800 മീറ്ററിലും സ്വർണം; ആദ്യഡബിൾ അമൃതിന്, പെൺകുട്ടികളിൽ ‘നിവേദ്യ’മാർ

കൊ​ച്ചി: സം​സ്ഥാ​ന സ്കൂ​ൾ കാ​യി​ക​മേ​ള​യി​ൽ മീ​റ്റി​ലെ ആ​ദ്യ ഡ​ബി​ൾ സ്വ​ന്ത​മാ​ക്കി എം. ​അ​മൃ​ത്. വെ​ള്ളി​യാ​ഴ്ച 400 മീ​റ്റ​റി​ൽ സ്വ​ർ​ണം നേ​ടി​യ ക​ല്ല​ടി എ​ച്ച്.​എ​സ്.​സി​ലെ പ്ല​സ്​ ടു ​വി​ദ്യാ​ർ​ഥി​യാ​യ അ​മൃ​ത്​ ശ​നി​യാ​ഴ്ച അ​വ​സാ​ന ഇ​ന​മാ​യി ന​ട​ന്ന 800 മീ​റ്റ​റി​ലും ഒ​ന്നാ​മ​തെ​ത്തി​യാ​ണ്​ ഇ​ര​ട്ട​സ്വ​ർ​ണം (1:56:55) സ്വ​ന്ത​മാ​ക്കി​യ​ത്. പെ​ൺ​കു​ട്ടി​ക​ളു​ടെ ജൂ​നി​യ​ർ, സീ​നി​യ​ർ വി​ഭാ​ഗ​ങ്ങ​ളി​ൽ നി​വേ​ദ്യ, ജെ.​എ​സ്. നി​വേ​ദ്യ എ​ന്നി​വ​ർ ഒ​ന്നാ​മ​തെ​ത്തി. ക​ഴി​ഞ്ഞ സം​സ്ഥാ​ന ജൂ​നി​യ​ർ മീ​റ്റി​നി​ടെ കാ​ലി​​നേ​റ്റ പ​രി​ക്കി​നെ​തു​ട​ർ​ന്ന്​ ര​ണ്ടു​മാ​സ​ത്തോ​ളം നീ​ണ്ട ചി​കി​ത്സ​ക്കു​ശേ​ഷ​മാ​യി​രു​ന്നു മ​ഹാ​രാ​ജാ​സ്​ ട്രാ​ക്കി​ലേ​ക്കു​ള്ള അ​മൃ​തി​ന്‍റെ വ​ര​വ്.

ജൂ​നി​യ​ർ പെ​ൺ​കു​ട്ടി​ക​ളി​ൽ പാ​ല​ക്കാ​ട്​ കൊ​ടു​വാ​യൂ​ർ വി.​എ​ച്ച്.​എ​സി​ലെ നി​വേ​ദ്യ സ്വ​ർ​ണം (2:18.60) സ്വ​ന്ത​മാ​ക്കി. പാ​ല​ക്കാ​ട്​ കൊ​ടു​വാ​യൂ​ർ തേ​ങ്കു​റി​ശ്ശി സ്വ​ദേ​ശി​യാ​യ ഈ 10ാം ​ക്ലാ​സു​കാ​രി 400 മീ​റ്റ​റി​ൽ വെ​ങ്ക​ല​വും നേ​ടി​യി​രു​ന്നു. സീ​നി​യ​ർ പെ​ൺ​കു​ട്ടി​ക​ളി​ൽ ക​ട​ക​ശ്ശേ​രി ഐ​ഡി​യ​ൽ സ്​​കൂ​ളി​ലെ ജെ.​എ​സ്. നി​വേ​ദ്യ (2:18.62)യാ​ണ്​ സ്വ​ർ​ണം നേ​ടി​യ​ത്. കോ​​ഴി​ക്കോ​ട്​ ബാ​ലു​ശ്ശേ​രി സ്വ​ദേ​ശി​നി നി​വേ​ദ്യ പ്ല​സ്​ ടു ​വി​ദ്യാ​ർ​ഥി​നി​യാ​ണ്. 400 മീ​റ്റ​റി​ൽ വെ​ള്ളി​യും സ്വ​ന്ത​മാ​ക്കി​യി​രു​ന്നു. സീ​നി​യ​ർ ആ​ൺ​കു​ട്ടി​ക​ളി​ൽ മ​ല​പ്പു​റ​ത്തി​ന്‍റെ കെ.​പി. ലു​ഖ്മാ​ൻ (1:57.14) ഒ​ന്നാ​മ​തെ​ത്തി. ​