ഇന്ത്യക്കെതിരെ വെ​സ്റ്റി​ൻ​ഡീ​സ് ബാറ്റിങ് തിരഞ്ഞെടുത്തു

റോ​സോ (ഡൊ​മി​നി​ക്ക): വെ​സ്റ്റി​ൻ​ഡീ​സ് പര്യടനത്തിലെ ആ​ദ്യ ടെസ്റ്റ് മ​ത്സ​രത്തിൽ ടോസ് നേടിയ വെ​സ്റ്റി​ൻ​ഡീ​സ് ഇന്ത്യക്കെതിരെ ബാറ്റിങ് തിരഞ്ഞെടുത്തു. ക​രീ​ബി​യ​ൻ ദ്വീ​പാ​യ ഡൊ​മി​നി​ക്ക വിൻഡ്സർ പാർക്കിലാണ് മത്സരം. യ​ശ​സ്വി ജ​യ്‍സ്വാളും ഇശാൻ കിഷനും ആദ്യ ഇലവനിൽ ഇടം പിടിച്ചപ്പോൾ ഋ​തു​രാ​ജ് ഗെ​യ്‌​ക്‌​വാ​ദും ശ്രീകാർ ഭരതും റിസർവ് ബെഞ്ചിലാണ്. അരങ്ങേറ്റ മത്സരത്തിൽ ജയ്സ്വാൾ രോഹിത് ശർമക്കൊപ്പം ഓപണറായി ഇറങ്ങും. ശുഭ്മാൻ ഗിൽ മൂന്നാം നമ്പറിൽ ഇറങ്ങാനാണ് സാധ്യത.

മു​ഹ​മ്മ​ദ് സി​റാ​ജ് ന​യി​ക്കു​ന്ന പേ​സ് ബൗ​ളി​ങ് ഡി​പ്പാ​ർ​ട്മെ​ന്റി​ൽ ജ​യ്ദേ​വ് ഉ​ന​ദ്ക​ട്ടും ശാ​ർ​ദു​ൽ ഠാ​കു​റുമാണുള്ളത്. സ്പി​ൻ ഓ​ൾ​റൗ​ണ്ട​ർ​മാ​രാ​യ ര​വീ​ന്ദ്ര ജ​ദേ​ജ​യും ആ​ർ. അ​ശ്വി​നും തുടരും. മധ്യനിരയിൽ വി​രാ​ട് കോ​ഹ് ലിയും ​അ​ജി​ൻ​ക്യ ര​ഹാ​നെയും കരുത്തേകും.

കെ​മ​ർ റോ​ഷും അ​ൽ​സാ​രി ജോ​സ​ഫും ജേ​സ​ൺ ഹോ​ൾ​ഡ​റു​മ​ട​ങ്ങു​ന്ന ആ​ക്ര​മ​ണ​നി​ര ഇ​ന്ത്യ​ൻ ബാ​റ്റ​ർ​മാ​ർ​ക്ക് വെ​ല്ലു​വി​ളി​യാ​വു​മെ​ന്ന പ്ര​തീ​ക്ഷ​യി​ലാ​ണ് ആ​തി‍ഥേ​യ​ർ. ക്യാ​പ്റ്റ​നും ഓ​പ​ണ​റു​മാ​യ ക്രെ​യ്ഗ് ബ്രാ​ത്ത്‌​വൈ​റ്റും ഉ​പ​നാ​യ​ക​ൻ ജെ​ർ​മെ​യ്ൻ ബ്ലാ​ക്ക്‌​വു​ഡു​മെ​ല്ലാം സ​ന്ദ​ർ​ശ​ക ബൗ​ള​ർ​മാ​രെ കൈ​കാ​ര്യം ചെ​യ്ത് റ​ൺ​സ് ക​ണ്ടെ​ത്തി​യാ​ൽ രോ​ഹി​ത്തി​നും കൂ​ട്ട​ർ​ക്കും പ​ണി​യാ​വും.

