ജയിച്ചതും ഇന്ത്യ; തോറ്റതും ഇന്ത്യ

ന്യൂ​ഡ​ൽ​ഹി: ക്രി​ക്ക​റ്റ് ലോ​ക​ക​പ്പി​ൽ ക​ഴി​ഞ്ഞ ദി​വ​സം അ​ഹ്മ​ദാ​ബാ​ദി​ലെ ന​രേ​ന്ദ്ര മോ​ദി മൈ​താ​ന​ത്ത് ഇ​ന്ത്യ-​പാ​കി​സ്താ​ൻ മ​ത്സ​ര​ത്തി​നി​ടെ പാ​ക് താ​ര​ങ്ങ​​ൾ​ക്കെ​തി​രെ ജ​യ് ശ്രീ​റാം മു​ദ്രാ​വാ​ക്യം വി​ളി മു​ഴ​ങ്ങി​യ സം​ഭ​വ​ത്തി​ൽ രൂ​ക്ഷ​പ്ര​തി​ക​ര​ണ​വു​മാ​യി രാ​ഷ്ട്രീ​യ പ്ര​മു​ഖ​രും ക്രി​ക്ക​റ്റ് പ്രേ​മി​ക​ളു​മ​ട​ക്കം നി​ര​വ​ധി പേ​ർ രം​ഗ​ത്ത്.

ക​ളി തു​ട​ങ്ങു​ന്ന​തി​നു​മു​മ്പ് ന​ട​ന്ന സം​ഗീ​ത പ​രി​പാ​ടി​യി​ൽ ലൗ​ഡ് സ്പീ​ക്ക​റി​ലൂ​ടെ ജ​യ് ശ്രീ​റാം ഗാ​നം കേ​ട്ട​പ്പോ​ൾ ഗാ​ല​റി​യി​ലെ പ​തി​നാ​യി​ര​ങ്ങ​ൾ ഏ​റ്റു​പാ​ടി‍യി​രു​ന്നു. ഇ​ത് മ​ത്സ​രം ആ​രം​ഭി​ച്ച​പ്പോ​ഴും തു​ട​ർ​ന്നു. അ​ർ​ധ സെ​ഞ്ച്വ​റി​ക്ക​രി​കെ മ​ട​ങ്ങി​യ പാ​ക് വി​ക്ക​റ്റ് കീ​പ്പ​ർ ബാ​റ്റ​ർ മു​ഹ​മ്മ​ദ് റി​സ്‍വാ​ൻ ഡ്ര​സി​ങ് റൂ​മി​ലേ​ക്ക് മ​ട​ങ്ങു​ന്ന​തി​നി​ടെ താ​ര​ത്തി​നു​നേ​രെ ഉ​ച്ച​ത്തി​ൽ ജ​യ് ശ്രീ​റാം വി​ളി​ക്കു​ന്ന വി​ഡി​യോ വൈ​റ​ലാ​ണ്.

69 പ​ന്തി​ൽ 49 റ​ൺ​സു​മാ​യി നി​ൽ​ക്കെ ബും​റ​യു​ടെ പ​ന്തി​ലാ​യി​രു​ന്നു താ​രം പു​റ​ത്താ​യ​ത്. അ​തി​നു​മു​മ്പ് പാ​ക് നാ​യ​ക​ൻ ബാ​ബ​ർ അ​അ്സം ​സ്റ്റേ​ഡി​യ​ത്തി​ലേ​ക്ക് വ​രു​മ്പോ​ഴും കൂ​ട്ട പ​രി​ഹാ​സ​മു​യ​ർ​ന്നു.

ഇ​രു സം​ഭ​വ​ങ്ങ​ൾ​ക്കു​മെ​തി​രെ സ​മൂ​ഹ​മാ​ധ്യ​മ​ങ്ങ​ളി​ൽ ക​ടു​ത്ത വി​മ​ർ​ശ​ന​മാ​ണ് ഉ​യ​രു​ന്ന​ത്. അ​തി​ഥി​യെ ദൈ​വ​തു​ല്യ​രാ​യി കാ​ണു​ന്ന സം​സ്കാ​ര​മാ​ണ് ഇ​ന്ത്യ​യു​ടേ​തെ​ന്നും അ​വ​രെ ആ​ദ​രി​ച്ചി​ല്ലെ​ങ്കി​ലും അ​വ​ഹേ​ളി​ക്ക​രു​താ​യി​രു​ന്നു​വെ​ന്നും ആ​രാ​ധ​ക​ർ വ്യ​ക്ത​മാ​ക്കി.

