വനിത ട്വന്റി20 ലോകകപ്പ് ഒക്ടോബർ മൂന്ന് മുതൽ

ദു​ബൈ: വ​നി​ത ട്വ​ന്റി20 ലോ​ക​ക​പ്പ് മ​ത്സ​ര ക്ര​മം പ്ര​ഖ്യാ​പി​ച്ച് അ​ന്താ​രാ​ഷ്ട്ര ക്രി​ക്ക​റ്റ് കൗ​ൺ​സി​ൽ. ദു​ബൈ, ഷാ​ർ​ജ വേ​ദി​ക​ളി​ലാ​യി ഒ​ക്ടോ​ബ​ർ മൂ​ന്ന് മു​ത​ൽ 20 വ​രെ​യാ​കും മ​ത്സ​ര​ങ്ങ​ൾ.

അ​ഞ്ച് ടീ​മു​ക​ള​ട​ങ്ങി​യ ര​ണ്ട് ഗ്രൂ​പു​ക​ളി​ലാ​യി 10 ​രാ​ജ്യ​ങ്ങ​ളി​ലെ വ​നി​ത ടീ​മു​ക​ളാ​ണ് മ​ത്സ​രി​ക്കു​ക. ബം​ഗ്ല​ദേ​ശി​ൽ നി​ശ്ച​യി​ച്ച മ​ത്സ​ര​ങ്ങ​ൾ രാ​ജ്യ​ത്തെ സം​ഘ​ർ​ഷ​​ങ്ങ​ളെ തു​ട​ർ​ന്ന് ആ​ഗ​സ്റ്റ് 20ന് ​യു.​എ.​ഇ​യി​ലേ​ക്ക് മാ​റ്റു​ക​യാ​യി​രു​ന്നു. ഇ​ന്ത്യ ഉ​ൾ​ക്കൊ​ള്ളു​ന്ന എ ​ഗ്രൂ​പി​ൽ ആ​സ്ട്രേ​ലി​യ, പാ​കി​സ്താ​ൻ, ന്യൂ​സി​ല​ൻ​ഡ്, ശ്രീ​ല​ങ്ക എ​ന്നി​വ​യാ​ണ് മ​റ്റു ടീ​മു​ക​ൾ. ഗ്രൂ​പ് ബി​യി​ൽ ബം​ഗ്ല​ദേ​ശ്, ഇം​ഗ്ല​ണ്ട്, ദ​ക്ഷി​ണാ​ഫ്രി​ക്ക, വെ​സ്റ്റ് ഇ​ൻ​ഡീ​സ്, സ്കോ​ട്‍ല​ൻ​ഡ് എ​ന്നി​വ​യും മാ​റ്റു​ര​ക്കും. ഗ്രൂ​പ് ഘ​ട്ട​ത്തി​ൽ ഓ​രോ ടീ​മും നാ​ലു വീ​തം മ​ത്സ​ര​ങ്ങ​ൾ ക​ളി​ക്കും. കൂ​ടു​ത​ൽ​ പോ​യി​ന്റ് നേ​ടു​ന്ന ര​ണ്ട് ടീ​മു​ക​ൾ വീ​തം ഓ​രോ ഗ്രൂ​പി​ൽ​നി​ന്നും സെ​മി ഫൈ​ന​ലി​​ലേ​ക്ക് യോ​ഗ്യ​ത നേ​ടും.

ഒ​ക്ടോ​ബ​ർ മൂ​ന്നി​ന് ഷാ​ർ​ജ​യി​ൽ ബം​ഗ്ല​ദേ​ശ്- സ്കോ​ട്‍ല​ൻ​ഡ്, പാ​കി​സ്താ​ൻ- ശ്രീ​ല​ങ്ക മ​ത്സ​ര​ങ്ങ​ളോ​ടെ​യാ​ണ് തു​ട​ക്ക​മാ​കു​ക. ഇ​ന്ത്യ​ക്ക് പി​റ്റേ​ന്ന് ന്യൂ​സി​ല​ൻ​ഡാ​ണ് ആ​ദ്യ എ​തി​രാ​ളി. ദു​ബൈ​യി​ലാ​ണ് മ​ത്സ​രം. ഒ​ക്ടോ​ബ​ർ 17, 18 തീ​യ​തി​ക​ളി​ൽ സെ​മി ഫൈ​ന​ൽ മ​ത്സ​ര​ങ്ങ​ൾ. 20ന് ​ദു​ബൈ​യി​ൽ ഫൈ​ന​ലും ന​ട​ക്കും.