ദേ​ശീ​യ ടീം ​പ​രി​ശീ​ല​ക​ൻ കാ​ർ​ലോ​സ് ക്വീ​റോ​സ്

ദോ​ഹ: ആ​ധു​നി​ക ഫു​ട്ബാ​ളി​ലെ പ​രി​ശീ​ല​ക​രി​ൽ പ്ര​ഗ​ത്ഭ​നാ​യ കാ​ർ​ലോ​സ് ക്വീ​റോ​സി​നെ ഖ​ത്ത​ർ ദേ​ശീ​യ ഫു​ട്ബാ​ൾ ടീം ​പ​രി​ശീ​ല​ക​നാ​യി നി​യ​മി​ച്ചു. ഖ​ത്ത​റി​ൽ ന​ട​ന്ന 2022 ഫി​ഫ ലോ​ക​ക​പ്പി​ൽ ഇ​റാ​ൻ ടീ​മി​നെ പ​രി​ശീ​ലി​പ്പി​ച്ച​ത് പോ​ർ​ചു​ഗീ​സു​കാ​ര​നാ​യ ക്വീ​റോ​സാ​യി​രു​ന്നു. പോ​ർ​ചു​ഗ​ൽ ദേ​ശീ​യ ടീം ​കോ​ച്ചാ​യി​രു​ന്ന ക്വീ​റോ​സ് ഈ​ജി​പ്ത്, കൊ​ളം​ബി​യ, ദ​ക്ഷി​ണാ​ഫ്രി​ക്ക, യു.​എ.​ഇ ടീ​മു​ക​ളെ​യും പ​രി​ശീ​ലി​പ്പി​ച്ചി​ട്ടു​ണ്ട്. ആ​ധു​നി​ക ഫു​ട്ബാ​ളി​ലെ അ​തി​കാ​യ​രാ​യ റ​യ​ൽ മ​ഡ്രി​ഡ് ക്ല​ബി​ന്റെ പ​രി​ശീ​ല​ക​നാ​യി​രു​ന്നു.

‘കാ​ർ​ലോ​സ് ക്വീ​റോ​സ് ആ​ണ് അ​ൽ അ​ന്നാ​ബി​യു​ടെ പു​തി​യ മു​ഖ്യ പ​രി​ശീ​ല​ക​ൻ. ഞ​ങ്ങ​ളു​ടെ ദേ​ശീ​യ ടീ​മി​നൊ​പ്പം പോ​ർ​ചു​ഗീ​സ് കോ​ച്ചി​ന് എ​ല്ലാ ഭാ​വു​ക​ങ്ങ​ളും നേ​രു​ന്നു’-​ഖ​ത്ത​ർ ഫു​ട്ബാ​ൾ അ​സോ​സി​യേ​ഷ​ൻ (ക്യൂ.​എ​ഫ്.​എ) ട്വി​റ്റ​റി​ൽ അ​റി​യി​ച്ചു. സ്‍പെ​യി​ൻ​കാ​ര​നാ​യി​രു​ന്ന ഫെ​ലി​ക്സ് സാ​ഞ്ച​സ് പ​ടി​യി​റ​ങ്ങി​യ ഒ​ഴി​വി​ലേ​ക്കാ​ണ് 69കാ​ര​നാ​യ ക്വീ​​റോ​സി​നെ ഖ​ത്ത​ർ പ​രി​​ശീ​ല​ക​നാ​യി നി​യ​മി​ക്കു​ന്ന​ത്. നി​ല​വി​ൽ ആ​ഗോ​ള ഫു​ട്ബാ​ളി​ൽ വി​ദേ​ശ ടീ​മു​ക​ളെ പ​രി​ശീ​ലി​പ്പി​ക്കു​ന്ന ഏ​ഴ് പോ​ർ​ചു​ഗീ​സ് കോ​ച്ചു​മാ​രി​ൽ ഒ​രാ​ളാ​ണ് ക്വീ​​റോ​സ്. ഫെ​ർ​ണാ​ണ്ടോ സാ​ന്റോ​സ് (പോ​ള​ണ്ട്), റൂ​യി വി​റ്റോ​റി​യ (ഈ​ജി​പ്ത്), പെ​ഡ്രോ ഗോ​ൺ​സാ​ൽ​വ​സ് (അം​ഗോ​ള), പൗ​ലോ ഡു​വാ​ർ​ട്ടെ (ടോ​ഗോ), ഹീ​ലി​യോ സൂ​സ (ബ​ഹ്‌​റൈ​ൻ), ജോ​സ് പെ​സീ​റോ (നൈ​ജീ​രി​യ) എ​ന്നി​വ​രാ​ണ് ദേ​ശീ​യ ടീ​മു​ക​ളു​ടെ പ​രി​ശീ​ല​ക പ​ദ​വി​യി​ലു​ള്ള മ​റ്റു ​​പോ​ർ​ചു​ഗീ​സു​കാ​ർ.

