വ​നി​ത പ്രീ​മി​യ​ർ ലീ​ഗ്: ബാംഗ്ലൂരിനെ തകർത്ത് ഡൽഹി

മും​ബൈ: വ​നി​ത പ്രീ​മി​യ​ർ ലീ​ഗ് ക്രി​ക്ക​റ്റി​ൽ ഞാ​യ​റാ​ഴ്ച ന​ട​ന്ന ആ​ദ്യ മ​ത്സ​ര​ത്തി​ൽ റോ​യ​ൽ ച​ല​ഞ്ചേ​ഴ്സ് ബാം​ഗ്ലൂ​രി​നെ​തി​രെ ഡ​ൽ​ഹി കാ​പി​റ്റ​ൽ​സി​ന് 60 റ​ൺ​സ് ജ​യം. ടോ​സ് ന​ഷ്ട​പ്പെ​ട്ട് ബാ​റ്റി​ങ്ങി​നി​റ​ങ്ങി​യ ഡ​ൽ​ഹി നി​ശ്ചി​ത 20 ഓ​വ​റി​ൽ ര​ണ്ടു വി​ക്ക​റ്റി​ന് 223 റ​ൺ​സ് എ​ന്ന റെ​ക്കോ​ഡ് സ്കോ​റി​ലെ​ത്തി.

ബാം​ഗ്ലൂ​രി​ന് പ​ക്ഷേ, 20 ഓ​വ​റി​ൽ എ​ട്ടി​ന് 162 റ​ൺ​സ് എ​ടു​ക്കാ​നേ ക​ഴി​ഞ്ഞു​ള്ളൂ. 29 റ​ൺ​സ് വ​ഴ​ങ്ങി അ​ഞ്ചു വി​ക്ക​റ്റ് വീ​ഴ്ത്തി​യ ഡ​ൽ​ഹി ബൗ​ള​ർ ടാ​ര നോ​റി​സാ​ണ് ക​ളി​യി​ലെ താ​രം.

ഓ​പ​ണ​ർ​മാ​രാ​യ ഷ​ഫാ​ലി വ​ർ​മ​യും (45 പ​ന്തി​ൽ 84) ക്യാ​പ്റ്റ​ൻ മെ​ഗ് ലാ​നി​ങ്ങും (43 പ​ന്തി​ൽ 72) ഒ​ന്നാം വി​ക്ക​റ്റി​ൽ നേ​ടി​യ 162 റ​ൺ​സാ​ണ് ഡ​ൽ​ഹി​ക്ക് അ​ടി​ത്ത​റ​യി​ട്ട​ത്. ഇ​വ​ർ പു​റ​ത്താ​യ​ശേ​ഷം മാ​രി​സാ​നെ കാ​പ്പും (17 പ​ന്തി​ൽ 39) ജെ​മി​മ റോ​ഡ്രി​ഗ​സും (15 പ​ന്തി​ൽ 22) അ​പ​രാ​ജി​ത​രാ​യി വെ​ടി​ക്കെ​ട്ട് ന​ട​ത്തി കൂ​റ്റ​ൻ സ്കോ​ർ കു​റി​ക്കു​ക​യാ​യി​രു​ന്നു.

23 പ​ന്തി​ൽ 35 റ​ൺ​സെ​ടു​ത്ത ഓ​പ​ണ​റും ക്യാ​പ്റ്റ​നു​മാ​യ സ്മൃ​തി മ​ന്ദാ​ന​യാ​ണ് ബാം​ഗ്ലൂ​രി​ന്റെ ടോ​പ് സ്കോ​റ​ർ. ഹെ​ത​ർ നൈ​റ്റ് 21 പ​ന്തി​ൽ 34 റ​ൺ​സ​ടി​ച്ച​പ്പോ​ൾ 19 പ​ന്തി​ൽ 30 റ​ൺ​സു​മാ​യി മെ​ഗാ​ൻ ഷ​ട്ട് പു​റ​ത്താ​വാ​തെ നി​ന്നു.