ബ്രസീൽ- അർജന്‍റീന ഫൈനലിൽ നേർക്കുനേർ കൊമ്പുകോർക്കുന്ന താരങ്ങളിൽ മികച്ചവർ ആര്​?

സവോപോളോ: ചരിത്രം കാത്തിരുന്ന ആവേ​ശ​പ്പെയ്​ത്തിലേക്ക്​ കാൽപന്തുലോകമുണരാൻ മണിക്കൂറുകൾ ബാക്കിനിൽക്കെ ബ്രസീലാണോ അർജന്‍റീനയാണോ മുന്നിൽ എന്ന ​േചാദ്യത്തിൽ വലിയ കഴമ്പില്ല. ഉത്തരമെന്തായാലും എതിർ ടീമിന്‍റെ ആരാധകർ അത്​ സമ്മതിക്കില്ല എന്നതുതന്നെ ഒന്നാം പ്രശ്​നം. സൂപർ താരങ്ങളായ മെസ്സി- നെയ്​മർ ദ്വയത്തെ ചൊല്ലിയും ആ​വേശത്തോടെ തർക്കിക്കാനാണ്​ പലർക്കും ഇഷ്​ടം.

എന്നാൽ, ഇരു ടീമുകളിൽനിന്നും ഓരോ പൊസിഷനിലും കണ്ണുറങ്ങാതെ കളി കണ്ടിരിക്കേണ്ട ഏറ്റവും മികച്ച താരം ആരെന്ന സംശയം പ്രസക്​തമാണ്​. ഗോൾകീപർ മുതൽ സ്​ട്രൈക്കർ വരെ ഇരു ടീമുകളിലും ഇറങ്ങുന്നത്​ ലോകം ആദരത്തോടെ നോക്കിക്കാണുന്ന പ്രമുഖർ തന്നെയാണെങ്കിലും അവർക്കും ലോകം മാർക്കിടുന്നുണ്ട്​.

മെസ്സിയോ നെയ്​മറോ...

ഒളിമ്പിക്​ സ്വർണം മാറ്റിനിർത്തിയാൽ ദേശീയ ജഴ്​സിയിൽ ആദ്യ മുൻനിര കിരീടം തേടിയിറങ്ങിയ രണ്ട്​ സൂപർ താരങ്ങളിൽ മുന്നിൽ ആരാകും? 2019ൽ കോപ കിരീടം നേടിയ ബ്രസീൽ ടീമിലേക്ക്​ ക്ഷണമുണ്ടായിട്ടും പരിക്ക്​ വില്ലനായാണ്​ നെയ്​മർ ഇറങ്ങാതിരുന്നതെങ്കിൽ 2014ലെ ലോകകപ്പ്​ ഫൈനലിൽ ജർമനിയോടും 2015, 16 വർഷങ്ങളിൽ കോപ ഫൈനലിൽ ചിലിയോടും​ കീഴടങ്ങിയ ടീമുകളിലെ കുന്തമുനയായിരുന്നു മെസ്സി.

നിലവിൽ ലോകത്തെ ഏറ്റവും മികച്ച താരങ്ങൾ. അതിലൊരാളേ ഇത്തവണയും കപ്പുമായി മടങ്ങൂ എന്നതാണ്​ പ്രശ്​നം. ഫൈനൽ തലേന്ന്​ ഓൺലൈൻ പോർട്ടലായ 'ബോലവി.ഐ.പി' നടത്തിയ സർവേയിൽ പക്ഷേ, ഏറെ മുന്നിൽ ലയണൽ മെസ്സിയാണ്​. 79 ശതമാനം പേർ മെസ്സ​ിക്കൊപ്പം നിൽക്കു​േമ്പാൾ 21 ശതമാനം മാത്രമാണ്​ നെയ്​മറെ പിന്തുണക്കുന്നത്​.

എമിലോ എഡേഴ്​സണോ....

കൊളംബിയക്കെത​ിരെ പെനാൽറ്റി ഷൂട്ടൗട്ടിലേക്ക്​ നീണ്ട സെമിയിൽ ചോരാത്ത കൈകളുമായി രക്ഷകനായ ആസ്റ്റൺ വില്ല ഗോൾകീപർ എമിലി​യാനോ മാർട​ിനെസും പ്രിമിയർ ലീഗിലെ ഗ്ലാമർ ടീമായ മാഞ്ചസ്റ്റർ സിറ്റിയുടെ കീപർ എഡേഴ്​സണും തമ്മിലാണ്​ ഗോൾകീപർമാർക്കിടയിലെ പോര്​. ഓ​േരാ കളിയിലും ഊർജം ഇരട്ടിയാക്കി ലോകത്തെ ഏറ്റവും മികച്ച ഗോൾകീപർമാരിലൊരാളായാണ്​ എഡേഴ്​സൺ വാഴ്​ത്തപ്പെടുന്നത്​. എന്നാൽ, ഒറ്റ കളിയിൽ ചരിത്രം വഴിമാറിയവനാണ്​ എമിൽ. ഇരുവർക്കുമിടയിൽ ആരുമാകാം ഫൈനലിലെ ഹീറോ. സർവേയിൽ പക്ഷേ, പെനാൽറ്റി കാത്ത എമി​ലിയാനോ തന്നെ മുന്നിൽ- 64 ശതമാനം പേരുടെ പിന്തുണ.

