ടെസ്റ്റ് ചാമ്പ്യൻഷിപ് ഫൈനലിൽ ഇന്ത്യയെത്തുമോ? രോഹിത് ചോദ്യമുനയിൽ

സി​ഡ്നി: ബോ​ർ​ഡ​ർ- ഗ​വാ​സ്ക​ർ ട്രോ​ഫി ഇ​ന്ത്യ- ഓ​സീ​സ് ടെ​സ്റ്റ് പ​ര​മ്പ​ര​യി​ൽ ഇ​ന്ത്യ​ൻ പ​ട​യോ​ട്ടം പാ​തി​വ​ഴി​യി​ലാ​ണി​പ്പോ​ൾ. ആ​ദ്യ ടെ​സ്റ്റ് ജ​യി​ച്ച ടീം ​അ​ഡ് ലെ​യ്ഡി​ൽ 10 വി​ക്ക​റ്റി​ന് തോ​ൽ​വി സ​മ്മ​തി​ച്ചു. വി​ല്ല​നാ​യും ര​ക്ഷ​ക​നാ​യു​മെ​ത്തി​യ മ​ഴ ക​ളി​യേ​റെ​യും എ​ടു​ത്ത മൂ​ന്നാം ടെ​സ്റ്റി​ൽ അ​ഞ്ചു ദി​വ​സ​മെ​ടു​ത്ത് കു​റ​ച്ചൊ​ക്കെ ക​ളി​ച്ച് സ​മ​നി​ല​യു​മാ​യി മ​ട​ങ്ങി. ഇ​രു ടീ​മി​ന്റെ​യും ആ​ദ്യ ഇ​ന്നി​ങ്സ് സ്കോ​ർ പ​രി​ഗ​ണി​ച്ചാ​ൽ മ​ഴ ക​നി​ഞ്ഞി​ല്ലാ​​യി​രു​ന്നെ​ങ്കി​ൽ ഗാ​ബ മൈ​താ​ന​ത്ത് ടീം ​തോ​ൽ​വി സ​മ്മ​തി​ക്കേ​ണ്ടി​വ​ന്നേ​നെ.

ടീം ​വി​ശേ​ഷ​ങ്ങ​ൾ ഇ​ങ്ങ​നെ ന​ന​ഞ്ഞു​​നി​ൽ​ക്കു​ന്ന​തി​നി​ടെ വെ​റ്റ​റ​ൻ താ​രം അ​ശ്വി​ൻ അ​പ്ര​തീ​ക്ഷി​ത വി​ര​മി​ക്ക​ൽ പ്ര​ഖ്യാ​പ​നം ന​ട​ത്തി​യ​ത് മ​റ്റു​ള്ള​വ​രി​ലേ​ക്ക് ചോ​ദ്യ​മു​ന ഉ​യ​ർ​ത്തു​ന്ന​താ​യി. നാ​യ​ക​ൻ രോ​ഹി​ത് ശ​ർ​മ​യു​ടെ സ​മീ​പ​കാ​ല പ്ര​ക​ട​ന​ങ്ങ​ൾ​ത​ന്നെ അ​തി​ൽ ഒ​ന്നാ​മ​ത്. ടീ​മി​ന്റെ ആ​ദ്യ ഇ​ല​വ​നി​ൽ രോ​ഹി​ത് എ​ന്തി​ന് തു​ട​രു​ന്നു​വെ​ന്നു​ൾ​പ്പെ​ടെ ചോ​ദി​ക്കു​ന്ന​വ​ർ ഏ​റെ. ഓ​സീ​സ് മ​ണ്ണി​ൽ പ്രൈം ​മി​നി​സ്റ്റേ​ഴ്സ് ഇ​ല​വ​നു​മാ​യി കാ​ൻ​ബ​റ​യി​ലെ പ്ര​ദ​ർ​ശ​ന മ​ത്സ​രം മു​ത​ൽ ടീ​മി​നൊ​പ്പം ചേ​ർ​ന്ന രോ​ഹി​ത് സ്കോ​റി​ങ്ങി​ൽ മ​ന്ദ​ഗ​തി​യാ​ണ്.

