കൗ​മാ​ര കാ​യി​ക മാ​മാ​ങ്ക​ത്തി​ന് വ​ർ​ണാ​ഭ​മാ​യ തു​ട​ക്കം

കു​ന്നം​കു​ളം: 65ാമ​ത് സം​സ്ഥാ​ന സ്കൂ​ൾ കാ​യി​കോ​ത്സ​വ​ത്തി​ന് കു​ന്നം​കു​ളം സീ​നി​യ​ർ ഗ്രൗ​ണ്ടി​ൽ തി​രി​തെ​ളി​ഞ്ഞു. രാ​വി​ലെ ഒ​മ്പ​തി​ന് പൊ​തു​വി​ദ്യാ​ഭ്യാ​സ ഡ​യ​റ​ക്ട​ർ എ​സ്. ഷാ​ന​വാ​സ് പ​താ​ക ഉ​യ​ർ​ത്തി. തു​ട​ർ​ന്ന് 14 ജി​ല്ല​ക​ളു​ടെ പ​താ​ക​ക​ൾ ജി​ല്ല കാ​യി​ക കോ​ഓ​ഡി​നേ​റ്റ​ർ​മാ​രും ഉ​യ​ർ​ത്തി. ബാ​ൻ​ഡ് വാ​ദ്യ​ത്തി​ന്റെ അ​ക​മ്പ​ടി​യോ​ടെ കാ​യി​ക താ​ര​ങ്ങ​ൾ മാ​ർ​ച്ച് പാ​സ്റ്റോ​ടെ ക​ളി​ക്ക​ള​ത്തി​ൽ പ്ര​വേ​ശി​ച്ചു. തു​ട​ർ​ന്ന് ജി​ല്ല​ത​ല​ത്തി​ൽ താ​ര​ങ്ങ​ൾ സി​ന്ത​റ്റി​ക് ട്രാ​ക്കി​ൽ അ​ണി​നി​ര​ന്നു. സ്കൗ​ട്ട്സ് ആ​ൻ​ഡ് ഗൈ​ഡ്‌​സ് അം​ഗ​ങ്ങ​ളും പ​രേ​ഡി​ൽ പ​ങ്കെ​ടു​ത്തു.

തൃ​ശൂ​രി​ൽ​നി​ന്ന് തി​ങ്ക​ളാ​ഴ്ച വൈ​കീ​ട്ട് എ​ത്തി​യ ദീ​പ​ശി​ഖ ഒ​ളി​മ്പ്യ​ൻ ലി​ജോ ഡേ​വി​സ് തോ​ട്ടാ​ൻ ഏ​റ്റു​വാ​ങ്ങി മൈ​താ​ന​ത്ത് എ​ത്തി​ച്ച്‌ ഇ​ന്ത്യ​ൻ ഹോ​ക്കി താ​രം പി.​ആ​ർ. ശ്രീ​ജേ​ഷി​ന് കൈ​മാ​റി. തു​ട​ർ​ന്ന് മൈ​താ​ന​ത്തി​ന്റെ മ​ധ്യ​ഭാ​ഗ​ത്ത് പ്ര​ത്യേ​കം ത​യാ​റാ​ക്കി​യ സ്ഥാ​ന​ത്ത് ദീ​പ​ശി​ഖ തെ​ളി​യി​ച്ചു. വി​ദ്യാ​ഭ്യാ​സ മ​ന്ത്രി വി. ​ശി​വ​ന്‍കു​ട്ടി കാ​യി​ക മേ​ള​യു​ടെ ഔ​ദ്യോ​ഗി​ക ഉ​ദ്ഘാ​ട​നം നി​ർ​വ​ഹി​ച്ചു. ഉ​ദ്ഘാ​ട​ന​ത്തോ​ട​നു​ബ​ന്ധി​ച്ച് ഏ​ഷ്യാ​ഡ് മെ​ഡ​ല്‍ ജേ​താ​ക്ക​ളെ ആ​ദ​രി​ച്ച് 107 നി​റ​ത്തി​ലു​ള്ള ബ​ലൂ​ണു​ക​ള്‍ പ​റ​ത്തി. തു​ട​ര്‍ന്ന് ക​ലാ​പ​രി​പാ​ടി​ക​ള്‍ അ​ര​ങ്ങേ​റി.