Begin typing your search above and press return to search.
proflie-avatar
Login
exit_to_app
exit_to_app
Homechevron_rightSportschevron_rightCricketchevron_rightഐ.പി.എൽ ഉദ്ഘാടന...

ഐ.പി.എൽ ഉദ്ഘാടന മത്സരത്തിന് മഴ ഭീഷണി; മത്സരം ഉപേക്ഷിച്ചാൽ എന്ത് സംഭവിക്കും?

text_fields
bookmark_border
ഐ.പി.എൽ ഉദ്ഘാടന മത്സരത്തിന് മഴ ഭീഷണി; മത്സരം ഉപേക്ഷിച്ചാൽ എന്ത് സംഭവിക്കും?
cancel

കൊൽക്കത്ത: ക്രിക്കറ്റ് ആരാധകർ കാത്തിരിക്കുന്ന ഇന്ത്യൻ പ്രീമിയർ ലീഗിന്‍റെ പതിനെട്ടാം പതിപ്പിന് ശനിയാഴ്ച കൊൽക്കത്തയിൽ തുടക്കമാകുകയാണ്. പു​തു നി​യ​മ​ങ്ങ​ളും ന​വ നാ​യ​ക​രു​മാ​യി ഇ​ള​മു​റ​യു​ടെ ആ​ഘോ​ഷം കു​റി​ച്ച് കൊ​ൽ​ക്ക​ത്ത ഈ​ഡ​ൻ ഗാ​ർ​ഡ​ൻ​സ് മൈ​താ​ന​ത്ത് നി​ല​വി​ലെ ചാ​മ്പ്യ​ന്മാ​രും ആ​തി​ഥേ​യ​രു​മാ​യ കൊ​ൽ​ക്ക​ത്ത നൈ​റ്റ് റൈ​ഡേ​ഴ്സും റോ​യ​ൽ ച​ല​ഞ്ചേ​ഴ്സ് ബം​ഗ​ളൂ​രു​വും ത​മ്മി​ലാ​ണ് ഉ​ദ്ഘാ​ട​ന പോ​രാ​ട്ടം.

ശ്രേ​യ ഘോ​ഷാ​ലും ക​ര​ൺ ഓ​ജ്‍ല​യു​മ​ട​ക്കം താ​ര​നി​ര അ​ണി​നി​ര​ക്കു​ന്ന ഉ​ദ്ഘാ​ട​ന ച​ട​ങ്ങി​ലും തു​ട​ർ​ന്നും മ​ഴ​യു​ണ്ടാ​യേ​ക്കു​മെ​ന്ന ആ​ശ​ങ്ക മാ​ന​ത്ത് നി​റ​ഞ്ഞു​നി​ൽ​ക്കു​ന്ന​തി​നാ​ൽ ക​ളി ന​ട​ക്കാ​നും ന​ട​ക്കാ​തി​രി​ക്കാ​നും തു​ല്യ സാ​ധ്യ​ത. കഴിഞ്ഞ ദിവസം ഇരുടീമുകളും പരിശീലനത്തിനിറങ്ങിയെങ്കിലും മഴ മൂലം നേരത്തെ മടങ്ങേണ്ടിവന്നിരുന്നു. വൈകിട്ട് ആറ് മണിക്ക് തുടങ്ങാനിരിക്കുന്ന ഓപണിങ് സെറിമണിതന്നെ മഴയിൽ മുങ്ങുമോയെന്ന ആശങ്ക ശക്തമാണ്.

കൊൽക്കത്ത ഉൾപ്പെടെയുള്ള മേഖലയിൽ ഇന്നും കേന്ദ്ര കാലാവസ്ഥ വകുപ്പ് ഓറഞ്ച് അലർട്ട് പുറപ്പെടുവിച്ചിട്ടുണ്ട്. ഈ സാഹചര്യത്തിൽ ഇന്ന് മഴമൂലം മത്സരം ഉപേക്ഷിച്ചാൽ എന്താകും അനന്തര നടപടിയെന്ന് ആരാധകർ അന്വേഷിച്ചു തുടങ്ങിയിട്ടുണ്ട്. പ്ലേഓഫും ഫൈനലും പോലെ ഗ്രൂപ് ഘട്ടത്തിലെ മത്സരങ്ങൾക്ക് റിസർവ് ദിനമില്ല. എന്നാൽ നിശ്ചയിച്ച സമയത്തേക്കാൾ ഒരു മണിക്കൂർ വരെ വൈകി മത്സരം അവസാനിപ്പിക്കാവുന്ന വിധത്തിൽ കളിക്കാനാകും.