പ​ര​മ്പ​ര​യി​ൽ 3, 3, 6, 10 എ​ന്നി​ങ്ങ​നെ​യാ​ണ് താ​ര​ത്തി​ന്റെ സ്കോ​ർ​ഷീ​റ്റ്. അ​ല​ക്ഷ്യ​മാ​യ ഷോ​ട്ടു​ക​ളു​മാ​യി വി​ക്ക​റ്റ് ക​ള​ഞ്ഞു​കു​ളി​ച്ചെ​ന്ന് പ​റ​യാ​നാ​കി​ല്ലെ​ങ്കി​ലും പ​ന്ത് നേ​രി​ടു​ന്ന​തി​ലെ അ​നി​ശ്ചി​ത​ത്വ​മാ​ണ് പ​ല​പ്പോ​ഴും വി​ല്ല​നാ​കു​ന്ന​ത്. ക​ഴി​ഞ്ഞ മാ​ർ​ച്ചി​ൽ ധ​ർ​മ​ശാ​ല​യി​ൽ ഇം​ഗ്ല​ണ്ടി​നെ​തി​രെ കു​റി​ച്ച സെ​ഞ്ച്വ​റി​യാ​ണ് ടെ​സ്റ്റി​ൽ ഏ​റ്റ​വു​മൊ​ടു​വി​ലെ മൂ​ന്ന​ക്ക പ്ര​ക​ട​നം. ആ​ഗ​സ്റ്റി​ൽ ശ്രീ​ല​ങ്ക​യി​ലെ​ത്തി​യ​പ്പോ​ൾ ഏ​ക​ദി​ന​ങ്ങ​ളി​ൽ 58, 64, 35 എ​ന്നി​ങ്ങ​നെ നേ​ടി പി​ടി​ച്ചു​നി​ന്നു.

ബ്രി​സ്ബേ​നി​ലെ ​ഗാ​ബ മൈ​താ​ന​ത്ത് ഇ​റ​ങ്ങി​യ താ​രം 10 റ​ൺ​സെ​ടു​ത്ത് മ​ട​ങ്ങി. പ്രാ​യം 37ലെ​ത്തി​യ രോ​ഹി​തി​ന് ഇ​നി​യു​മേ​റെ പി​ടി​ച്ചു​നി​ൽ​ക്ക​ണ​മെ​ങ്കി​ൽ ഇ​ത്ര​യും പോ​​രെ​ന്നു​റ​പ്പ്. ക​ഴി​ഞ്ഞ ജൂ​ണി​ൽ ഐ.​സി.​സി ട്വ​ന്റി20 ലോ​ക​ക​പ്പ് കി​രീ​ട നേ​ട്ട​ത്തി​ലേ​ക്ക് രാ​ജ്യ​ത്തെ ന​യി​ച്ച നാ​യ​ക​നെ അ​ന്ന് തോ​ളി​ലേ​റ്റി​യ​വ​ർ​ത​ന്നെ​യാ​ണ് ഇ​പ്പോ​ൾ വി​മ​ർ​ശ​ന​ശ​ര​ങ്ങ​ളു​മാ​യി എ​ത്തു​ന്ന​ത്. സ​മാ​ന വി​മ​ർ​ശ​നം നേ​രി​ട്ട സൂ​പ്പ​ർ താ​രം വി​രാ​ട് കോ​ഹ്‍ലി പെ​ർ​ത്തി​ലെ ആ​ദ്യ ടെ​സ്റ്റി​ൽ സെ​ഞ്ച്വ​റി കു​റി​ച്ചു​വെ​ന്ന് മാ​ത്ര​മ​ല്ല, അ​ന്ന് ടീം ​ജ​യി​ക്കു​ക​യും ചെ​യ്തു.

മ​റു​വ​ശ​ത്ത്, ഓ​സീ​സ് ടീ​മി​ൽ സ്റ്റീ​വ് സ്മി​ത്തും ഇ​ങ്ങ​നെ സെ​ഞ്ച്വ​റി​യ​ടി​ച്ച് എ​തി​ർ​പ്പ് മ​റി​ക​ട​ന്ന​വ​രാ​ണ്. വ​രും​നാ​ളു​ക​ളി​ൽ രോ​ഹി​ത് ഇ​ങ്ങ​നെ ബാ​റ്റു​കൊ​ണ്ട് മ​റു​പ​ടി പ​റ​യു​മെ​ന്നും ടീം ​ഇ​ന്ത്യ ലോ​ക ടെ​സ്റ്റ് ചാ​മ്പ്യ​ൻ​ഷി​പ് ഫൈ​ന​ൽ ക​ളി​ച്ച് ആ​ദ്യ​മാ​യി കി​രീ​ട​മു​യ​ർ​ത്തു​മെ​ന്നും​ത​ന്നെ​യാ​ണ് ആ​രാ​ധ​ക​രു​ടെ പ്ര​തീ​ക്ഷ.