വിട, പോട്ടയിൽനിന്നുയർന്ന ആ പട്ടാളച്ചിട്ടക്ക്...

ക​ളി​യു​ടെ പ​രി​ശു​ദ്ധി​ക്കും പ​വി​ത്ര​ത​ക്കും വേ​ണ്ടി പ​ട്ടാ​ള​ച്ചി​ട്ട​യോ​ടെ പോ​രാ​ടി​യ പ​രി​ശീ​ല​ക​നെ​ന്ന വി​ശേ​ഷ​ണം അ​വ​സാ​ന ശ്വാ​സം വ​രെ ടി.​കെ. ചാ​ത്തു​ണ്ണി​ക്കൊ​പ്പ​മു​ണ്ടാ​യി​രു​ന്നു. അ​തി​ൽ തെ​ളി​ഞ്ഞു​നി​ന്ന​ത​ത്ര​യും, പോ​ട്ട​യെ​ന്ന ഗ്രാ​മ​ത്തി​ൽ​നി​ന്ന് ഇ​ന്ത്യ​ൻ ഫു​ട്ബാ​ളി​ന്റെ അ​മ​ര​​ത്തേ​ക്ക് ചാ​ണ​ക്യ​ത​ന്ത്ര​ങ്ങ​ളു​മാ​യി ഡ്രി​ബ്ൾ ചെ​യ്തു ക​യ​റി​യ ആ​ചാ​ര്യ​ന്റെ അ​ങ്ങേ​യ​റ്റ​ത്തെ അ​ർ​പ്പ​ണ മ​നോ​ഭാ​വ​വും.

താ​ര​പ്ര​ഭ​യി​ൽ മു​ങ്ങി​നി​ൽ​ക്കു​ന്ന മ​ല​യാ​ളി ഫു​ട്ബാ​ള​ർ​മാ​രി​ലൊ​രാ​ൾ പ​രി​ശീ​ല​ന​ത്തി​ന്റെ വി​ശ്ര​മ​വേ​ള​യി​ൽ പ​ന്തി​ന്മേ​ൽ ഇ​രി​ക്കു​ന്ന ചി​ത്രം ആ​റേ​ഴു വ​ർ​ഷം മു​മ്പ് ഒ​രു പ്ര​സി​ദ്ധീ​ക​ര​ണ​ത്തി​ൽ അ​ച്ച​ടി​ച്ചു വ​ന്നു. നേ​രെ അ​യാ​​ളെ ഫോ​ണി​ൽ വി​ളി​ക്കു​ന്നു ടി.​കെ. ചാ​ത്തു​ണ്ണി എ​ന്ന വി​ഖ്യാ​ത പ​രി​ശീ​ല​ക​ൻ. ‘ക​ളി​യോ​ട് പൂ​ർ​ണ​മാ​യ ബ​ഹു​മാ​നം വേ​ണം. പ​ന്തി​​ന്മേ​ൽ ഇ​രി​ക്കു​ന്ന​ത് മ​ര്യാ​ദ​കേ​ടാ​ണ്. അ​തു ചെ​യ്യ​രു​ത്’. ഇ​നി​യൊ​രി​ക്ക​ലും ഉ​ണ്ടാ​വി​ല്ലെ​ന്ന് താ​ര​ത്തി​ന്റെ മ​റു​പ​ടി. ക​ളി​യു​ടെ പ​രി​ശു​ദ്ധി​ക്കും പ​വി​ത്ര​ത​ക്കും വേ​ണ്ടി പ​ട്ടാ​ള​ച്ചി​ട്ട​യോ​ടെ പോ​രാ​ടി​യ പ​രി​ശീ​ല​ക​നെ​ന്ന വി​ശേ​ഷ​ണം അ​വ​സാ​ന ശ്വാ​സം വ​രെ ടി.​കെ. ചാ​ത്തു​ണ്ണി​ക്കൊ​പ്പ​മു​ണ്ടാ​യി​രു​ന്നു. അ​തി​ൽ തെ​ളി​ഞ്ഞു​നി​ന്ന​ത​ത്ര​യും, പോ​ട്ട​യെ​ന്ന ഗ്രാ​മ​ത്തി​ൽ​നി​ന്ന് ഇ​ന്ത്യ​ൻ ഫു​ട്ബാ​ളി​ന്റെ അ​മ​ര​​ത്തേ​ക്ക് ചാ​ണ​ക്യ​ത​ന്ത്ര​ങ്ങ​ളു​മാ​യി ഡ്രി​ബ്ൾ ചെ​യ്തു ക​യ​റി​യ ആ​ചാ​ര്യ​ന്റെ അ​ങ്ങേ​യ​റ്റ​ത്തെ അ​ർ​പ്പ​ണ മ​നോ​ഭാ​വ​വും.

