ചാമ്പ്യൻസ്​ ലീഗ്​: ടൂറിനിൽ യുവൻറസിനെ വീഴ്​ത്തി ബാഴ്​സ

ടൂറിൻ: ക്രിസ്​റ്റ്യാനോ റൊണാൾഡോ, ജോർജിയോ ചെല്ലിനി, മത്യാസ്​ ഡി ലിറ്റ്​ തുടങ്ങിയ പ്രധാനികളുടെ അസാന്നിധ്യത്തിൽ മൂർച്ച കുറഞ്ഞ യുവൻറസിനെ ടൂറിനിൽ കീഴടക്കി ബാഴ്​സലോണ. മറുപടിയില്ലാത്ത രണ്ട്​ ഗോളിനായിരുന്നു ബാഴ്​സ ജയം. പ്രതിരോധത്തിനും മുന്നേറ്റത്തിനും മൂർച്ച നഷ്​ടമായ യുവൻറസിനായി അൽവ​േരാ മൊറാറ്റ മൂന്നുവട്ടം ബാഴ്​സ വലകുലുക്കിയെങ്കിലും എല്ലാം ഒാഫ്​ സൈഡ്​ ട്രാപ്പിൽ കുടുങ്ങിയത്​ നിർഭാഗ്യമായി.

അടിമുടി മികവ്​ നിലനിർത്തിയായിരുന്നു ബാഴ്​സയുടെ വിജയം. 14ാം മിനിറ്റിൽ മെസ്സി നൽകിയ പന്തിനെ ഉജ്ജ്വലമായ ഫിനിഷിലൂടെ വലയിലാക്കി ഒസ്​മാനെ ഡെംബലെ ആദ്യം സ്​കോർ ചെയ്​തു. പിന്നാലെ മൊറാറ്റ പലവട്ടം ഭീഷണിപ്പെടുത്തിയെങ്കിലും ഭാഗ്യം ബാഴ്​സക്കൊപ്പമായിരുന്നു. ഒടുവിൽ 91ാം മിനിറ്റിൽ അൻസു ഫാതിയെ വീഴ്​ത്തിയതിന്​ ലഭിച്ച പെനാൽറ്റി വലയിലാക്കി ​മെസ്സി രണ്ടാം ഗോളും നേടി പട്ടിക തികച്ചു.

കോച്ച്​ റൊണാൾഡ്​ കൂമാ​െൻറ വാക്കുകളിൽ പറഞ്ഞാൽ, അദ്ദേഹത്തിനു കീഴിൽ ടീമി​െൻറ പെർഫക്​ട്​ മാച്ച്​. ''ക്ലബിലെത്തിയ ശേഷം ഏറ്റവും സമ്പൂർണമായ മത്സരം. മധ്യനിരയിൽ ബാഴ്​സ കൂടുതൽ ഒത്തിണക്കവും ക്രിയാത്മകതയും പ്രകടമാക്കി. ഏറ്റവും കരുത്തരായ ടീമിനെതിരെ ഏറ്റവും മികച്ച കളി തന്നെയാണ്​ പുറത്തെടുത്തത്​. ഒരുപാട്​ ഗോൾ അവസരങ്ങ​ൾ ഒരുക്കി. ഇൗ കളിയും ഫലവും ഏറെ സന്തോഷം നൽകുന്നു'' -കോച്ച്​ കൂമാ​െൻറ വാക്കുകളിൽ നിറഞ്ഞ സംതൃപ്​തി.

നായകനായി മെസ്സിയും, ​​പടവെട്ടാൻ ഡെബലെ, പെഡ്രി, ഡിയോങ്​ തുടങ്ങിയ യുവതാരങ്ങളുടെ നിരയുമായാണ്​ ബാഴ്​സ യുവൻറസിനെ നേരിട്ടത്​. മെസ്സി-പെഡ്രി- ഡെംബലെ കൂട്ടുകെട്ട്​ സൃഷ്​ടിച്ചു നൽകിയ അവസരങ്ങളെ ഫിനിഷ്​ ചെയ്യുന്നതിൽ ഗ്രീസ്​മാന്​ പിഴച്ചത്​ ഗോളുകളുടെ എണ്ണം കുറച്ചു. മൊറാറ്റയുടെ ഏകാംഗ ആക്രമണമായി യുവൻറസ്​ മാറി. അതേസമയം, പരിചയസമ്പന്നരായ നിരയുടെ അസാന്നിധ്യമാണ്​ യുവൻറസിന്​ തിരിച്ചടിയായതെന്നായിരുന്നു കോച്ച്​ പിർലോയുടെ നിരീക്ഷണം.