എ.എഫ്.സി ചാമ്പ്യൻസ് ലീഗ്: അൽനസ്റിന് സമനിലത്തുടക്കം

ബ​ഗ്ദാ​ദ്: പു​തു​മ​ക​ളോ​ടെ പു​തു​പേ​രി​ൽ തു​ട​ക്ക​മാ​യ എ.​എ​ഫ്.​സി ചാ​മ്പ്യ​ൻ​സ് ലീ​ഗ് എ​ലീ​റ്റി​ലെ ആ​ദ്യ മ​ത്സ​ര​ത്തി​ൽ സൗ​ദി ക്ല​ബാ​യ അ​ൽ​ന​സ്റി​നെ സ​മ​നി​ല​യി​ൽ കു​രു​ക്കി ഇ​റാ​ഖ് ക്ല​ബാ​യ അ​ൽ​ശു​ർ​ത. വൈ​റ​സ് ബാ​ധ​യെ തു​ട​ർ​ന്ന് ക്രി​സ്റ്റ്യാ​നോ​യെ പു​റ​ത്തി​രു​ത്തി ഇ​റ​ങ്ങി​യ ടീ​മി​നെ 1-1നാ​ണ് എ​തി​രാ​ളി​ക​ൾ പി​ടി​​ച്ചു​കെ​ട്ടി​യ​ത്.

റെ​ക്കോ​ഡ് തു​ക​ക്ക് സൗ​ദി ​പ്രോ​ലീ​ഗി​ലെ​ത്തി​യ ക്രി​സ്റ്റ്യാ​നോ ഇ​തു​വ​രെ​യും ടീ​മി​നൊ​പ്പം ഒ​രു കി​രീ​ടം നേ​ടി​യി​ട്ടി​ല്ല. 14ാം മി​നി​റ്റി​ൽ സു​ൽ​ത്താ​ൻ അ​ൽ​ഗാ​നം അ​ൽ​ന​സ്റി​നെ മു​ന്നി​ലെ​ത്തി​ച്ച​പ്പോ​ൾ 10 മി​നി​റ്റ് ക​ഴി​ഞ്ഞ് മു​ഹ​മ്മ​ദ് ദാ​വൂ​ദ് സ​മ​നി​ല പി​ടി​ച്ച ഗോ​ൾ ക​ണ്ടെ​ത്തി. ര​ണ്ടാം പ​കു​തി​യി​ൽ അ​ൽ​ന​സ്റി​ന് ഇ​ര​ട്ട ആ​ഘാ​ത​മാ​യി മാ​ഴ്സ​ലോ ബ്രോ​സോ​വി​ച്ച് പ​രി​ക്കേ​റ്റ് മ​ട​ങ്ങി.

മ​റ്റൊ​രു മ​ത്സ​ര​ത്തി​ൽ അ​ൽ​ന​സ്റി​ന്റെ ബ​ദ്ധ​വൈ​രി​ക​ളാ​യ അ​ൽ​അ​ഹ്‍ലി ത​ങ്ങ​ളു​ടെ ആ​ദ്യ ക​ളി ജ​യി​ച്ചു. ജി​ദ്ദ​യി​ൽ ന​ട​ന്ന മ​ത്സ​ര​ത്തി​ൽ പേ​ഴ്സി​പോ​ളി​സി​നെ​യാ​ണ് ടീം ​ഏ​ക​പ​ക്ഷീ​യ​മാ​യ ഒ​രു ഗോ​ളി​ന് ക​ട​ന്ന​ത്. മു​ൻ ബാ​ഴ്സ താ​രം ഫ്രാ​ങ്ക് കെ​സ്സി​യാ​യി​രു​ന്നു സ്കോ​റ​ർ. യു.​എ.​ഇ ക്ല​ബാ​യ അ​ൽ​ഐ​നും ഖ​ത്ത​റി​ലെ അ​ൽ​സ​ദ്ദും ത​മ്മി​ലെ മ​ത്സ​രം 1-1ന് ​സ​മ​നി​ല​യി​ലാ​യി. ഇ​റാ​ൻ ക്ല​ബാ​യ ഇ​സ്തി​ഗ്‍ലാ​ൽ ഖ​ത്ത​റി​ലെ അ​ൽ​ഗ​റാ​ഫ​യെ എ​തി​രി​ല്ലാ​ത്ത കാ​ൽ ഡ​സ​ൻ ഗോ​ളു​ക​ൾ​ക്ക് ത​ക​ർ​ത്തു​വി​ട്ടു.