ക​ളി​യി​ൽ സ്വ​യം സ​മ​ർ​പ്പി​ത​രാ​യ​വ​രു​ടെ ക​ഥ​ക​ൾ ഒ​രു​പാ​ടു​ണ്ടാ​കാം. ചാ​ത്തു​ണ്ണി പ​ക്ഷേ, അ​തി​ൽ വേ​റി​ട്ട ജ​നു​സ്സാ​യി​രു​ന്നു. ഓ​ർ​മ​വെ​ച്ച നാ​ൾ മു​ത​ൽ ഇ​ന്ന​ലെ വി​ട​പ​റ​യു​ന്ന​തു​വ​രെ അ​ദ്ദേ​ഹം ക​ളി​ക്കൊ​പ്പം പ​രി​ശു​ദ്ധി ക​ല​ർ​ന്ന ആ ​പ​ട്ടാ​ള​ച്ചി​ട്ട​യോ​ടെ ജീ​വി​ച്ചു. ചാ​ല​ക്കു​ടി ഗ​വ. ഹൈ​സ്കൂ​ളി​ൽ പ​ഠി​ക്കു​ന്ന കാ​ല​ത്ത് വീ​ട്ടു​കാ​ര​റി​യാ​തെ ആ​ർ​മി സെ​ല​ക്ഷ​നു ​പോ​യ​തു​മു​ത​ലു​ണ്ട് ല​ക്ഷ്യ​ത്തി​ലേ​ക്കു​ള്ള മു​ന​കൂ​ർ​ത്ത മു​ന്നേ​റ്റ​ങ്ങ​ൾ. അ​ന്ന്, ഇ.​എം.​ഇ​യി​ലേ​ക്ക് സെ​ല​ക്ഷ​ന്‍ കി​ട്ടി​യ​ത് സാ​ധാ​ര​ണ പ​ട്ടാ​ള​ക്കാ​ര​നാ​യി​ട്ടാ​യി​രു​ന്നു. ഉ​ള്ളി​ൽ തി​ര​യ​ടി​ച്ചു​യ​ർ​ന്ന​താ​വ​ട്ടെ, ആ​ർ​മി ടീ​മി​ൽ ഇ​ടം നേ​ട​ണ​മെ​ന്ന ഉ​റ​ച്ച തീ​രു​മാ​ന​വും. ബേ​സി​ക് ബ​റ്റാ​ലി​യ​നി​ലെ ട്രെ​യി​നി​ങ്ങി​നി​ടെ വൈ​കു​ന്നേ​ര​ങ്ങ​ളി​ലെ ഗെ​യിം പി​രീ​ഡി​ൽ ത​ക​ർ​പ്പ​ൻ ക​ളി കെ​ട്ട​ഴി​ച്ച് അ​ധി​കൃ​ത​രു​ടെ ശ്ര​ദ്ധ നേ​ടി. പി​ന്നാ​​ലെ, ആ​ര്‍ ക​മ്പ​നി ടീം, ​ബ​റ്റാ​ലി​യ​ന്‍ ടീം...​ഓ​രോ ക​ട​മ്പ​യും മ​റി​ക​ട​ന്ന് സ​ർ​വീ​സ​സ് ടീ​മി​ലെ​ത്തി​യ​ത് ദൃ​ഢ​നി​ശ്ച​യ​ത്തി​ന്റെ സാ​ക്ഷ്യ​മാ​യി​രു​ന്നു.

ക​ളി​ക്കു​ന്ന കാ​ല​ത്ത് പ്ര​തി​രോ​ധ​ത്തി​ലെ പു​ലി​യാ​യി​രു​ന്നു ചാ​ത്തു​ണ്ണി. ഡി​ഫ​ന്‍സി​ല്‍ മൂ​ന്നു​പേ​ര്‍ മാ​ത്രം അ​ണി​നി​ര​ക്കു​ന്ന 3-2-5 ഫോ​ര്‍മേ​ഷ​നി​ൽ ക​ളി​ക്കു​മ്പോ​ൾ സെ​ന്റ​ർ ബാ​ക്കി​ന്റെ ഭാ​രി​ച്ച ഉ​ത്ത​ര​വാ​ദി​ത്വം ആ​ത്മ​വി​ശ്വാ​സ​ത്തോ​ടെ ഏ​റ്റെ​ടു​ത്തു. ടാ​ക്ലി​ങ്ങു​ക​ളി​ലെ മി​ടു​ക്കും ഉ​യ​ര​ക്കൂ​ടു​ത​ലി​ന്റെ പി​ൻ​ബ​ല​ത്തി​ൽ ഹെ​ഡ​റു​ക​ൾ തൊ​ടു​ക്കു​ന്ന​തി​നു​ള്ള ക​ഴി​വു​മൊ​ക്കെ വി​ശ്വ​സ്ത കാ​വ​ലാ​ളെ​ന്ന വി​ശേ​ഷ​ണം ചാ​ർ​ത്തി​ക്കൊ​ടു​ത്തു. ക​ളി​യി​ൽ എ​ത്ര​വേ​ണ​മെ​ങ്കി​ലും വി​യ​ർ​പ്പൊ​ഴു​ക്കാ​നു​ള്ള ഊ​ർ​ജ​മാ​യി​രു​ന്നു മു​ഖ്യം. സ്കൂ​ളി​ല്‍ പ​ഠി​ക്കു​ന്ന കാ​ല​ത്ത് സെ​ന്‍റ​ര്‍ ഫോ​ര്‍വേ​ഡ് ആ​യി ക​ള​ത്തി​ലി​റ​ങ്ങി​യ പ​യ്യ​ൻ പി​ന്നീ​ട് പ​ട്ടാ​ള​പ്പ​ട​യി​ൽ പ്ര​തി​രോ​ധം ന​യി​ക്കു​മ്പോ​ഴും ആ​ഞ്ഞു​ക​യ​റാ​നു​ള്ള ആ​ഗ്ര​ഹ​ങ്ങ​ൾ ഒ​ളി​പ്പി​ച്ചു​​വെ​ച്ച​തു​മി​ല്ല.

