'മെസ്സി, ക്രിസ്റ്റ്യാനോ എന്നിവ​േരക്കാൾ മികച്ചവൻ ഞാൻ തന്നെ '-കാരണം വ്യക്തമാക്കി എംബാപ്പെ

പാരീസ്​: സമകാലീന ഫുട്​ബാളിലെ ഏറ്റവും മികച്ച താരം ആരാണെന്ന കാര്യത്തിൽ രണ്ട്​ താരങ്ങളെ ചുറ്റിപ്പറ്റിയാണ് കഴിഞ്ഞ പതിറ്റാണ്ടിൽ​ ചർച്ചകൾ പുരോഗമിച്ച്​ പോന്നത്​. അർജന്‍റീന നായകൻ ലയണൽ മെസ്സിയോ അതോ പോർചുഗീസ്​ നായകൻ ക്രിസ്റ്റ്യാനോ റൊണാൾഡോയോ എന്ന കാര്യത്തിലായിരുന്നു തർക്കം​.

എന്നാൽ ലോക ജേതാക്കളായ ഫ്രാൻസിന്‍റെ യുവ സൂപ്പർതാരം കിലിയൻ എംബാപ്പെയെ സംബന്ധിച്ചിടത്തോളം ഇരുവരേക്കാൾ മികച്ചവൻ താൻ തന്നെയാണ്​.

കളത്തിൽ നേരിടേണ്ടി വരുന്ന വെല്ലുവിളികൾ മറികടക്കേണ്ടതിനാൽ ഒരോ വട്ടവും കളത്തിലിറങ്ങു​േമ്പാൾ താനാണ് ​ലോകത്തിലെ ഏറ്റവും മികച്ച കളിക്കാരനാണെന്ന്​ മനസ്സിൽ മന്ത്രിച്ചാണ്​ ഇറങ്ങുന്നതെന്ന്​ എംബാപ്പെ പറഞ്ഞു. 22കാരനായ പി.എസ്​.ജി താരം ഇതുവരെ 10 ആഭ്യന്തര​ കിരീടങ്ങളും ഫ്രാൻസിനൊപ്പം ലോകകിരീട നേട്ടത്തിലും പങ്കാളിയായിട്ടുണ്ട്​.

'തീർച്ചയായും എനിക്കും അൽപം അഹംഭാവം ​ഉണ്ട്​. കഠിനമായ സാഹചര്യങ്ങളിൽ നിങ്ങളെ മുന്നോട്ടു നയിക്കാൻ നിങ്ങളെ കൊണ്ട്​ മാത്രമേ സാധിക്കുകയുള്ളൂ' -എംബാപ്പെ ആർ.എം.സി സ്​പോർട്ടിനോട്​ പ്രതികരിച്ചു.

'അഹംഭാവം എന്നാൽ എന്താണെന്ന്​ ആളുകൾക്ക്​ മനസിലാകില്ല. നിങ്ങൾക്ക്​ വയ്യാതാകു​േമ്പാൾ ഒരാൾ പോലും വീട്ടിലെത്തി നിന്നെ​ കൊണ്ട്​ സാധിക്കുമെന്ന് ​പറഞ്ഞ്​ പ്രചോദിപ്പിക്കില്ല. നിങ്ങളെ കൊണ്ട്​ മാത്രമാണ്​ വലിയ കാര്യങ്ങൾ ചെയ്യാൻ നിങ്ങളെ കൊണ്ട്​ സാധിക്കുമെന്ന്​ വിശ്വസിപ്പിക്കാനും സാധിക്കുക' -എംബാപ്പെ പറഞ്ഞു.

'ഒരു മത്സരത്തിനിറങ്ങുമ്പോൾ ഞാൻ തന്നെയാണ് മികച്ചതെന്ന് ഞാൻ എപ്പോഴും സ്വയം പറയും. എന്നിട്ടും മെസ്സിയും ക്രിസ്റ്റ്യാനോ റൊണാൾഡോയും ഇറങ്ങിയ മൈതാനത്താണ് ഞാൻ കളിച്ചത്. അവർ എന്നെക്കാൾ മികച്ച കളിക്കാരാണ്, അവർ എന്നെക്കാൾ ഒരുപാട്​ കൂടുതൽ കാര്യങ്ങൾ ചെയ്തു കഴിഞ്ഞതാണ്' -എംബാപ്പെ​ പറഞ്ഞു.