രാ​ജ്യ​ത്തെ ത​രം​താ​ഴ്ത്തു​ന്നു -ഉ​ദ​യ​നി​ധി

ഇ​ന്ത്യ​യെ കൂ​ടു​ത​ൽ ത​രം​താ​ഴ്ത്തു​ന്ന​താ​യി ഇ​വ​യെ​ന്നും ഒ​രു നി​ല​ക്കും അം​ഗീ​ക​രി​ക്കാ​നാ​കി​ല്ലെ​ന്നും ഡി.​എം.​കെ നേ​താ​വ് തമിഴ്നാട് കായികമന്ത്രിയുമായ ഉ​ദ​യ​നി​ധി സ്റ്റാ​ലി​ൻ പ​റ​ഞ്ഞു. ‘‘കാ​യി​കാ​വേ​ശ​ത്തി​നും ആ​തി​ഥ്യ​ത്തി​നും പേ​രു​കേ​ട്ട നാ​ടാ​ണ് ഇ​ന്ത്യ.

എ​ന്നാ​ൽ, അ​ഹ്മ​ദാ​ബാ​ദി​ലെ ന​രേ​ന്ദ്ര മോ​ദി മൈ​താ​ന​ത്ത് പാ​ക് താ​ര​ങ്ങ​ൾ നേ​രി​ട്ട​ത് ഒ​രി​ക്ക​ലും അം​ഗീ​ക​രി​ക്കാ​നാ​വാ​ത്ത​താ​ണ്. രാ​ജ്യ​​ങ്ങ​ളെ ഒ​ന്നി​പ്പി​ക്കു​ന്ന​താ​ക​ണം ക​ളി. സൗ​ഹൃ​ദം ഊ​ട്ടി​യു​റ​പ്പി​ക്കു​ന്ന​താ​ക​ണം. വെ​റു​പ്പ് പ​ര​ത്താ​നു​ള്ള ആ​യു​ധ​മാ​യി ഇ​തി​നെ മാ​റ്റ​രു​ത്’’ -എ​ക്സി​ൽ ഉ​ദ​യ​നി​ധി സ്റ്റാ​ലി​ൻ കു​റി​ച്ചു.

ഒ​ളി​മ്പി​ക്സി​ന് യോ​ഗ്യ​ത​യു​ണ്ടോ എ​ന്ന് ചി​ന്തി​ക്ക​ണം -സാ​കേ​ത് എം.​പി

2036 ഒ​ളി​മ്പി​ക്സ് ഇ​ന്ത്യ​യി​ലെ​ത്തി​ക്കാ​ൻ മോ​ദി ശ്ര​മി​ക്കു​മ്പോ​ൾ അ​തി​നു​ള്ള യോ​ഗ്യ​ത കുറിച്ച് സം​ശ​യം നി​ഴ​ലി​ക്കു​ന്ന ന​ട​പ​ടി​യാ​യി​പ്പോ​യി ഇ​തെ​ന്ന് തൃ​ണ​മൂ​ൽ കോ​ൺ​ഗ്ര​സ് എം.​പി സാ​കേ​ത് ഗോ​ഖ​ലെ കു​റ്റ​പ്പെ​ടു​ത്തി. ‘‘2036ലെ ​ഒ​ളി​മ്പി​ക്സ് ഇ​ന്ത്യ​യി​ലെ​ത്തി​ക്കാ​ൻ പ്ര​ധാ​ന​മ​ന്ത്രി മോ​ദി ഉ​ൽ​ക്ക​ട​മാ​യി അ​ഭി​ല​ഷി​ക്കു​ന്നു.

എ​ന്നാ​ൽ, പാ​ക് താ​ര​ത്തെ ജ​യ് ശ്രീ ​റാം വി​ളി​ക​ളു​മാ​യി നേ​രി​ടു​ന്നി​ട​ത്ത് സ്വ​ന്തം അ​ണി​ക​ളെ എ​ത്തി​ച്ചി​ട്ടു​ണ്ടെ​ങ്കി​ൽ ഏ​തെ​ങ്കി​ലും രാ​ജ്യാ​ന്ത​ര കാ​യി​ക മേ​ള​ക്ക് രാ​ജ്യം വേ​ദി​യാ​കാ​ൻ ആ​യി​​ട്ടു​ണ്ടോ​യെ​ന്ന് വ​ലി​യ സ​ന്ദേ​ഹം ഉ​യ​രു​ക​യാ​യി​രു​ന്നു. സം​ഭ​വം ന​ട​ന്ന വേ​ദി​യു​ടെ പേ​ര് ന​രേ​ന്ദ്ര മോ​ദി സ്റ്റേ​ഡി​യം ആ​യ​തി​ൽ അ​ത്ഭു​ത​​മി​ല്ല’’- സാ​കേ​ത് ഗോ​ഖ​ലെ​യു​ടെ വാ​ക്കു​ക​ൾ.

