പ്രഥമ സ്കൂൾ ഒളിമ്പിക്സ്; വെൽകം ടു എറണാകുളം

കൊ​ച്ചി: അ​ത്​​ല​റ്റി​ക്സും ഗെ​യിം​സും ഒ​രു​മി​ച്ചു​വ​രു​ന്ന സ്കൂ​ൾ ഒ​ളി​മ്പി​ക്സി​ന്‍റെ ആ​ദ്യ എ​ഡി​ഷ​ൻ എ​റ​ണാ​കു​ള​ത്ത്. പൊ​തു​വി​ദ്യാ​ഭ്യാ​സ മ​ന്ത്രി ബു​ധ​നാ​ഴ്ച പ്ര​ഖ്യാ​പി​ച്ച​ത്​ മു​ത​ൽ ആ​വേ​ശ​ത്തി​ലാ​ണ് എ​റ​ണാ​കു​ളം ജി​ല്ല​യി​ലെ കാ​യി​ക​ലോ​കം. നാ​ലു വ​ർ​ഷ​ത്തി​ലൊ​രി​ക്ക​ലാ​ണ് കാ​യി​ക​മേ​ള സ്കൂ​ൾ ഒ​ളി​മ്പി​ക്സ് എ​ന്ന രൂ​പ​ത്തി​ൽ ന​ട​ത്തു​ക. നി​ല​വി​ൽ എ​റ​ണാ​കു​ളം ജി​ല്ല​യി​ലാ​ണെ​ന്നും ഒ​ക്ടോ​ബ​ർ 18 മു​ത​ൽ 22 വ​രെ നീ​ണ്ടു​നി​ൽ​ക്കു​മെ​ന്നും മ​ന്ത്രി പ്ര​ഖ്യാ​പി​ച്ചി​ട്ടു​ണ്ടെ​ങ്കി​ലും ഇ​തു​സം​ബ​ന്ധി​ച്ച കൂ​ടു​ത​ൽ വി​വ​ര​ങ്ങ​ൾ പു​റ​ത്തു​വ​ന്നി​ട്ടി​ല്ല.

ഒ​ളി​മ്പി​ക്സ് ന​ട​ത്തി​പ്പു​മാ​യി ബ​ന്ധ​പ്പെ​ട്ട കാ​ര്യ​ങ്ങ​ൾ ച​ർ​ച്ച ചെ​യ്ത് തീ​രു​മാ​നി​ക്കാ​നാ​യി ഉ​ട​ൻ ത​ന്നെ ഉ​ന്ന​ത യോ​ഗം ചേ​രു​മെ​ന്നാ​ണ് മ​ന്ത്രി​യു​ടെ ഓ​ഫി​സ് വൃ​ത്ത​ങ്ങ​ൾ അ​റി​യി​ച്ച​ത്. എ​റ​ണാ​കു​ളം ജി​ല്ല​യി​ൽ ഒ​ളി​മ്പി​ക്സ് ന​ട​ത്താ​നു​ള്ള വേ​ദി​ക​ൾ ഉ​ൾ​പ്പെ​ടെ​യു​ള്ള കാ​ര്യ​ങ്ങ​ളാ​ണ് തീ​രു​മാ​നി​ക്കാ​നു​ള്ള​ത്.

മ​ഹാ​രാ​ജാ​സ് ഗ്രൗ​ണ്ട് സ​ജ്ജ​മാ​യേ​ക്കി​ല്ല

എ​റ​ണാ​കു​ളം ജി​ല്ല​യി​ൽ കാ​യി​ക​സം​ബ​ന്ധ​മാ​യ പ​രി​പാ​ടി​ക​ളു​ടെ വേ​ദി പ​രി​ഗ​ണ​ന​ക​ളി​ൽ എ​ന്നും ഒ​ന്നാം സ്ഥാ​ന​ത്തു​ള്ള​ത് കൊ​ച്ചി ന​ഗ​ര​ത്തി​ന്‍റെ ഹൃ​ദ​യ​ഭാ​ഗ​ത്തു​ള്ള മ​ഹാ​രാ​ജാ​സ് കോ​ള​ജ് ഗ്രൗ​ണ്ട് ആ​ണ്. എ​ന്നാ​ൽ, നി​ല​വി​ൽ ഗ്രൗ​ണ്ടി​ൽ വി​വി​ധ വി​ക​സ​ന പ്ര​വ​ർ​ത്ത​ന​ങ്ങ​ൾ ന​ട​ന്നു​കൊ​ണ്ടി​രി​ക്കു​ക​യാ​ണ്. നി​ല​വി​ലെ സി​ന്ത​റ്റി​ക് ട്രാ​ക്ക് പൊ​ളി​ച്ചു​മാ​റ്റി പു​തി​യ സി​ന്ത​റ്റി​ക് ട്രാ​ക്ക് ഒ​രു​ക്കു​ന്ന​താ​ണ് ഇ​തി​ൽ പ്ര​ധാ​നം.

