കാ​ണി​ക​ൾ​ക്ക് വേ​ണ്ടാ​ത്ത ഏ​ക​ദി​ന ലോകകപ്പ്

ചെ​ന്നൈ: ട്വ​ന്റി20 ക്രി​ക്ക​റ്റി​ന്റെ ക​ട​ന്നു​വ​ര​വ് ഏ​ക​ദി​ന മ​ത്സ​ര​ങ്ങ​ൾ​ക്ക് വെ​ല്ലു​വി​ളി​യാ​വു​മെ​ന്ന ആ​ശ​ങ്ക അ​സ്ഥാ​ന​ത്താ​യി​ല്ല. അ​തി​വേ​ഗ ക്രി​ക്ക​റ്റി​ന്റെ സ്ഫോ​ട​നാ​ത്മ​ക​ത ഏ​ക​ദി​ന​ങ്ങ​ൾ​ക്കി​ല്ലെ​ന്നാ​യ​തോ​ടെ മ​ത്സ​ര​ത്തി​ന്റെ എ​ണ്ണ​വും കാ​ണി​ക​ളു​ടെ ആ​ധി​ക്യ​വും കു​റ​ഞ്ഞു തു​ട​ങ്ങി​യി​രു​ന്നു. ഒ​രു​പ​ക്ഷേ ഇ​ത് അ​വ​സാ​ന ഏ​ക​ദി​ന ലോ​ക​ക​പ്പ് വ​രെ​യാ​കാ​മെ​ന്ന അ​ഭ്യൂ​ഹ​ങ്ങ​ൾ​ക്കി​ട​യി​ലാ​ണ് ഇ​ന്ത്യ​യി​ൽ​പോ​ലും ക​ളി കാ​ണാ​നെ​ത്തു​ന്ന​വ​ർ ശു​ഷ്കി​ച്ചു​തു​ട​ങ്ങി​യ​ത്. തി​രു​വ​ന​ന്ത​പു​ര​ത്ത് ന​ട​ന്ന ഇ​ന്ത്യ-​വെ​സ്റ്റി​ൻ​ഡീ​സ് മ​ത്സ​ര​ത്തി​ന് ആ​ളു​ക​ൾ കു​റ​ഞ്ഞ​ത് ഏ​റെ ച​ർ​ച്ച​യാ​യി​രു​ന്നു. ഫ​ലം, ഗ്രീ​ൻ​ഫീ​ൽ​ഡ് സ്റ്റേ​ഡി​യ​ത്തി​ന് ലോ​ക​ക​പ്പ് മ​ത്സ​ര​ത്തി​ന് ആ​തി​ഥ്യം വ​ഹി​ക്കാ​നു​ള്ള അ​വ​സ​രം ന​ഷ്ട​മാ​യി.

ലോ​ക​ക​പ്പി​ന് ഇ​ന്ത്യ ആ​തി​ഥ്യം വ​ഹി​ക്കു​മ്പോ​ൾ ഗാ​ല​റി​ക​ളി​ൽ ആ​ളു​ക​ൾ നി​റ​യു​മെ​ന്നാ​യി​രു​ന്നു ക​ണ​ക്കു​കൂ​ട്ട​ൽ. ഒ​രു ല​ക്ഷ​ത്തി​ലേ​റെ പേ​ർ​ക്കി​രി​ക്കാ​വു​ന്ന അ​ഹ്മ​ദാ​ബാ​ദ് മോ​ദി സ്റ്റേ​ഡി​യ​ത്തി​ൽ ന​ട​ന്ന ഇം​ഗ്ല​ണ്ട്-​ന്യൂ​സി​ല​ൻ​ഡ് ഉ​ദ്ഘാ​ട​ന​മ​ത്സ​ര​ത്തി​ന് സ്റ്റേ​ഡി​യം കാ​ലി​യാ​യ​ത് വാ​ർ​ത്ത​ക​ളി​ൽ നി​റ​ഞ്ഞു. ഇ​ന്ത്യ​യു​ടെ മ​ത്സ​ര​ങ്ങ​ൾ​ക്ക് കാ​ണി​ക​ളെ​ത്തു​മെ​ന്നാ​യി​രു​ന്നു പ്ര​തീ​ക്ഷ. എ​ന്നാ​ൽ, ഞാ​യ​റാ​ഴ്ച ചെ​പ്പോ​ക്കി​ലെ 38,000 പേ​ർ​ക്കി​രി​ക്കാ​വു​ന്ന ഗാ​ല​റി​യി​ലെ​ത്തി​യ​ത് 32,513 പേ​ർ.

