എന്തുകൊണ്ട്​ ഡിവില്ലിയേഴ്​സ്​ ദേശീയ ടീമിലേക്ക്​ മടങ്ങിവന്നില്ല? കാരണം വ്യക്​തമാക്കി മാർക്​ ബൗച്ചർ

മികച്ച ഫോമിലായിട്ടും ദേശീയ ടീമിലേക്ക്​ എ.ബി ഡിവില്ലിയേഴ്​സ്​ മടങ്ങിവരാത്തതി​െൻറ കാരണം വ്യക്​തമാക്കി ദക്ഷിണാഫ്രിക്കൻ ഹെഡ്​ കോച്ച്​ മാർക്​ ബൗച്ചർ. നിലവിൽ ടീമി​െൻറ ഭാഗമായ ആരുടെയും സ്​ഥാനം തട്ടിയെടുക്കേണ്ട എന്നതാണ്​​ അദ്ദേഹത്തി​െൻറ പുതിയ തീരുമാനത്തിന്​ പിന്നിലെന്ന്​ കോച്ച്​ വ്യക്​തമാക്കി.

'എബിക്ക് അദ്ദേഹത്തി​​േൻറതായ കാരണങ്ങളുണ്ട്. അത് ഞാൻ മാനിക്കുന്നു. നിർഭാഗ്യവശാൽ അദ്ദേഹം ഇപ്പോൾ ടീമി​െൻറ ഭാഗ്യമല്ല. അദ്ദേഹം ഇപ്പോഴും മികച്ച കളിക്കാരനാണെന്ന്​ എല്ലാവരും സമ്മതിക്കുന്നു. പ്രത്യേകിച്ച്​ ട്വൻറി20 വേൾഡ്​ കപ്പ്​ കളിക്കാനായി' -മാർക്​ ബൗച്ചർ പറഞ്ഞു.

'കോച്ചെന്ന നിലയിൽ മികച്ച കളിക്കാരെയും ടീമിനെയും കെട്ടിപ്പടുക്കാനാണ്​ ഞാൻ​ ശ്രമിച്ചത്​. എന്നാൽ, മറ്റു കളിക്കാർ തഴ​യപ്പെടുന്നതിൽ ഡിവില്ലിയേഴ്​സ്​ ആശങ്കാകുലനായിരുന്നു. ഏത് സാഹചര്യത്തിലും ടീമിന്​ ഉൗർജം നൽക്കുന്നയാളാണ്​ എബി. പക്ഷെ, അദ്ദേഹത്തി​െൻറ തീരുമാനം ഞങ്ങൾ അംഗീകരിക്കുന്നു' -മുൻ സഹതാരം കൂടിയായ മാർക്​ ബൗച്ചർ കൂട്ടിച്ചേർത്തു.

അന്താരാഷ്​ട്ര ക്രിക്കറ്റിൽനിന്ന്​ വിരമിക്കാനുള്ള തീരുമാനം ഡിവില്ലിയേഴ്​സ മാറ്റില്ലെന്ന്​ ഇന്നലെ ക്രിക്കറ്റ്​ സൗത്ത്​ ആഫ്രിക്ക അറിയിച്ചിരുന്നു. വെസ്റ്റ് ഇൻഡീസ് പര്യടനത്തിനായി ടീമിനെ പ്രഖ്യാപിക്കുന്നതിനിടെയാണ് സി.‌എസ്‌.എ ഇക്കാര്യം അറിയിച്ചത്​.

2018 മേയിലാണ് എല്ലാവരെയും ഞെട്ടിച്ച്, 34ാം വയസ്സിൽ​ ഡിവില്ലിയേഴ്‌സ് അന്താരാഷ്ട്ര ക്രിക്കറ്റിൽനിന്ന് വിരമിക്കുന്നത്​. 114 ടെസ്റ്റുകളും 228 ഏകദിനങ്ങളും 78 ട്വൻറ20 മത്സരങ്ങളുമാണ്​ അദ്ദേഹം ദക്ഷിണാഫ്രിക്കക്കായി കളത്തിലറങ്ങിയത്​. എന്നാൽ, കഴിഞ്ഞമാസം താരം ദേശീയ ടീമിൽ മടങ്ങിയെത്തണമെന്ന ആഗ്രഹം പ്രകടിപ്പിച്ചതോടെയാണ്​ വീണ്ടും ചർച്ചകൾ സജീവമായത്​.