കളി​ൈമതാനത്തെ മായാ പുഞ്ചിരി; വിട, ക്യാപ്​റ്റൻ

ബംഗളൂരു: 1990കളിൽ ഇന്ത്യൻ ഫുട്​ബാളെന്നാൽ െഎ.എം. വിജയൻ- ബൈച്യുങ്​ ബൂട്ടിയ- കാൾട്ടൺ ചാപ്​മാൻ സുവർണ ത്രയമായിരുന്നു. നാലാമനായി ജോപോൾ അഞ്ചേരി കൂടി ചേർന്നാൽ എതിരാളികളെ വിറപ്പിക്കുന്ന ആ​ക്രമണ നിരയായി. 1971ൽ ബംഗളൂരുവിലെ ഒാസ്​റ്റിൻ ടൗണിൽ ജനിച്ച ചാപ്​മാൻ 1980കളുടെ മധ്യത്തിൽ ബംഗളൂരു സായി സെൻററിലൂടെയാണ്​ കളി​ൈമതാനത്ത്​ ചുവടുറപ്പിക്കുന്നത്​.

ഇന്ത്യൻ ഫുട്​ബാളി​െൻറ നഴ്​സറിയെന്ന്​ വിശേഷിപ്പിക്കപ്പെടുന്ന ടാറ്റ ഫുട്​ബാൾ അക്കാദമിയുടെ ആദ്യ ബാച്ചിൽ അംഗമായ അദ്ദേഹം 1993ൽ ഇൗസ്​റ്റ്​ ബംഗാളിൽ ചേർന്നു. ഏഷ്യൻ കപ്പ്​ വിന്നേഴ്​സ്​ കപ്പിലെ ആദ്യ റൗണ്ട്​ മത്സരത്തിൽ ഇറാഖി ക്ലബ്​ അൽസവ്​റയെ രണ്ടിനെതിരെ ആറു ഗോളുകൾക്ക്​ കൊൽക്കത്തൻ ടീം തകർത്തപ്പോൾ മിന്നുന്ന ഹാട്രിക്കുമായി ചാപ്​മാൻ പടനയിച്ചു​.

1995ൽ പഞ്ചാബ്​ ക്ലബായ ജെ.സി.ടി മിൽസ്​ ഫഗ്​വാരയിലെത്തി. ഇന്ത്യൻ ടീമി​െൻറ മറ്റൊരു പതിപ്പായിരുന്നു അന്ന്​ ജെ.സി.ടി​. ചാപ്​മാനൊപ്പം ​െഎ.എം. വിജയൻ, ജോപോൾ അഞ്ചേരി, ബൈച്യുങ്​ ബൂട്ടിയ തുടങ്ങിയ മുൻനിര താരങ്ങൾ അണിനിരന്ന ക്ലബ്​ പ്രഥമ ദേശീയ ലീഗ്​ അടക്കം 14 കിരീടങ്ങളാണ്​ അക്കാലയളവിൽ വാരിക്കൂട്ടിയത്​.

ഇന്ത്യയിലെ ആദ്യത്തെ പ്രഫഷനൽ ഫുട്​ബാൾ ക്ലബായി എഫ്​.സി കൊച്ചിൻ (ഫുട്​ബാൾ ക്ലബ്​ കൊച്ചിൻ ട്രസ്​റ്റ്​) നിലവിൽവന്നപ്പോൾ ​െഎ.എം. വിജയൻ, രാമൻ വിജയൻ, ജോപോൾ അഞ്ചേരി എന്നിവർക്കൊപ്പം ചാപ്​മാനും 1997^98 സീസണിൽ ടീമിനായി പന്തുതട്ടി. '98ൽ ഇൗസ്​റ്റ്​ ബംഗാളിലേക്ക്​ മടങ്ങി.

പിന്നീട്​ പരിശീലക വേഷത്തിലായിരുന്ന ചാപ്​മാൻ 2002 മുതൽ 2008 വരെ ടാറ്റ ഫുട്​ബാൾ അക്കാദമിയുടെയും പിന്നീട്​ അണ്ടർ^19 ദേശീയ ടീമി​െൻറയും കോച്ചായി. ഝാർഖണ്ഡ്​ അണ്ടർ ^19, ന്യൂഡൽഹിയിലെ റോയൽ ചലഞ്ചേഴ്​സ്​, ഷില്ലോങ്​ റോയൽ വാഹിങ്​ദോ, കൊൽക്കത്തയിലെ ഭവാനിപുർ എഫ്​.സി, ബംഗളൂരുവിലെ സ്​റ്റുഡൻറ്​സ്​ യൂനിയൻ ക്ലബ്, ഡൽഹിയിലെ സുദേവ മൂൺലൈറ്റ്​ എഫ്​.സി എന്നിവയിലെ പരിശീലനത്തിനുശേഷം 2017ൽ കോഴിക്കോ​െട്ട ക്വാർട്​സ്​ ഇൻറർനാഷനൽ ഫുട്​ബാൾ അക്കാദമിയുടെ പരിശീലകവേഷം ഏറ്റെടുത്തു. കേരളവുമായി അഭേദ്യബന്ധം പുലർത്തിയിരുന്ന ചാപ്​മാന്​ ബംഗളൂരുവും കൊൽക്കത്തയും കഴിഞ്ഞാൽ പ്രിയപ്പെട്ട നാട്​ കേരളമായിരുന്നു​.

ചാപ്​മാ​െൻറ സംസ്​കാരം ചൊവ്വാഴ്​ച രാവിലെ ബംഗളൂരു ഹൊസൂർ റോഡ്​ സെമിത്തേരിയിൽ നടക്കും.