‘ഭ​ക്തി​യോ സം​സ്കാ​ര​മോ അ​ല്ല’

‘‘റി​സ്‍വാ​ൻ ഔ​ട്ടാ‍യ​പ്പോ​ൾ ജ​ന​ക്കൂ​ട്ടം ജ​യ് ശ്രീ​റാം വി​ളി​ച്ചു. ഇ​ന്ത്യ​ൻ താ​ര​ങ്ങ​ൾ പു​റ​ത്താ​വു​മ്പോ​ൾ അ​വ​ർ​ക്കു നേ​രെ അ​ല്ലാ​ഹു അ​ക്ബ​ർ എ​ന്നാ​രെ​ങ്കി​ലും വി​ളി​ച്ചാ​ൽ എ​ന്താ​വും തോ​ന്നു​ക’’ -എ​ക്സി​ൽ വി​ഡി​യോ പ​ങ്കു​വെ​ച്ച് മാ​ധ്യ​മ​പ്ര​വ​ർ​ത്ത​ക​ൻ വി​ക്രാ​ന്ത് ഗു​പ്ത ചോ​ദി​ച്ചു.

പു​റ​ത്താ​യ റി​സ്‍വാ​ൻ മ​ട​ങ്ങു​മ്പോ​ൾ ജ​യ് ശ്രീ​റാം വി​ളി​ക്കു​ന്ന​ത് ഭ​ക്തി​യോ സം​സ്കാ​ര​മോ അ​ല്ലെ​ന്നും അ​ന്താ​രാ​ഷ്ട്ര സ​മൂ​ഹ​ത്തി​നു മു​ന്നി​ൽ അ​വ​മ​തി​യു​ണ്ടാ​ക്കു​ന്ന മ​താ​ന്ധ​ത​യാ​ണെ​ന്നു​മാ​യി​രു​ന്നു വി​ജ​യ് തോ​ട്ട​ത്തി​ൽ എ​ന്ന​യാ​ളു​ടെ പ്ര​തി​ക​ര​ണം. ഒ​രു ഇ​ന്ത്യ​ൻ പൗ​ര​നെ​ന്ന നി​ല​ക്ക് മു​ഹ​മ്മ​ദ് സ്റ്റാ​ർ സ്പോ​ർ​ട്സ് അ​ഭി​മു​ഖ​ത്തി​നി​ടെ ന്നും ഞ​ങ്ങ​ളു​ടെ പാ​ര​മ്പ​ര്യ ആ​തി​ഥ്യം ഇ​ങ്ങ​നെ​യ​ല്ലെ​ന്നു​മാ​യി​രു​ന്നു മ​റ്റൊ​രാ​ളു​ടെ വാ​ക്കു​ക​ൾ.

ഗു​ജ​റാ​ത്തി​ൽ മാ​ത്രം വ​ലി​യ ക്രി​ക്ക​റ്റ് മ​ത്സ​ര​ങ്ങ​ൾ ന​ട​ത്തു​ന്ന​ത് വ​ലി​യ പ​ദ്ധ​തി​യു​ടെ ഭാ​ഗ​മാ​ണെ​ന്നും ക​ടു​ത്ത നി​ല​പാ​ടി​ൽ ഏ​ത​റ്റം വ​രെ എ​ത്തി​യെ​ന്ന് കാ​ണി​ക്കു​ന്ന​താ​ണ് ഇ​തെ​ന്നും ഒ​രു ട്വീ​റ്റ് പ​റ​യു​ന്നു. മു​മ്പ് ആ​സ്ട്രേ​ലി​യ-​ഇ​ന്ത്യ ടെ​സ്റ്റ് മ​ത്സ​ര​ത്തി​നി​ടെ മു​ഹ​മ്മ​ദ് ഷ​മി നേ​രി​ട്ട അ​നു​ഭ​വ​വും ഒ​രാ​ൾ ഇ​തോ​ടൊ​പ്പം ചേ​ർ​ത്തി​ട്ടു​ണ്ട്. അ​ന്നും മൈ​താ​ന​ത്തു​നി​ന്ന് മ​ട​ങ്ങു​ന്ന ഷ​മി​ക്കു​നേ​രെ ജ​യ് ശ്രീ​റാം വി​ളി​ക​ൾ ഉ​യ​ർ​ന്ന​ത് വാ​ർ​ത്ത​യാ​യി​രു​ന്നു.