ഏഷ്യാ കപ്പ്: ലങ്കക്ക് ലക്ഷ്യം 251

കൊ​ളം​ബോ: ഏ​ഷ്യ ക​പ്പ് ഫൈ​ന​ലി​സ്റ്റു​ക​ളെ തീ​രു​മാ​നി​ക്കു​ന്ന മ​ത്സ​ര​ത്തി​ൽ പാ​കി​സ്താ​നെ​തി​രെ ശ്രീ​ല​ങ്ക​ക്ക് 251 റ​ൺ​സ് വി​ജ​യ​ല​ക്ഷ്യം. മ​ഴ ത​ട​സ്സ​പ്പെ​ടു​ത്തി​യ​തി​നാ​ൽ 42 ഓ​വ​റാ​ക്കി ചു​രു​ക്കി​യ ക​ളി​യി​ൽ ആ​ദ്യം ബാ​റ്റ് ചെ​യ്ത് പാ​കി​സ്താ​ൻ നി​ശ്ചി​ത ഓ​വ​റി​ൽ ഏ​ഴ് വി​ക്ക​റ്റി​ന് 252 റ​ൺ​സെ​ടു​ത്തു. തു​ട​ർ​ന്ന് ഡെ​ക്ക് വ​ർ​ത്ത്-​ലൂ​യി​സ് നി​യ​മ​പ്ര​കാ​രം ആ​തി​ഥേ​യ​രു​ടെ ല​ക്ഷ്യം 251 ആ​ക്കി പു​ന​ർ നി​ശ്ച​യി​ക്കു​ക​യാ​യി​രു​ന്നു. 73 പ​ന്തി​ൽ 86 റ​ൺ​സെ​ടു​ത്ത് പു​റ​ത്താ​വാ​തെ​നി​ന്ന മു​ഹ​മ്മ​ദ് റി​സ് വാ​നാ​ണ് പാ​ക് ടോ​പ് സ്കോ​റ​ർ. ഓ​പ​ണ​ർ അ​ബ്ദു​ല്ല ഷ​ഫീ​ഖും (52) അ​ർ​ധ ശ​ത​കം നേ​ടി.

മ​ഴ​മൂ​ലം വൈ​കി‍യാ​ണ് ക​ളി ആ​രം​ഭി​ച്ച​ത്. ടോ​സ് നേ​ടി​യ പാ​കി​സ്താ​ൻ ബാ​റ്റി​ങ് തെ​ര​ഞ്ഞെ​ടു​ത്തെ​ങ്കി​ലും അ​ത്ര ന​ല്ല​താ​യി​രു​ന്നി​ല്ല തു​ട​ക്കം. അ​ഞ്ചാം ഓ​വ​റി​ൽ ഓ​പ​ണ​ർ ഫ​ഖ​ർ സ​മാ​ൻ (4) പു​റ​ത്താ​വു​മ്പോ​ൾ സ്കോ​ർ ബോ​ർ​ഡി​ൽ ഒ​മ്പ​ത് റ​ൺ​സ് മാ​ത്രം. ഷ​ഫീ​ഖും ക്യാ​പ്റ്റ​ൻ ബാ​ബ​ർ അ​അ്സ​വും ചേ​ർ​ന്നാ​ണ് ടീ​മി​നെ ക​ര​ക​യ​റ്റി​യ​ത്.

29 റ​ൺ​സെ​ടു​ത്ത് ബാ​ബ​ർ മ​ട​ങ്ങി. അ​ർ​ധ ശ​ത​കം തി​ക​ച്ച​തി​ന് പി​ന്നാ​ലെ ഷ​ഫീ​ഖും തു​ട​ർ​ന്ന് മു​ഹ​മ്മ​ദ് ഹാ​രി​സും (3) മു​ഹ​മ്മ​ദ് ന​വാ​സും (12) മ​ട​ങ്ങി​യ​തോ​ടെ അ​ഞ്ചി​ന് 130ലേ​ക്ക് പ​ത​റി. 28ാം ഓ​വ​റി​ൽ ന​വാ​സി​ന്റെ വി​ക്ക​റ്റ് വീ​ണ​തി​നൊ​പ്പം മ​ഴ​യും. പ​ക​ര​ക്കാ​ര​ൻ ഇ​ഫ്തി​ഖാ​ർ അ​ഹ​മ്മ​ദും ക്രീ​സി​ലു​ണ്ടാ​യി​രു​ന്ന റി​സ് വാ​നും ചേ​ർ​ന്നാ​ണ് പാ​കി​സ്താ​ന് മാ​ന്യ​മാ​യ സ്കോ​ർ സ​മ്മാ​നി​ച്ച​ത്. 40 പ​ന്തി​ൽ 47 റ​ൺ​സ​ടി​ച്ചു ഇ​ഫ്താ​ഖാ​ർ. ല​ങ്ക​ക്കാ​യി പേ​സ​ർ മ​തീ​ഷ പാ​തി​രാ​ന മൂ​ന്ന് വി​ക്ക​റ്റെ​ടു​ത്തു.