ഇതെന്ത് ലോകകപ്പ്?; ആസ്ട്രേലിയ-ദക്ഷിണാഫ്രിക്ക മത്സരത്തിനും ആളൊഴിഞ്ഞ ഗാലറി

ലഖ്നോ: ലോകകപ്പിലെ ഏറ്റവും ആവേശകരമായ പോരാട്ടങ്ങളിൽ ഒന്നാകുമെന്ന് വിലയിരുത്തപ്പെട്ട ആസ്ട്രേലിയ-ദക്ഷിണാഫ്രിക്ക മത്സരത്തിനും ആളൊഴിഞ്ഞ ഗാലറി. ലഖ്നോവിലെ അടൽ ബിഹാരി വാജ്പേയി സ്റ്റേഡിയത്തിൽ നടക്കുന്ന മത്സരത്തിൽ ഭൂരിഭാഗം സീറ്റുകളും ഒഴിഞ്ഞുകിടക്കുകയാണ്. കളി കാണാൻ ആളില്ലാതായതോടെ ഇതെന്ത് ലോകകപ്പാണെന്ന ചോദ്യവുമായി സമൂഹ മാധ്യമങ്ങളിൽ ക്രിക്കറ്റ് ആരാധകർ രംഗത്തെത്തിയിരിക്കുകയാണ്.

ക്രിക്കറ്റിന് ഏറെ വേരോട്ടമുള്ള ഇന്ത്യയിൽ ലോകകപ്പ് അരങ്ങേറുമ്പോൾ നിറഞ്ഞ ഗാലറിയായിരിക്കുമെന്നായിരുന്നു കണക്കുകൂട്ടൽ. എന്നാൽ, ഉദ്ഘാടന മത്സരത്തിൽ തന്നെ ആ പ്രതീക്ഷ അസ്തമിച്ചു. 1,32,000 പേരെ ഉൾക്കൊള്ളുന്ന അഹ്മദാബാദിലെ നരേ​ന്ദ്ര മോദി സ്റ്റേഡിയത്തിൽ അരങ്ങേറിയ ഇംഗ്ലണ്ട്-ന്യൂസിലാൻഡ് മത്സരത്തിന് ആളെത്താതിരുന്നത് ഏറെ ചർച്ചകൾക്കിടയാക്കിയിരുന്നു.

ട്വ​ന്റി20 ക്രി​ക്ക​റ്റി​ന്റെ ക​ട​ന്നു​വ​ര​വാണ് ഏ​ക​ദി​ന മ​ത്സ​ര​ങ്ങ​ൾ​ക്ക് ആളില്ലാതാവാൻ കാരണമെന്നാണ് വിലയിരുത്തൽ. അ​തി​വേ​ഗ ക്രി​ക്ക​റ്റി​ന്റെ സ്ഫോ​ട​നാ​ത്മ​ക​ത ഏ​ക​ദി​ന​ങ്ങ​ൾ​ക്കി​ല്ലെ​ന്നാ​യ​തോ​ടെ മ​ത്സ​ര​ത്തി​ന്റെ എ​ണ്ണ​വും കാ​ണി​ക​ളു​ടെ ആ​ധി​ക്യ​വും കു​റ​ഞ്ഞു തു​ട​ങ്ങി​യി​രു​ന്നു. ഒ​രു​പ​ക്ഷേ ഇ​ത് അ​വ​സാ​ന ഏ​ക​ദി​ന ലോ​ക​ക​പ്പ് വ​രെ​യാ​കാ​മെ​ന്ന അ​ഭ്യൂ​ഹ​ങ്ങ​ൾ​ക്കി​ട​യി​ലാ​ണ് ഇ​ന്ത്യ​യി​ൽ​പോ​ലും ക​ളി കാ​ണാ​നെ​ത്തു​ന്ന​വ​ർ ശു​ഷ്കി​ച്ചു​തു​ട​ങ്ങി​യ​ത്. തി​രു​വ​ന​ന്ത​പു​ര​ത്ത് ന​ട​ന്ന ഇ​ന്ത്യ-​വെ​സ്റ്റി​ൻ​ഡീ​സ് ഏകദിന മ​ത്സ​ര​ത്തി​ന് ആ​ളു​ക​ൾ കു​റ​ഞ്ഞ​ത് ഏ​റെ ച​ർ​ച്ച​യാ​യി​രു​ന്നു. ഗ്രീ​ൻ​ഫീ​ൽ​ഡ് സ്റ്റേ​ഡി​യ​ത്തി​ന് ലോ​ക​ക​പ്പ് മ​ത്സ​ര​ത്തി​ന് ആ​തി​ഥ്യം വ​ഹി​ക്കാ​നു​ള്ള അ​വ​സ​രം ന​ഷ്ട​മാ​യതിനുള്ള കാരണമായി ഇത് പറയപ്പെടുന്നുണ്ട്.