എ​ന്നാ​ൽ, ഈ ​പ്ര​വൃ​ത്തി, സ്കൂ​ൾ ഒ​ളി​മ്പി​ക്സി​നാ​യി പ്ര​ഖ്യാ​പി​ച്ച തി​യ്യ​തി​ക്കു മു​മ്പാ​യി പൂ​ർ​ത്തി​യാ​വി​ല്ലെ​ന്നാ​ണ് സൂ​ച​ന. ഇ​ക്ക​ഴി​ഞ്ഞ മാ​ർ​ച്ചി​ലാ​ണ് ഗ്രൗ​ണ്ടി​ൽ പു​തി​യ സി​ന്ത​റ്റി​ക് ട്രാ​ക്ക് സ്ഥാ​പി​ക്കു​ന്ന​തു​ൾ​പ്പെ​ടെ​യു​ള്ള പ്ര​വ​ർ​ത്ത​ന​ങ്ങ​ൾ ആ​രം​ഭി​ച്ച​ത്. ഹൈ​ദ​രാ​ബാ​ദ് ആ​സ്ഥാ​ന​മാ​യു​ള്ള ഗ്രേ​റ്റ് സ്പോ​ർ​ട്സ് ടെ​ക് ലി​മി​റ്റ​ഡാ​ണ് ക​രാ​റെ​ടു​ത്ത് നി​ർ​മാ​ണം ന​ട​ത്തു​ന്ന​ത്.

നി​ല​വി​ൽ ട്രാ​ക്കി​ലെ ടാ​റി​ങ് പൂ​ർ​ത്തി​യാ​യി​ട്ടു​ണ്ട്. എ​ന്നാ​ൽ, പ്ര​തി​കൂ​ല കാ​ലാ​വ​സ്ഥ മൂ​ലം സി​ന്ത​റ്റി​ക് ട്രാ​ക്ക് ആ​ക്കു​ന്ന​തി​ന്‍റെ പ്ര​വ​ർ​ത്ത​ന​ങ്ങ​ൾ തു​ട​ങ്ങാ​നാ​വാ​ത്ത സ്ഥി​തി​യാ​ണ്. മൂ​ന്ന് ലെ​യ​ർ ഉ​ള്ള സി​ന്ത​റ്റി​ക് ട്രാ​ക്കി​ന്‍റെ ജോ​ലി​ക​ൾ​ക്കാ​യി മ​ഴ പൂ​ർ​ണ​മാ​യി മാ​റി വെ​യി​ൽ തെ​ളി​യേ​ണ്ട​തു​ണ്ട്.

ഈ​ർ​പ്പ​മോ ന​ന​വോ ഒ​ട്ടും ഉ​ണ്ടാ​വാ​നും പാ​ടി​ല്ല. 400 മീ​റ്റ​ർ ട്രാ​ക്കി​ന്‍റെ ജോ​ലി​ക​ൾ യ​ന്ത്ര​സ​ഹാ​യ​മി​ല്ലാ​തെ, പൂ​ർ​ണ​മാ​യി മ​നു​ഷ്യാ​ധ്വാ​നം ഉ​പ​യോ​ഗി​ച്ചാ​ണ് ചെ​യ്യേ​ണ്ട​ത്. ഇ​തി​നാ​യി ഒ​രു​മാ​സ​മെ​ടു​ക്കു​മെ​ന്ന് പ്ര​വൃ​ത്തി​ക​ൾ​ക്ക് മേ​ൽ​നോ​ട്ടം ന​ൽ​കു​ന്ന എ​ൻ​ജി​നീ​യ​ർ നൗ​ഫ​ൽ സൈ​നു​ദ്ദീ​ൻ വ്യ​ക്ത​മാ​ക്കി. സെ​പ്തം​ബ​ർ മാ​സ​ത്തി​ലേ​ക്ക് മ​ഴ​ക്കാ​ലം അ​വ​സാ​നി​ച്ചാ​ൽ ത​ന്നെ ഒ​രു​മാ​സം പൂ​ർ​ണ​മാ​യി സി​ന്ത​റ്റി​ക് ജോ​ലി​ക​ൾ​ക്കാ​യി വേ​ണ്ടി​വ​രും.

