വനിത ഏഷ്യ കപ്പ് ഫൈനൽ ഇന്ന്

സിൽഹെത് (ബംഗ്ലാദേശ്): വനിത ഏഷ്യ കപ്പിൽ ഏഴാം കിരീടം തേടി ഹർമൻപ്രീത് കൗറും സംഘവും ഇന്നിറങ്ങുന്നു. ശ്രീലങ്കയാണ് കലാശപ്പോരിൽ ഇന്ത്യയുടെ എതിരാളികൾ. തായ്‍ലൻഡിനെ തകർത്താണ് ഇന്ത്യ ഫൈനലിലെത്തിയതെങ്കിൽ പാകിസ്താനെ മറികടന്നായിരുന്നു ലങ്കയുടെ ഫൈനൽ പ്രവേശനം.

നായിക ഹർമൻപ്രീതും സൂപ്പർ ബാറ്റർ സ്മൃതി മന്ദാനയും കാര്യമായി തിളങ്ങിയിട്ടില്ലെങ്കിലും ദീപ്തി ശർമ, ശഫാലി വർമ, ജമീമ റോഡ്രിഗ്വസ് എന്നിവരുടെ ഫോമാണ് ഇന്ത്യക്ക് കരുത്തായത്.