ക്രി​സ്റ്റ്യാ​നോ ത​ല​പ്പ​ത്ത്; 145 ഹെ​ഡ്ഡ​ർ ഗോ​ളു​ക​ൾ നേ​ടി ലോക റെക്കോഡ്

റി​യാ​ദ്: ഹെ​ഡ്ഡ​ർ ഗോ​ളി​ൽ ലോ​ക റെ​ക്കോ​ഡ് സ്വ​ന്തം പേ​രി​ലാ​ക്കി അ​ൽ ന​സ്റി​ന്റെ പോ​ർ​ചു​ഗീ​സ് സൂ​പ്പ​ർ താ​രം ക്രി​സ്റ്റ്യാ​നോ റൊ​ണാ​ൾ​ഡോ. തു​നീ​ഷ്യ​ൻ ക്ല​ബാ​യ യു.​എ​സ് മൊ​ന​സ്തീ​റി​നെ​തി​രെ ന​ട​ന്ന കി​ങ് സ​ൽ​മാ​ൻ ക​പ്പ് മ​ത്സ​ര​ത്തി​ൽ നേ​ടി​യ ഗോ​ളി​ലൂ​ടെ​യാ​ണ് ക്രി​സ്റ്റ്യാ​നോ ഒ​ന്നാ​മ​നാ​യ​ത്. ക​രി​യ​റി​ൽ ത​ല​കൊ​ണ്ട് 145ാം ത​വ​ണ പ​ന്ത് വ​ല​യി​ലാ​ക്കി​യ താ​രം, ജ​ർ​മ​ൻ ഇ​തി​ഹാ​സം ജെ​ർ​ഡ് മ്യൂ​ള​റു​ടെ (144) റെ​ക്കോ​ഡ് ത​ക​ർ​ത്തു. കി​ങ് ഫ​ഹ​ദ് അ​ന്താ​രാ​ഷ്ട്ര സ്റ്റേ​ഡി​യ​ത്തി​ൽ ആ​തി​ഥേ​യ​ർ 4-1ന് ​ജ​യി​ച്ച ക​ളി​യി​ലാ​യി​രു​ന്നു ക്രി​സ്റ്റ്യാ​നോ​യു​ടെ ഗോ​ൾ.

അ​ൽ ന​സ്ർ 1-0ത്തി​ന് ലീ​ഡ് ചെ​യ്യ​വെ 74ാം മി​നി​റ്റി​ൽ സു​ൽ​ത്താ​ൻ അ​ൽ ഗ​ന​ത്തി​ന്റെ ക്രോ​സ് ഹെ​ഡ്ഡ​റി​ലൂ​ടെ വ​ല​ക്ക​ക​ത്തേ​ക്ക് വി​ടു​ക​യാ​യി​രു​ന്നു 38കാ​ര​ൻ. ക​രി​യ​റി​ലെ 839ാം ഗോ​ളാ​ണി​ത്. തു​ട​ർ​ച്ച​യാ​യ 22ാം സീ​സ​ണി​ലും ഗോ​ള​ടി​ച്ച് അ​ര​ങ്ങു​വാ​ഴു​ക​യാ​ണ് ക്രി​സ്റ്റ്യാ​നോ. ഇം​ഗ്ലീ​ഷ് പ്രീ​മി​യ​ർ ലീ​ഗ് ക്ല​ബാ​യ മാ​ഞ്ച​സ്റ്റ​ർ യു​നൈ​റ്റ​ഡ് വി​ട്ട് ഈ ​വ​ർ​ഷം ജ​നു​വ​രി​യി​ലാ​ണ് ക്രി​സ്റ്റ്യാ​നോ സൗ​ദി അ​റേ​ബ്യ​യി​ലെ​ത്തി​യ​ത്. അ​ൽ ന​സ്റി​നാ​യി ഇ​തു​വ​രെ 15 ഗോ​ൾ നേ​ടി. 123 ഗോ​ളു​മാ​യി അ​ന്താ​രാ​ഷ്ട്ര സ്കോ​റ​ർ​മാ​രി​ൽ ഒ​ന്നാ​മ​നാ​ണ് ക്രി​സ്റ്റ്യോ​നോ. 700ൽ ​അ​ധി​കം ക്ല​ബ് ഗോ​ളു​ക​ളു​മു​ണ്ട്.