ഇ​തി​നു​ള്ള സി​ന്ത​റ്റി​ക് ഗ്രാ​ന്യൂ​ൾ​സ് ഉ​ൾ​പ്പെ​ടെ മ​ലേ​ഷ്യ​യി​ൽ നി​ന്ന് ഇ​റ​ക്കു​മ​തി ചെ​യ്ത​ത് ചെ​ന്നൈ​യി​ലെ​ത്തി​യി​ട്ടു​ണ്ട്. നി​ല​വി​ൽ, സ്കൂ​ൾ ഒ​ളി​മ്പി​ക്സ് വേ​ദി​ക്കാ​യി മ​ഹാ​രാ​ജാ​സ് ഗ്രൗ​ണ്ട് ഒ​രു​ക്ക​ണ​മെ​ന്ന നി​ർ​ദേ​ശ​മൊ​ന്നും ക​രാ​ർ ക​മ്പ​നി​ക്ക് ല​ഭി​ച്ചി​ട്ടി​ല്ല. നി​ല​വി​ൽ ഗ്രൗ​ണ്ടി​ന്‍റെ മ​റ്റൊ​രു ഭാ​ഗ​ത്ത് പു​ല്ല് വെ​ട്ടു​ന്ന ജോ​ലി​യും പു​രോ​ഗ​മി​ക്കു​ന്നു​ണ്ട്.

എം.​എ കോ​ള​ജ് ഗ്രൗ​ണ്ടി​നും സാ​ധ്യ​ത

മ​ഹാ​രാ​ജാ​സ് ഗ്രൗ​ണ്ടി​നൊ​പ്പം ത​ന്നെ കാ​യി​ക​മ​ത്സ​ര​ങ്ങ​ളു​ടെ മാ​പ്പി​ലെ മു​ഖ്യ​സ്ഥാ​നം കോ​ത​മം​ഗ​ലം മാ​ർ അ​ത്ത​നേ​ഷ്യ​സ് കോ​ള​ജി​നു​മു​ണ്ട്. കോ​ള​ജി​ന്‍റെ 63 ഏ​ക്ക​റി​ല​ധി​കം വ​രു​ന്ന ഭൂ​മി അ​ന്താ​രാ​ഷ്ട്ര നി​ല​വാ​ര​ത്തി​ലു​ള്ള കാ​യി​ക സൗ​ക​ര്യ​ങ്ങ​ളാ​ൽ സ​ജ്ജീ​ക​രി​ച്ചി​രി​ക്കു​ന്നു.

എം.​ജി സ​ർ​വ​ക​ലാ​ശാ​ല അ​ത്​​ല​റ്റി​ക് മീ​റ്റ്, സ​ന്തോ​ഷ് ട്രോ​ഫി പ​രി​ശീ​ല​ന ക്യാ​മ്പ്, വി​വി​ധ പ​രി​ശീ​ല​ന ക്യാ​മ്പു​ക​ൾ തു​ട​ങ്ങി നി​ര​വ​ധി കാ​യി​ക​മേ​ള​ക​ൾ സ്ഥി​ര​മാ​യി അ​ര​ങ്ങേ​റു​ന്ന വേ​ദി​യാ​ണ് എം.​എ കോ​ള​ജ് ഗ്രൗ​ണ്ട്. വി​വി​ധ ട്രാ​ക്കു​ക​ൾ കൂ​ടാ​തെ ഫു​ട്ബാ​ൾ ഫീ​ൽ​ഡ്, സ്വി​മ്മി​ങ് പൂ​ൾ, ബാ​ഡ്മി​ൻ​റ​ൺ ഗ്രൗ​ണ്ട്, ബാ​സ്ക​റ്റ്ബാ​ൾ ഗ്രൗ​ണ്ട്, വോ​ളി​ബോ​ൾ കോ​ർ​ട്ട് തു​ട​ങ്ങി​യ സൗ​ക​ര്യ​ങ്ങ​ളെ​ല്ലാം ഇ​വി​ടെ​യു​ണ്ട്. നാ​ടെ​ങ്ങും അ​റി​യ​പ്പെ​ടു​ന്ന ഒ​ട്ട​ന​വ​ധി കാ​യി​ക​താ​ര​ങ്ങ​ളെ വ​ള​ർ​ത്തി​യെ​ടു​ത്ത ഭൂ​മി​ക കൂ​ടി​യാ​ണി​വി​ടം.

എ​ന്നാ​ൽ, എ​റ​ണാ​കു​ളം ന​ഗ​ര​ത്തി​ൽ എ​ല്ലാ​വ​ർ​ക്കും എ​ത്തി​പ്പെ​ടാ​ൻ എ​ളു​പ്പ​മു​ള്ള, മ​ഹാ​രാ​ജാ​സ് ഗ്രൗ​ണ്ടി​നെ ഒ​ഴി​വാ​ക്കി ഈ ​വേ​ദി തെ​ര​ഞ്ഞെ​ടു​ക്കു​മോ​യെ​ന്ന ആ​ശ​ങ്ക​യും ഒ​രു​ഭാ​ഗ​ത്തു​ണ്ട്.