1989ലും 1991​ലും പോ​ർ​ചു​ഗ​ൽ അ​ണ്ട​ർ 20 ടീ​മി​നെ ഫി​ഫ വേ​ൾ​ഡ് യൂ​ത്ത് ചാ​മ്പ്യ​ൻ​ഷി​പ്പി​ലേ​ക്ക് ന​യി​ച്ചാ​ണ് ക്വീ​റോ​സ് പ​രി​ശീ​ല​ക ക​രി​യ​റി​ന് തു​ട​ക്ക​മി​ട്ട​ത്. 1991ൽ ​പോ​ർ​ചു​ഗ​ൽ സീ​നി​യ​ർ ടീ​മി​ന്റെ കോ​ച്ചാ​യി. 1994ൽ ​പോ​ർ​ചു​ഗ​ലി​ലെ പ്ര​മു​ഖ ക്ല​ബു​ക​ളി​ലൊ​ന്നാ​യ സ്​​പോ​ർ​ട്ടി​ങ്ങി​ന്റെ പ​രി​ശീ​ല​ക​നാ​യി. 1999ലാ​ണ് യു.​എ.​ഇ​യെ പ​രി​ശീ​ലി​പ്പി​ക്കാ​നെ​ത്തി​യ​ത്.

2002ൽ ​ദ​ക്ഷി​ണാ​ഫ്രി​ക്ക​ൻ പ​രി​ശീ​ല​ക​നാ​യി. ആ ​വ​ർ​ഷം മാ​ഞ്ജ​സ്റ്റ​ർ യു​നൈ​റ്റ​ഡി​ലേ​ക്ക് കൂ​ടു​മാ​റി​യ അ​ദ്ദേ​ഹം, മാ​നേ​ജ​ർ​മാ​രി​ലെ അ​തി​കാ​യ​നാ​യ സ​ർ അ​ല​ക്സ് ഫെ​ർ​ഗൂ​സ​ന്റെ സ​ഹാ​യി​യാ​യി ഓ​ൾ​ഡ് ട്രാ​ഫേ​ർ​ഡി​ൽ അ​സി​സ്റ്റ​ന്റ് കോ​ച്ചാ​യും സേ​വ​ന​മ​നു​ഷ്ഠി​ച്ചു. 2003-04 സീ​സ​ണി​ലാ​ണ് റ​യ​ൽ മ​ഡ്രി​ഡി​ന്റെ പ​രി​ശീ​ല​ക പ​ദ​വി​യി​ലെ​ത്തി​യ​ത്.

2008 മു​ത​ൽ 10വ​രെ വീ​ണ്ടും പോ​ർ​ചു​ഗ​ൽ ദേ​ശീ​യ ടീം ​പ​രി​ശീ​ല​ക​നാ​യി. പി​ന്നീ​ട് 2011 മു​ത​ൽ 2019വ​രെ ഇ​റാ​ൻ കോ​ച്ചാ​യി​രു​ന്നു. കൊ​ളം​ബി​യ​യെ​യും ഈ​ജി​പ്തി​നെ​യും പ​രി​ശീ​ലി​പ്പി​ച്ച​ശേ​ഷം ക​ഴി​ഞ്ഞ വ​ർ​ഷം ലോ​ക​ക​പ്പ് മു​ൻ​നി​ർ​ത്തി ഇ​റാ​ൻ വീ​ണ്ടും അ​ദ്ദേ​ഹ​ത്തെ പ​രി​​ശീ​ല​ക സ്ഥാ​ന​ത്ത് തി​രി​ച്ചെ​ത്തി​ച്ചു. ഇ​റാ​നെ ക​ഴി​ഞ്ഞ മൂ​ന്നു ലോ​ക​ക​പ്പു​ക​ളി​ൽ -2014, 2018, 2022-യോ​ഗ്യ​ത നേ​ടാ​ൻ സ​ഹാ​യി​ച്ച​ത് പ​രി​ശീ​ല​ക​പ​ദ​വി​യി​ൽ അ​ദ്ദേ​ഹ​ത്തി​​ന്റെ പ്രാ​ഗ​ത്ഭ്യ​ത്തി​ന് തെ​ളി​വാ​യി​രു​ന്നു.