![പാർമക്കെതിരെ ജയം; സീരി എ തലപ്പത്ത് ലീഡുയർത്തി ഇന്റർ പാർമക്കെതിരെ ജയം; സീരി എ തലപ്പത്ത് ലീഡുയർത്തി ഇന്റർ](https://www.madhyamam.com/h-upload/2021/03/05/910118-inter.webp)
പാർമക്കെതിരെ ജയം; സീരി എ തലപ്പത്ത് ലീഡുയർത്തി ഇന്റർ
text_fieldsമിലാൻ: അലക്സിസ് സാഞ്ചസ് നേടിയ ഇരട്ട ഗോളുകളുടെ കരുത്തിൽ പാർമയെ ഒന്നിനെതിരെ രണ്ടു ഗോളുകൾക്ക് വീഴ്ത്തി സീരി എ ഒന്നാം സ്ഥാനത്ത് ലീഡ് ആറു പോയിന്റാക്കി ഇൻർ മിലാൻ. ഇരു ടീമും ലക്ഷ്യം മറന്ന ആദ്യ പകുതിക്കു ശേഷം 54ാം മിനിറ്റിൽ ചിലിയൻ താരം അലക്സിസ് സാഞ്ചസ് ആണ് ആദ്യം അക്കൗണ്ട് തുറന്നത്. എട്ടു മിനിറ്റ് കഴിഞ്ഞ് റൊമേലു ലുക്കാക്കു തുറന്നെടുത്ത അവസരം വീണ്ടും വലയിലെത്തിന്ന് സാഞ്ചസ് ഇൻറർ ലീഡ് രണ്ടാക്കി ഉയർത്തി. 71ാം മിനിറ്റിൽ പാർമ അസെവെദോ ജൂനിയറിലൂടെ ഒരു ഗോൾ മടക്കിയെങ്കിലും പിന്നീട് ഇന്റർ പ്രതിരോധത്തെ കീഴടക്കാനായില്ല.
ജയത്തോടെ രണ്ടാം സ്ഥാനക്കാരായ എ.സി മിലാനെക്കാൾ ലീഡ് ആറു പോയിന്റിലെത്തിച്ച ഇന്ററിന് കഴിഞ്ഞ സീസൺ ചാമ്പ്യൻമാരായ യുവന്റസിനെതിരെ 10 പോയിന്റ് അധികമുണ്ട്. മോശം പ്രകടനം തുടരുന്ന പാർമ പട്ടികയിൽ 19ാമതാണ്. നവംബറിനു ശേഷം ഇതുവരെയും ജയം പിടിക്കാനായില്ലെന്ന ചീത്തപ്പേരും ടീമിനുണ്ട്.
അറ്റ്ലാന്റയാണ് നാലാമത്. റോമ, നാപോളി ടീമുകൾ അഞ്ചും ആറും സ്ഥാനങ്ങളിലുമാണ്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.