ​ണ്ണൗ​ട്ടാ​യ​തോ​ടെ ഇ​വ​രു​ടെ ത​ക​ർ​ച്ച​യും തു​ട​ങ്ങി. ഭോ​സ​ലെ​യും പു​റ​ത്താ​യ​തി​നു​ശേ​ഷം വ​ന്ന​വ​രാ​രും കൂ​ടു​ത​ൽ നേ​രം പി​ടി​ച്ചു​നി​ന്നി​ല്ല. ബേ​സി​ൽ ത​മ്പി​യും അ​ഖി​ൻ സ​ത്താ​റും ഓ​രോ വി​ക്ക​റ്റ് വീ​ത​വും സ്വ​ന്ത​മാ​ക്കി.

കേ​ര​ള​ത്തി​ന് നേ​രി​ട്ട് ക്വാ​ർ​ട്ട​റി​ലെ​ത്താ​ൻ അ​വ​സ​ര​മു​ണ്ടാ​യി​രു​ന്നെ​ങ്കി​ലും ഗ്രൂ​പ് റൗ​ണ്ടി​ൽ മും​ബൈ​യോ​ടേ​റ്റ തോ​ൽ​വി​യാ​ണ് പ്രീ​ക്വാ​ർ​ട്ട​റി​ലെ​ത്തി​ച്ച​ത്. മ​റ്റൊ​രു പ്രീ​ക്വാ​ർ​ട്ട​റി​ൽ ഗു​ജ​റാ​ത്തി​നെ ബം​ഗാ​ൾ എ​ട്ടു വി​ക്ക​റ്റി​നും നി​ലം​പ​രി​ശാ​ക്കി. നാ​ലു ക്വാ​ർ​ട്ട​ർ മ​ത്സ​ര​ങ്ങ​ളും നാ​ളെ ന​ട​ക്കും.

ക്വാ​ർ​ട്ട​ർ ഫൈ​ന​ൽ ലൈ​ന​പ്പ്

• ഹ​രി​യാ​ന Vs ബം​ഗാ​ൾ
• കേ​ര​ളം Vs രാ​ജ​സ്ഥാ​ൻ
• വി​ദ​ർ​ഭ Vs ക​ർ​ണാ​ട​ക
• മും​ബൈ Vs ത​മി​ഴ്നാ​ട്