ഇ.​എം.​ഇ സെ​ക്ക​ന്ത​രാ​ബാ​ദി​നും വാ​സ്കോ ഗോ​വ​ക്കു​മൊ​ക്കെ ക​ളി​ച്ചു​തെ​ളി​ഞ്ഞ ക​രി​യ​റി​നു​ശേ​ഷം പ​രി​ശീ​ല​ക വേ​ഷ​ത്തി​ൽ ഇ​ന്ത്യ​ൻ ഫു​ട്ബാ​ളി​ൽ വി​ജ​യ​ശ്രീ​ലാ​ളി​ത​നാ​കാ​ൻ ചാ​ത്തു​ണ്ണി​യെ തു​ണ​ച്ച​തും ക​ളി​യോ​ടു​ള്ള പ്ര​തി​ബ​ദ്ധ​ത ത​ന്നെ. ക​ളി​ക്കാ​രെ ക​ണ്ടെ​ടു​ക്കു​ന്ന​തു മു​ത​ൽ ക​ളി​യി​ലെ വേ​റി​ട്ട ത​ന്ത്ര​ങ്ങ​ൾ വ​രെ പ​രി​ശീ​ല​ന​ത്തി​ന്റെ വി​വി​ധ മേ​ഖ​ല​ക​ളി​ൽ ചാ​ത്തു​ണ്ണി അ​തി​ശ​യ​ങ്ങ​ളേ​റെ പു​റ​ത്തെ​ടു​ത്തു.

അ​ച്ച​ട​ക്ക​ത്തി​​ന്റെ അ​പ്പോ​സ്ത​ല​നാ​യി കാ​ർ​ക്ക​ശ്യം കാ​ട്ടി​യ​പ്പോ​ൾ ഒ​രാ​ളും ചാ​ത്തു​ണ്ണി​യു​ടെ ടീ​മി​ൽ ക​ളി​യേ​ക്കാ​ൾ മു​ക​ളി​ൽ താ​ര​മാ​യി വാ​ണി​ല്ല. സ്ട്രാ​റ്റ​ജി​ക​ൾ​ക്ക​നു​സ​രി​ച്ച വി​ന്യാ​സ​ങ്ങ​ളാ​യി​രു​ന്നു പ​ഥ്യം. അ​വി​ടെ താ​ര​പ്ര​ഭ​യു​ടെ താ​ൻ​പ്ര​മാ​ണി​ത്ത​ത്തി​നൊ​ന്നും കാ​ര്യ​മാ​യ റോ​ളു​മു​ണ്ടാ​യി​രു​ന്നി​ല്ല. ഐ.​എം. വി​ജ​യ​നും സ​ത്യ​നും പാ​പ്പ​ച്ച​നും ഷ​റ​ഫ​ലി​യും കു​രി​കേ​ശ് മാ​ത്യു​വു​മൊ​ക്കെ അ​ട​ങ്ങു​ന്ന കേ​ര​ള പൊ​ലീ​സി​നെ ഫെ​ഡ​റേ​ഷ​ൻ ക​പ്പി​ലെ​ത്തി​ച്ച് ചാ​ത്തു​ണ്ണി കേ​ര​ള ഫു​ട്ബാ​ളി​ന്റെ കൈ​യ​ടി വാ​ങ്ങു​മ്പോ​ൾ സ​ബ്സ്റ്റി​റ്റ്യൂ​ട്ടു​ക​ൾ​ക്കു​പോ​ലും വ്യ​ക്ത​മാ​യ റോ​ളു​ണ്ടാ​യി​രു​ന്ന, എ​ല്ലാ അ​ർ​ഥ​ത്തി​ലു​മു​ള്ള ഒ​ന്നാ​ന്ത​ര​മൊ​രു ടീം ​എ​ഫ​ർ​ട്ടാ​യി​രു​ന്നു അ​ത്. മോ​ഹ​ൻ ബ​ഗാ​നെ​യും സാ​ൽ​ഗോ​ക്ക​ർ ഗോ​വ​യെ​യു​മൊ​ക്കെ കി​രീ​ട​ങ്ങ​ളി​ലേ​ക്കു ന​യി​ക്കു​​മ്പോ​ഴും ടീ​മി​നെ അ​വ​സാ​ന മി​നി​റ്റു​വ​രെ പോ​രാ​ടാ​ൻ പ്രാ​പ്ത​രാ​ക്കു​ന്ന ചാ​ത്തു​ണ്ണി ഇ​ഫ​ക്ടാ​യി​രു​ന്നു ച​ർ​ച്ച​യാ​യ​ത്. വി​ല​ക്കു​നേ​രി​ട്ട​പ്പോ​ൾ ഗാ​ല​റി​യി​ലി​രു​ന്ന് ബ​ഗാ​നെ കി​രീ​ട​ത്തി​ലേ​ക്ക് ന​യി​ച്ച ക​ഥ ഇ​ന്ത്യ​ൻ ഫു​ട്ബാ​ളി​ൽ സ​മാ​ന​ത​ക​ളി​ല്ലാ​ത്ത​താ​ണ്.

