കോച്ച് കിബു വികൂനയെ പുറത്താക്കി ബ്ലാസ്റ്റേഴ്സ്

കൊച്ചി: ഐ.എസ്.എല്ലിൽ ഹൈദരാബാദിനോടേറ്റ കനത്ത തോൽവിക്ക് പിന്നാലെ മുഖ്യ പരിശീലകൻ കിബു വികൂനയെ കേരള ബ്ലാസ്റ്റേഴ്സ് പുറത്താക്കി. ഈ സീസണിലെ മോശം പ്രകടനമാണ് പുറത്താക്കലിന് പിന്നിൽ. ഗോൾ ഡോട്ട് കോമാണ് ഇക്കാര്യം പുറത്തുവിട്ടത്.

ഹൈദരാബാദ് എഫ്.സിക്കെതിരായ ഇന്നത്തെ മത്സരത്തിൽ മറുപടിയില്ലാത്ത നാല് ഗോളിനാണ് ബ്ലാസ്റ്റേഴ്സ് പരാജയപ്പെട്ടത്.

🚨 Kerala Blasters part ways with Kibu Vicuna 🚨

Read: https://t.co/InxYsmdqDZ#ISL #KBFC

— Goal India (@Goal_India) February 16, 2021

കഴിഞ്ഞ സീസൺ ഐലീഗിൽ മോഹൻ ബഗാനെ കിരീട വിജയത്തിലേക്ക് നയിച്ച വികൂനക്ക് പക്ഷേ കേരള ബ്ലാസ്റ്റേഴ്സിനെ വിജയവഴിയിലെത്തിക്കാൻ കഴിഞ്ഞിരുന്നില്ല. ഈ സീസണിൽ 18 മത്സരങ്ങളിൽ മൂന്ന് വിജയം മാത്രമാണ് ബ്ലാസ്റ്റേഴ്സ് നേടിയത്. 16 പോയിന്‍റുമായി പട്ടികയിൽ പത്താം സ്ഥാനത്താണ്.