നഹുവ മോളിന- ഡാനിലോ

യൂറോപ്യൻ സോക്കറിലും അർജന്‍റീന ദേശീയ ടീമിലും വൈകി ബൂട്ടുകെട്ടിയ 23 കാരൻ നഹുവൽ മോളിനക്ക്​ കരുത്തനായ എതിരാളിയാണ്​ സാംബ പ്രതിരോധ മതിലിലെ ​കടുപ്പം കൂടിയ താരമായ ഡാനിലോ. യുവന്‍റസ് ജഴ്​സിയിൽ കളിക്കുന്ന ഡാനിലോക്ക്​ ഉശിര്​ ഇത്തിരി ​കൂടുമെങ്കിൽ ബൊക്ക ജൂനിയേഴ്​സ്​ വേഷം അഴിച്ചുവെച്ച്​ ഇറ്റാലിയൻ ക്ലബായ ഉദിനീസിലേക്ക്​ അടുത്തിടെയാണ്​ മോളിന ചേക്കേറിയത്​. ഡാനിലോക്കൊപ്പമാണ്​ സർവേയിൽ പ​ങ്കെടുത്തവരിലേറെയും- 63 ശതമാനം.

മാർക്വിഞ്ഞോസ്​- പെസല്ല

ബ്രസീൽ പ്രതിരോധത്തിലെ ലോകം നമിക്കുന്ന പേരായ മാർക്വിഞ്ഞോസിന്‍റെ പൊസിഷനിൽ അർജന്‍റീനക്കായി ഇറങ്ങുന്ന ഫിയോറന്‍റീന സെന്‍റർ ബാക്ക്​ ജർമൻ പെസല്ലയാണ്​. കാര്യമായ എതിർപ്പുകളില്ലാതെ മാർക്വിഞ്ഞോസ്​ തന്നെ സർവേയിൽ ലീഡ്​ ചെയ്യുന്നു- 72 ശതമാനം പേർ താരത്തിനൊപ്പമുണ്ട്​.

തിയാഗോ സിൽവ- ഓട്ടമെൻഡി

പ്രതിരോധത്തിൽ കോട്ട തീർത്ത്​ ഇരുവശത്തായി​ ബൂട്ടുകെട്ടുന്ന ലോകോത്തര താരങ്ങളാണ്​ തിയാഗോ സിൽവയും നികൊളാസ്​ ഓട്ടമെൻഡിയും. അടുത്തിടെ യുവേഫ ചാമ്പ്യൻസ്​ ലീഗിൽ ചെൽസി കിരീടത്തിൽ മുത്തമിട്ടപ്പോൾ കൂടെ സിൽവയുമുണ്ടായിരുന്നു. വർഷങ്ങളായി നീലക്കുപ്പായത്തിൽ സജീവ സാന്നിധ്യമായ ഓട്ടമെൻഡി ഈ ടൂർണമെന്‍റിൽ മികച്ച കളിയാണ്​ കെട്ടഴിച്ചത്​. സർവേയിൽ സിൽവക്കാണ്​ മുന്നിൽ- 59 ശതമാനം.

നികൊളാസ്​ ടഗ്​ലിയാഫികോ- റിനൻ ലോഡി

കാനറികളുടെ വല തുളക്കാതെ ഗോള​ിയെ സഹായിച്ച്​ പ്രതിരോധത്തിലെ വലിയ പേരായി നിലയുറപ്പിക്കുന്ന റിനൻ ലോഡിയും മറുവശത്ത്​ നികൊളാസ്​ ടഗ്​ലിയാഫികോയും മികവു തെളിയിച്ചവർ. മാർകോസ്​ അക്യൂനക്കു പകരം എത്തിയ ടഗ്​ലിയാഫികോയെ വീണ്ടും പരീക്ഷിക്കാനാണ്​ അർജന്‍റീന കോച്ചിനിഷ്​ടമെന്നാണ്​ സൂചന. മറുവശത്ത്​ അലക്​സ്​ സാണ്ട്രോയുടെ പകരക്കാരനായ ലോഡിയും ഫൈനലിൽ ഇറങ്ങിയേക്കും. ഇരുവരിൽ ടഗ്​ലിയാഫികോക്ക്​ ഒപ്പമാണ്​ ആരാധകർ- 73 ശതമാനം.

