എ.എഫ്​.സി അവാർഡ്​: ഗ്രാസ്​ റൂട്ട്​ മികവിന്​ ഇന്ത്യക്ക്​ വെങ്കലം

ദോഹ: എ.എഫ്​.സി വാർഷിക പുരസ്​കാര ചടങ്ങിൽ തിളങ്ങി ഇന്ത്യയും. 17ഓളം അവാർഡുകളിൽ ഒരിനത്തിൽ മാത്രം നാമനിർദേശം ലഭിച്ച ഇന്ത്യ ഗ്രാസ്​ റൂട്ട്​ തലത്തിലെ ഫുട്​ബാൾ വികസനത്തിനുള്ള എ.എഫ്​.സി പ്രസിഡൻറ്​ പുരസ്​കാരത്തിൽ വെങ്കലമാണ്​ സ്വന്തമാക്കിയത്​.

ഇന്ത്യൻ ഫുട്​ബാൾ ഫെഡറേഷൻ പ്രസിഡൻറ്​ കല്യാൺചൗബേ പുരസ്​കാരം ഏറ്റുവാങ്ങി. സിൽവർ മെഡൽ ഗുവാമും സ്വർണ മെഡൽ ആസ്​ട്രേലിയും നേടി.

വെങ്കല വിഭാഗത്തിൽ ബ്രൂണെ, ഇറാൻ, സിറിയ അസോസിയേഷനുകളാണ്​ ഇന്ത്യയുമായി മത്സരിച്ചത്​​. താഴെതട്ടിലെ ഫുട്​ബാൾ വികസന പ്രവർത്തനങ്ങൾക്കുള്ള അംഗീകാരമാണ്​ പ്രസിഡന്‍റിന്‍റെ പുരസ്​കാരം.