സെഞ്ച്വറിയടിച്ച്​ സമർഥും ദേവ്​ദത്തും; കേരളത്തിനുമുന്നിൽ റൺമല തീർത്ത്​ കർണാടക

ന്യൂഡൽഹി: എതിരാളികളെ സ്​തബ്​ധരാക്കിയ മാസ്​മരിക ഇന്നിങ്​സുകളുമായി പ്രാഥമിക ഘട്ടം കടന്ന കേരളത്തിനു മുന്നിൽ വീണ്ടും ബാറ്റെടുത്ത്​ വെളിച്ച​പ്പാടായി കർണാടക താരങ്ങളായ രവികുമാർ സമർഥും ദേവ്​ദത്ത്​ പടിക്കലും. ഇരുവരും ഒരിക്കലൂടെ നിറഞ്ഞാടിയ​ വിജയ ഹസാരെ ട്രോഫി ക്വാർട്ടർ മത്സരത്തിൽ കർണാടകത്തിന്​ കൂറ്റൻ സ്​കോർ. രണ്ട്​ വിക്കറ്റ്​ മാത്രം നഷ്​ടപ്പെടുത്തി 50 ഓവറിൽ കേരളത്തിനെതിരെ കർണാടക ഉയർത്തിയത്​ 339 റൺസ്​ വിജയ ലക്ഷ്യം.

ഓപണറായി ഇറങ്ങി നായകന്‍റെ കരുത്തോടെ ബാറ്റുവീശിയ സമർഥ്​ 48.2 ഓവർ വരെ മൈതാനം വാണപ്പോൾ പിറന്നത്​ 192 റൺസ്​. തൊട്ടുമു​മ്പ്​ മലയാളി താരം ദേവ്​ദത്ത്​ പടിക്കലും സെഞ്ച്വറി തീർത്താണ്​ മടങ്ങിയത്​. 119 പന്തിൽ 101 റൺസായിരുന്നു എടപ്പാൾ സ്വദേശിയുടെ സമ്പാദ്യം. സമർഥ്​ വിജയ്​ ഹസാരെ ട്രോഫിയിൽ നാലാം ശതകം തീർത്ത​​േ​പ്പാൾ ദേവ്​ദത്തിന്​ മൂന്നാമത്തെയായിരുന്നു. ഇരുവരെയും മടക്കിയ ബേസിൽ തമ്പി നാലാമനായി എത്തിയ ഗൗതമിനെ സംപൂജ്യനായും മടക്കി. പുറത്താകാതെ നിന്ന വൺഡൗൺ ബാറ്റ്​സ്​മാൻ മനീഷ്​ പാണ്ഡെ 20 പന്തിൽ 34 റൺസുമായി നിറഞ്ഞുനിന്നു.

കേരള നിരയിൽ ജലജ്​ സക്​സേന റൺ വിട്ടുനൽകുന്നതിൽ പിശുക്കു കാട്ടിയപ്പോൾ ശ്രീശാന്തും ​േബസിൽ തമ്പിയും നന്നായി തല്ലുവാങ്ങി. ​സക്​സേന 10 ഓവറിൽ 34 റൺസ്​ വിട്ടുനൽകിയപ്പോൾ ശ്രീശാന്ത്​ 73 റൺസ്​ സഹായിച്ചിട്ടും വിക്കറ്റൊന്നും ലഭിച്ചില്ല. കേരളത്തിന്‍റെ ബൗളർമാരും കർണാടക ബാറ്റ്​സ്​മാൻമാരും തമ്മിലെ പോരാട്ടമാകും കളിയെന്ന കഴിഞ്ഞ വിലയിരുത്തലുകൾ വിശ്വസിച്ചാൽ ഒന്നാം പാതി വിജയിച്ച കർണാടകയെ അതിലേറെ കരു​ത്തോടെ തിരിച്ചടിച്ച്​ തോൽപിക്കുകയെന്നതാകും കേരളത്തിനു മുന്നിലെ വലിയ ഉത്തരവാദിത്വം.