ഡീ പോൾ- ​െഫ്രഡ്​

മധ്യനിരയിൽ ഇരു ടീമും ലോകത്തെ ഏറ്റവും മികച്ചവരുടെ കളിയിടമാണ്​. സാംബ താളം ദ്രുതഗതിയിലാക്കി ഫ്രഡ്​ ഇറങ്ങു​േമ്പാൾ അധികം കരുത്തോടെ അത്​ലറ്റികോ താരം ഡി പോൾ അർജന്‍റീനയുടെ മിഡ്​ഫീൽഡ്​ ജനറലായും വേഷം ഗംഭീരമാക്കുന്നു. സർവേയിൽ ഡി പോളിനൊപ്പമാണ്​ കൂടുതൽ പേർ- 76 ശതമാനം.

ഗൈഡോ റോഡ്രിഗസ്​/പരേഡെസ്​- കാസെമിറോ

ലയണൽ സ്​കേലോണിക്ക്​ ഇപ്പോഴും കൺഫ്യൂഷൻ തീരാത്ത രണ്ടു പേരാണ്​ ലിയാൺഡ്രോ പരേഡെസും ​ഗൈഡോ റോഡ്രിഗസും. പ്രതിരോധത്തിൽ തുടങ്ങി മധ്യനിര കടന്ന്​ മുന്നേറ്റം വരെ പന്തുമായി 90മിനിറ്റും ഓടാൻ ശേഷിയുള്ള രണ്ടുപേർ. ബ്രസീൽ ടീമിൽ പകരക്കാരനെ വേണ്ടാത്തയാളായി കാ​െസമിറോയുമുണ്ട്​. മൂവരിൽ ഒന്നാമൻ കാസെമിറോ- 55 ശതമാനം വോട്ട്​. അർജന്‍റീനക്കാരിൽ പരേഡെസിനാണ്​ കൂടുതൽ പേർ- 31 ശതമാനം.

ലോ സെൽസോ- ലുകാസ്​ പാക്വറ്റ

പാസിങ്ങിലെ അതികൃത്യതയാണ്​ അർജന്‍റീന താരം ലോ സെൽസോയുടെ സവിശേഷത. മെസ്സിക്ക്​ ഏറ്റവും മികച്ച കൂട്ടും. ഈ കോപയിലെ അതിമിടുക്കരായ മിഡ്​ഫീൽഡ്​ ജനറൽമാരിൽ മുന്നിലാണ്​ ബ്രസീലിന്‍റെ പാക്വറ്റ. അവരിൽ ഒരാളെ തെരഞ്ഞെടുക്കേണ്ടിവരു​േമ്പാൾ പക്ഷേ, ലോ സെൽസോക്കാണ്​ നറുക്ക്​- 62 ശതമാനം വോട്ട്​.

നികൊളാസ്​ ഗോൺസാലസ്​- എവർടൺ

സ്​കേലോണിയുടെ ഇഷ്​ട താരങ്ങളിലൊന്നാണ്​ അർജന്‍റീന മുന്നേറ്റത്തിന്‍റെ കുന്തമുനകളിലൊന്നായ ഗോൺസാലസ്​. ദേശീയ ജഴ്​സിയിൽ പക്ഷേ, ഈ കോപയിൽ കന്നിക്കാരൻ. ബ്രസീലിന്‍റെ എവർടണെ അറിയാത്തവർ കുറവാകും. സർവേയിൽ ബഹുദൂരം മുന്നിൽ ഗോൺസാലസാണ്​.

റിച്ചാർലിസൺ- ലോടറോ മാർടിനെസ്​

ഇന്‍റർ മിലാൻ മുന്നേറ്റം ഭരിച്ച്​ യൂറോപിൽ ഏറെ ശ്രദ്ധ നേടിയ ലോടറോ മാർടിനെസ്​ കോപയിൽ അതിവേഗം ശ്രദ്ധ പിടിച്ചുപറ്റിയ താരമാണ്​. ഇതുവരെ കുറിച്ചത്​ മൂന്നു ഗോളുകൾ. മറുവശത്ത്​, ബ്രസീൽ ജഴ്​സിയിൽ ക്ലാസിക്​ നമ്പറായ ഒമ്പത്​ ആണ്​ റിച്ചാർലിസന്‍റെ വേഷം. കോപയിൽ ബ്രസീൽ ആക്രമണത്തിന്‍റെ കരുത്തും കരുതലും. ഇരുവരിൽ മാർടിനെസിനൊപ്പമാണ്​ ബഹുഭൂരിപക്ഷവും- 79 ശതമാനം പേർ.