'മോനേ, നീ ജനിക്കുന്നതിന്​ മുമ്പ്​ ഞാൻ സെഞ്ച്വറി അടിച്ചിട്ടുണ്ട്​'; അഫ്​ഗാൻ താരത്തോട് കലിപ്പോടെ​ അഫ്രീദി

കളിക്കളത്തിലെ ത​െൻറ തീപ്പൊരി സ്വഭാവത്തി​െൻറ കനൽ ഉള്ളിലുണ്ടെന്ന്​ തെളിയിക്കുന്നതായിരുന്നു ലങ്കൻ പ്രീമിയർ ലീഗിലെ ഷാഹിദ്​ അഫ്രീദിയുടെ 'പ്രകടനം'. കാൻഡി ടസ്​കേഴ്​സ്​-ഗാലെ ഗ്ലാഡിയേറ്റേഴ്​സ്​ മത്സരത്തിനുശേഷം താരങ്ങൾ ഹസ്​തദാനം ചെയ്യവേയാണ്​ അഫ്രീദി അഫ്​ഗാൻ താരം നവീനുൽ ഹഖി​​ന്​ നേരെ ചീറിയെടുത്തത്​​.

മത്സരത്തിനിടെ സഹതാരം മുഹമ്മദ്​ ആമിറിനെ സ്ലഡ്​ജ്​ ചെയ്​തതിന്​ മറുപടിയായായിരുന്നു നവീനോട്​ അഫ്രീദിയുടെ രോഷ പ്രകടനം. ഹസ്​തദാന സമയത്ത്​ എല്ലാവരേയും പുഞ്ചിരികളോടെ വരവേറ്റ അഫ്രീദി നവീനെ കണ്ടതോടെ പൊട്ടിത്തെറിക്കുകയായിരുന്നു. 'മകനേ, നീ ജനിക്കുന്നതിന്​ മു​േമ്പ ഞാൻ സെഞ്ച്വറികൾ അടിച്ചുകൂട്ടിയിട്ടുണ്ട്​'' -എന്ന്​ അഫ്രീദി 21കാരനായ നവീനോട്​ പറഞ്ഞതായാണ്​ പ്രചാരണം നടക്കുന്നത്​.

ഗാലെ ​േഗ്ലഡിയേറ്റർസിന്​ വേണ്ടിയാണ്​ 40കാരനായ അഫ്രീദി കളിക്കുന്നത്​. ആദ്യം ബാറ്റുചെയ്​ത കാൻഡി ടസ്​കേഴ്​സ്​ ഉയർത്തിയ 196 റൺസ്​ പിന്തുടർന്നിറങ്ങിയ ​േഗ്ലഡിയേറ്റേഴസ്​ 25 റൺസിന്​ പരാജയപ്പെട്ടിരുന്നു. മത്സരത്തിൽ അഫ്രീദി ഗോൾഡൻ ഡക്കിന്​ പുറത്തായിരുന്നു.