ഇ​ന്ത്യ​യു​ടെ ആ​ദ്യ മ​ത്സ​രം ആ​സ്ട്രേ​ലി​യ​യോ​ട് ആ​യി​ട്ടു​പോ​ലും ക​ളി തു​ട​ങ്ങു​മ്പോ​ൾ വേ​ണ്ട​ത്ര കാ​ണി​ക​ൾ ഗാ​ല​റി​യി​ലു​ണ്ടാ​യി​രു​ന്നി​ല്ല. ഒ​ഴി​ഞ്ഞു​കി​ട​ന്ന ഗാ​ല​റി​യു​ടെ മി​ക്ക ഭാ​ഗ​വും നി​റ​ഞ്ഞ​ത് വെ​യി​ൽ മാ​റി ഇ​രു​ൾ പ​ര​ന്ന​പ്പോ​ഴാ​ണ്. ചെ​പ്പോ​ക്കി​ൽ ടി​ക്ക​റ്റു​ക​ൾ വി​റ്റു തീ​ർ​ന്ന​താ​യാ​ണ് സം​ഘാ​ട​ക​ർ പ​റ​ഞ്ഞി​രു​ന്ന​ത്. എ​ന്നാ​ൽ, മു​ൻ​കൂ​ർ ടി​ക്ക​റ്റ് കി​ട്ടാ​തെ വി​ഷ​മി​ച്ച​വ​ർ​ക്ക് ഞാ​യ​റാ​ഴ്ച സ്റ്റേ​ഡി​യ​ത്തി​ൽ ടി​ക്ക​റ്റു​ക​ൾ ധാ​രാ​ള​മാ​യി ല​ഭി​ച്ചു.

സ്പോ​ൺ​സ​ർ​മാ​ര​ട​ക്ക​മു​ള്ള​വ​ർ​ക്ക് മാ​റ്റി​വെ​ച്ച ടി​ക്ക​റ്റു​ക​ൾ ല​ഭ്യ​മാ​യ​താ​ണ് ടി​ക്ക​റ്റ് വി​ൽ​പ​ന​ക്ക് കാ​ര​ണ​മാ​യ​തെ​ന്നാ​ണ് ഔ​ദ്യോ​ഗി​ക ഭാ​ഷ്യം. ഇ​നി ഇ​ന്ത്യ-​പാ​കി​സ്താ​ൻ മ​ത്സ​ര​ത്തി​നാ​ണ് കൂ​ടു​ത​ൽ കാ​ണി​ക​ളെ പ്ര​തീ​ക്ഷി​ക്കു​ന്ന​ത്. ടി​ക്ക​റ്റു​ക​ളെ​ല്ലാം വി​റ്റു​പോ​യെ​ന്ന് പ​റ​ഞ്ഞ ബി.​സി.​സി.​ഐ 14,000 ടി​ക്ക​റ്റു​ക​ൾ​കൂ​ടി വി​ൽ​ക്കാ​നു​ള്ള ഒ​രു​ക്ക​ത്തി​ലാ​ണ്. എ​ന്താ​യാ​ലും ഏ​ക​ദി​ന മ​ത്സ​ര​ങ്ങ​ൾ​ക്ക് ശു​ഭ​ക​ര​മാ​യ ഭാ​വി​യി​ല്ലെ​ന്നാ​ണ് ഐ.​പി.​എ​ൽ മ​ത്സ​ര​ങ്ങ​ൾ​ക്ക് നി​റ​ഞ്ഞു​ക​വി​യു​ന്ന ഇ​ന്ത്യ​ൻ വേ​ദി​ക​ൾ ന​ൽ​കു​ന്ന സൂ​ച​ന.