ഇ​ന്ത്യ​യു​ടെ മ​ത്സ​ര​ങ്ങ​ൾ​ക്ക് കാ​ണി​ക​ളെ​ത്തു​മെ​ന്നാ​യി​രു​ന്നു പിന്നെയുള്ള പ്ര​തീ​ക്ഷ. എ​ന്നാ​ൽ, ചെ​പ്പോ​ക്കിലെ മ​ത്സ​രം ആ​സ്ട്രേ​ലി​യ​യോ​ടാ​യി​ട്ടു​പോ​ലും 38,000 പേ​ർ​ക്കി​രി​ക്കാ​വു​ന്ന ഗാ​ല​റി​യി​ലെ​ത്തി​യ​ത് 32,513 പേ​രായിരുന്നു. ക​ളി തു​ട​ങ്ങു​മ്പോ​ൾ വേ​ണ്ട​ത്ര കാ​ണി​ക​ൾ ഗാ​ല​റി​യി​ലു​ണ്ടാ​യി​രു​ന്നി​ല്ല. ഒ​ഴി​ഞ്ഞു​കി​ട​ന്ന ഗാ​ല​റി​യു​ടെ മി​ക്ക ഭാ​ഗ​വും നി​റ​ഞ്ഞ​ത് വെ​യി​ൽ മാ​റി ഇ​രു​ൾ പ​ര​ന്ന​പ്പോ​ഴാ​ണ്. ചെ​പ്പോ​ക്കി​ൽ ടി​ക്ക​റ്റു​ക​ൾ വി​റ്റുതീ​ർ​ന്ന​താ​യാ​ണ് സം​ഘാ​ട​ക​ർ പ​റ​ഞ്ഞി​രു​ന്ന​ത്. എ​ന്നാ​ൽ, മു​ൻ​കൂ​ർ ടി​ക്ക​റ്റ് കി​ട്ടാ​തെ വി​ഷ​മി​ച്ച​വ​ർ​ക്ക് ഞാ​യ​റാ​ഴ്ച സ്റ്റേ​ഡി​യ​ത്തി​ൽ ടി​ക്ക​റ്റു​ക​ൾ ധാ​രാ​ള​മാ​യി ല​ഭി​ച്ചു. സ്പോ​ൺ​സ​ർ​മാ​ര​ട​ക്ക​മു​ള്ള​വ​ർ​ക്ക് മാ​റ്റി​വെ​ച്ച ടി​ക്ക​റ്റു​ക​ൾ ല​ഭ്യ​മാ​യ​താ​ണ് ടി​ക്ക​റ്റ് വി​ൽ​പ​ന​ക്ക് കാ​ര​ണ​മാ​യ​തെ​ന്നാ​ണ് ഔ​ദ്യോ​ഗി​ക ഭാ​ഷ്യം. ഇ​നി ഇ​ന്ത്യ-​പാ​കി​സ്താ​ൻ മ​ത്സ​ര​ത്തി​നാ​ണ് കൂ​ടു​ത​ൽ കാ​ണി​ക​ളെ പ്ര​തീ​ക്ഷി​ക്കു​ന്ന​ത്. ടി​ക്ക​റ്റു​ക​ളെ​ല്ലാം വി​റ്റു​പോ​യെ​ന്ന് പ​റ​ഞ്ഞ ബി.​സി.​സി.​ഐ 14,000 ടി​ക്ക​റ്റു​ക​ൾ​കൂ​ടി വി​ൽ​ക്കാ​നു​ള്ള ഒ​രു​ക്ക​ത്തി​ലാ​ണ്. ഈ മത്സരത്തിന് മുമ്പായി സംഗീത പരിപാടിയും ഒരുക്കുന്നുണ്ട്.