ര​ണ്ട് മ​ത്സ​ര​ങ്ങ​ള​ട​ങ്ങി​യ പ​ര​മ്പ​ര ലോ​ക ടെ​സ്റ്റ് ചാ​മ്പ്യ​ൻ​ഷി​പ് 2023-25 സ​ർ​ക്കി​ളി​ൽ ഇ​രു ടീ​മി​ന്റെ​യും പോ​രാ​ട്ട​ങ്ങ​ളു​ടെ ആ​രം​ഭ​വും കൂ​ടി​യാ​ണ്. ര​ണ്ട് ത​വ​ണ​യും ലോ​ക ചാ​മ്പ്യ​ൻ​ഷി​പ് ഫൈ​ന​ലി​ന് യോ​ഗ്യ​ത നേ​ടി​യ ഇ​ന്ത്യ​ക്ക് ഫൈ​ന​ലി​ൽ തോ​ൽ​ക്കാ​നാ​യി​രു​ന്നു വി​ധി. ക​ഴി​ഞ്ഞ മാ​സം ആ​സ്ട്രേ​ലി​യ​യോ​ട് ദ​യ​നീ​യ​മാ​യി തോ​റ്റ് ഒ​രി​ക്ക​ൽ​കൂ​ടി കി​രീ​ടം അ​ടി​യ​റ​വെ​ച്ച​തി​ന്റെ ക്ഷീ​ണ​ത്തി​ലാ​ണ് രോ​ഹി​ത് ശ​ർ​മ​യും സം​ഘ​വും. ഇ​ന്ത്യ​യി​ൽ ന​ട​ക്കാ​നി​രി​ക്കു​ന്ന ഏ​ക​ദി​ന ലോ​ക​ക​പ്പി​ന് ച​രി​ത്ര​ത്തി​ലാ​ദ്യ​മാ​യി യോ​ഗ്യ​ത നേ​ടാ​ത്ത​തി​ന്റെ ആ​ഘാ​തം വി​ൻ​ഡീ​സി​നു​മു​ണ്ട്.

ടീം ​

ഇ​ന്ത്യ: രോ​ഹി​ത് ശ​ർ​മ, യ​ശ​സ്വി ജ​യ്‌​സ്വാ​ൾ, ശു​ഭ്മ​ൻ ഗി​ൽ, വി​രാ​ട് കോ​ഹ്‍ലി, അ​ജി​ൻ ര​ഹാ​നെ, ഇ​ശാ​ൻ കി​ഷ​ൻ, ര​വി​ച​ന്ദ്ര​ൻ അ​ശ്വി​ൻ, ര​വീ​ന്ദ്ര ജ​ദേ​ജ, ശാ​ർ​ദു​ൽ ഠാ​കു​ർ, മു​ഹ​മ്മ​ദ് സി​റാ​ജ്, ജ​യ്ദേ​വ് ഉ​ന​ദ്ക​ട്ട്

വെ​സ്റ്റി​ൻ​ഡീ​സ്: ക്രെ​യ്ഗ് ബ്രാ​ത്ത്‌​വൈ​റ്റ്, ജെ​ർ​മെ​യ്ൻ ബ്ലാ​ക്ക്‌​വു​ഡ്, ജോ​ഷ്വ ഡ ​സി​ൽ​വ, അ​ലി​ക്ക് അ​ത്നാ​സെ, റ​ഹ്‌​കീം കോ​ൺ​വാ​ൾ, ജേ​സ​ൺ ഹോ​ൾ​ഡ​ർ, അ​ൽ​സാ​രി ജോ​സ​ഫ്, റെ​യ്‌​മ​ൺ റെ​യ്ഫ​ർ, കെ​മ​ർ റോ​ഷ്, ടാ​ഗ​ന​റൈ​ൻ ച​ന്ദ​ർ​പോ​ൾ, ജോ​മെ​ൽ വാ​രി​ക്ക​ൻ.