സ്വ​ന്ത​മാ​യ കാ​ഴ്ച​പ്പാ​ടു​ക​ളും ശൈ​ലി​ക​ളു​മൊ​ക്കെ​യാ​ണ് ചാ​ത്തു​ണ്ണി​യി​ലെ പ​രി​ശീ​ല​ക​നെ ന​യി​ച്ച​ത്. പ​രി​ശീ​ല​ന മ​ത്സ​ര​ങ്ങ​ള്‍ ദു​ര്‍ബ​ല​രാ​യ എ​തി​രാ​ളി​ക​ള്‍ക്കെ​തി​രെ ന​ട​ത്ത​രു​തെ​ന്നാ​യി​രു​ന്നു അ​ദ്ദേ​ഹ​ത്തി​ന്റെ ന​യം. ന​മ്മു​ടെ ദൗ​ര്‍ബ​ല്യ​ങ്ങ​ളും ക​രു​ത്തും കൃ​ത്യ​മാ​യി അ​ള​ന്ന് അ​വ​രാ​യി​രി​ക്കും ആ ​ക​ളി കൊ​ണ്ട് കൂ​ടു​ത​ല്‍ നേ​ട്ട​മു​ണ്ടാ​ക്കു​ന്ന​തെ​ന്നാ​യി​രു​ന്നു നി​രീ​ക്ഷ​ണം. ക​ളി​ക്കു​ന്ന കാ​ല​ത്ത് ഡ്യൂ​റ​ന്‍ഡ് ക​പ്പ് സെ​മി​യി​ൽ ഹൈ​ദ​രാ​ബാ​ദ് റോ​ഡ് ട്രാ​ന്‍സ്പോ​ര്‍ട്ട് അ​സോ​സി​യേ​ഷ​നോ​ട് തോ​റ്റ​തി​ൽ​നി​ന്നാ​യി​രു​ന്നു ഈ ​പാ​ഠം. ത​ങ്ങ​ളു​ടെ ഗ്രൗ​ണ്ടി​ല്‍ സ്ഥി​ര​മാ​യി പ്രാ​ക്ടീ​സ് മാ​ച്ച് ക​ളി​ക്കാ​ന്‍ വ​ന്നി​രു​ന്ന ട്രാ​ന്‍സ്പോ​ര്‍ട്ട് ടീ​മി​നെ ഇ.​എം.​എ അ​ഞ്ചും ആ​റും ഗോ​ളി​ന് തോ​ൽ​പി​ക്കാ​റു​ണ്ടാ​യി​രു​ന്നു. എ​ന്നാ​ൽ, സെ​മി​യി​ൽ അ​പ്ര​തീ​ക്ഷി​ത തോ​ൽ​വി​യാ​യി​രു​ന്നു ഫ​ലം. ക​ളി​ക്കാ​ര​നെ​ന്ന സ്വാ​നു​ഭ​വ​ങ്ങ​ളി​ൽ​നി​ന്ന് ഇ​ത്ത​രം വി​ല​പ്പെ​ട്ട പാ​ഠ​ങ്ങ​ൾ ഉ​ൾ​ക്കൊ​ണ്ടാ​യി​രു​ന്നു പ​രി​ശീ​ല​ക​നാ​യു​ള്ള ആ ​കു​തി​പ്പ്.