കുറഞ്ഞത് അഞ്ചോവർ വീതം ഓരോ ടീമിനും കളിക്കാനായാൽ മാത്രമേ മത്സരത്തിന് ഫലമുണ്ടാകൂ. പരമാവധി രാത്രി 10:56നുള്ളിൽ കളി തുടങ്ങിയിരിക്കണം. അർധരാത്രി 12:06നുള്ളിൽ അവസാനിപ്പിക്കാനുമാകണം. മഴമൂലം നഷ്ടപ്പെടുന്ന സമയത്തിന് ആനുപാതികമായി ഓവർ വെട്ടിച്ചുരുക്കും. ഒരു ടീമിന് മിനിമം അഞ്ചോവർ പോലും എറിയാനാകാതെ മത്സരം ഉപേക്ഷിച്ചാൽ ഇരു ടീമുകൾക്കും ഓരോ പോയിന്‍റ് വീതം വീതിച്ചുനൽകും.

കൊൽക്കത്ത സ്റ്റേഡിയത്തിലെ ഡ്രെയിനേജ് സിസ്റ്റം രാജ്യത്തെ മറ്റുപല സ്റ്റേഡിയങ്ങളിലേതിനേക്കാൾ മികച്ചതാണ്. രാവിലെ മഴ പെയ്താലും വൈകിട്ടത്തേക്ക് പിച്ചും ഔട്ട്ഫീൽഡും ഉണക്കിയെടുത്താനാകും. ടോസിന് രണ്ട് മണിക്കൂർ മുമ്പ് മഴ നിന്നാലും ഗ്രൗണ്ടിലെ വെള്ളം വറ്റിക്കാനുള്ള സംവിധാനമുണ്ട്. രാത്രി 7.30ന് തുടങ്ങുന്ന മത്സരത്തിനു മുന്നോടിയായി ഏഴ് മണിക്ക് ടോസിടും. പ്രൗ​ഢ​മാ​യ ഉ​ദ്ഘാ​ട​ന ച​ട​ങ്ങു​ക​ൾ​ക്കി​ടെ ഏ​റ്റ​വും ക​രു​ത്ത​രാ​യ ര​ണ്ട് ടീ​മു​ക​ൾ ഇ​ന്ന് മു​ഖാ​മു​ഖം വ​രു​മ്പോ​ൾ തീ​ർ​ച്ച​യാ​യും പോ​ര് ക​ന​ക്കും.

17 സീ​സ​ണു​ക​ളി​ൽ മൂ​ന്നു​ത​വ​ണ ചാ​മ്പ്യ​ന്മാ​രാ​ണ് കൊ​ൽ​ക്ക​ത്ത​യെ​ങ്കി​ലും ഒ​രി​ക്ക​ലെ​ങ്കി​ലും മാ​റോ​ടു ചേ​ർ​ക്കാ​നു​ള്ള മോ​ഹം ഇ​നി​യും സ​ഫ​ല​മാ​ക്കാ​നാ​കാ​ത്ത​വ​രാ​ണ് റോ​യ​ൽ ച​ല​ഞ്ചേ​ഴ്സ് ബം​ഗ​ളൂ​രു. ര​ഹാ​നെ​ക്കു കീ​ഴി​ൽ വ​രു​ൺ ച​ക്ര​വ​ർ​ത്തി​യെ​ന്ന ചാ​ട്ടു​ളി​യെ ഇ​റ​ക്കി​യാ​ണ് കൊ​ൽ​ക്ക​ത്ത മു​ന്നി​ൽ നി​ൽ​ക്കാ​ൻ ശ്ര​മി​ക്കു​ന്ന​തെ​ങ്കി​ൽ കോ​ഹ്‍ലി​ക്കൊ​പ്പം ഫി​ൽ സാ​ൾ​ട്ട് കൂ​ടി അ​ണി​നി​ര​ക്കു​ന്ന​താ​ണ് ബം​ഗ​ളൂ​രു നി​ര. ജി​തേ​ഷ് ശ​ർ​മ, ലി​യാം ലി​വി​ങ്സ്റ്റ​ൺ എ​ന്നി​വ​ർ​കൂ​ടി കോ​ഹ്‍ലി​ക്ക് കൂ​ട്ടാ​യു​ണ്ട്.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:IPL 2025
News Summary - What happens if IPL 2025 opener between KKR and RCB is affected by rain?
Next Story