സിറ്റിക്ക്​ വീണ്ടും അടിപതറി; ചെൽസി ചാമ്പ്യൻസ്​ ലീഗ്​ ജേതാക്കൾ

പോർ​ട്ടോ: ഇംഗ്ലീഷ്​ ചാമ്പ്യൻമാരായ മാഞ്ചസ്​റ്റർ സിറ്റിയെ ഏകപക്ഷീയമായ ഒരുഗോളിന്​ വീഴ്​ത്തി ചെൽസി ചാമ്പ്യൻസ്​ ലീഗ്​ ജേതാക്കളായി. ചെൽസിയുടെ രണ്ടാമത്തെ ചാമ്പ്യൻസ്​ ലീഗ്​ കിരീടമാണിത്​. ആദ്യ പകുതിയിൽ കായ്​ ഹാവെർട്​സാണ്​ ചെൽസിക്കായി വിജയഗോൾ നേടിയത്​.

പ്രതിരോധത്തിലു​ം ആക്രമണത്തിലും ഒരുപോലെ മികവിലേക്കുയർന്നാണ്​ ചെൽസി മത്സരത്തിൽ ആധിപത്യം സ്​ഥാപിച്ചത്​. ചരിത്രത്തിൽ ആദ്യമായി ചാമ്പ്യൻസ്​ ലീഗ്​ ജേതാക്കളാകാമെന്ന സിറ്റിയുടെ സ്വപ്​നങ്ങളാണ്​ പൊലിഞ്ഞത്​. 2012ലാണ്​ ചെൽസി അവസാനം വൻകരയുടെ രാജാക്കൻമാരായിരുന്നത്​.

സൂപ്പർ താരം ​കെവിൻ ഡിബ്രൂയിന്​ പരിക്കേറ്റത്​ സിറ്റിക്ക്​ കനത്ത തിരിച്ചടിയായി. ക്രിസ്​തുമസി​െൻറ സമയത്ത്​ പി.എസ്​.ജിയിൽ നിന്ന്​ പുറത്താക്കപ്പെട്ട്​ ചെൽസിയിലെത്തിയ പരിശീലകൻ തോമസ്​ ടഷലിന്​ കിരീടം ഇരട്ടി മധുരമായി. കഴിഞ്ഞ ചാമ്പ്യൻസ്​ ലീഗിൽ ടഷലി​െൻറ പി.എസ്​.ജി ജർമൻ ടീമായ ബയേൺ മ്യൂണിക്കിനോട്​ പരാജയപ്പെട്ടിരുന്നു.

ഫ്രാങ്ക്​ ലാംപാർഡി​െൻറ കീഴിൽ വൻതുട മുടക്കി പുതിയ താരങ്ങളെ വാങ്ങിയെങ്കിലും പ്രീമിയർ ലീഗിൽ ഒമ്പതാമാതായിരുന്നു ചെൽസി. ബയേർ ലെവർകുസനിൽ നിന്ന്​ 71ദശലക്ഷം യൂറോ കൊടുത്ത്​ വാങ്ങിയ കായ്​ ഹാവെർട്​സ്​ ആയിരുന്നു അതിൽ വില​യേറിയ താരം. ഹാവർട്​സ്​ അടക്കമുള്ള താരങ്ങളുടെ കളിമികവ്​ പുറത്തെത്തിക്കുക എന്നതായിരുന്ന ടഷലി​െൻറ മുമ്പിലുണ്ടായിരുന്ന കടമ്പ. ത​െൻറ കുട്ടികൾ വൻകരയുടെ ചാമ്പ്യൻഷിപ്പി​െൻററ കലാശപ്പോരാട്ടത്തിൽ തന്നെ അത്തരമൊരു പ്രകടനം താരം കാഴ്​ചവെച്ചതിനാൽ അദ്ദേഹത്തിന്​ അഭിമാനിക്കാം.

മത്സരം 42 മിനിറ്റിലായിരുന്നു ഹാവെർട്​സി​െൻറ ഗോൾ. ഇംഗ്ലീഷ്​ ചാമ്പ്യൻമാരുടെ മധ്യനിരയുടെയും പ്രതിരോധത്തി​െൻറയും പിഴവിൽ നിന്നായിരുന്നു ചെൽസിയുടെ ആദ്യ ഗോൾ. ഗ്രൗണ്ടി​െൻ മധ്യത്തിൽ നിന്ന്​ മേസൻ മൗണ്ട്​ നൽകിയ പന്ത്​ സ്വീകരിച്ച് സിറ്റി ബോക്​സിലെത്തില ഹാവെർട്​സ്​ കീപ്പറെ കബളിപ്പിച്ച്​ പന്ത്​ ശൂന്യമായി കിടന്ന പോസ്റ്റിലേക്ക് തട്ടിയിട്ടു.

പ്രീമിയർ ലീഗിൽ ടീമി​െൻറ കുന്തമുനകളായിരുന്ന ഫെർണാൻഡീഞ്ഞോ, റോഡ്രി എന്നിവരില്ലാതെയാണ്​ കോച്ച് ഗാർഡിയോള സിറ്റിയെ കളത്തിലിറക്കിയത്​. രണ്ടാം പകുതിയിൽ സെർജിയോ അഗ്യൂറോ, ഗബ്രിയേൽ ജീസസ്​ എന്നിവരെ മുന്നിൽ നിർത്തി സിറ്റി ആക്രമണം കടുപ്പിച്ചെങ്കിലും ചെൽസി പ്രതിരോധക്കോട്ടയിൽ വിള്ളൽ വീഴ്​ത്താനായില്ല. മത്സരത്തി​െൻറ അവസാനം സമനില ഗോൾ നേടാൻ റിയാദ്​ മെഹറസിന്​ അവസരം ഒത്തുവന്നെങ്കിലും പന്ത്​ ബാറിൽ തട്ടി മടങ്ങി.

പ്രീമിയർ ലീഗിൽ നാലാം സ്​ഥാനത്താണ്​ ഫിനിഷ്​ ചെയ്യാനായതെങ്കിലും ആറ്​ ആഴ്​ചക്കിടെ ഇത്​ മൂന്നാം തവണയാണ്​ സിറ്റിയെ ചെൽസി വീഴ്​ത്തുന്നത്​. എഫ്​.എ കപ്പ്​ സെമിഫൈനലിൽ തോൽപിച്ച്​ ഇംഗ്ലണ്ടിൽ ഇരട്ട കിരീടം നേടാനുള്ള അവസരം തട്ടിക്കളഞ്ഞ ചെൽസി മാഞ്ചസ്​റ്ററിൽ വിജയിച്ച്​ സിറ്റിയുടെ വിജയാഘോഷം ദീർഘിപ്പിക്കുകയും ചെയ്​തിരുന്നു.

2008ലാണ്​ ചെൽസി ആദ്യമായി ചാമ്പ്യൻസ്​ ലീഗ്​ ഫൈനലിൽ കടന്നത്​. അന്ന്​ നാട്ടുകാരായ മാഞ്ചസ്​റ്റർ യുനൈറ്റഡിനോട്​ ഷൂട്ടൗട്ടിൽ തോറ്റു. 2012ൽ ബയേൺ മ്യൂണിക്കിനെ പെനാൽറ്റി ഷൂട്ടൗട്ടിൽ മറികടന്നായിരുന്നു കന്നി കിരീടം. ചാമ്പ്യൻസ്​ ലീഗ്​ കിരീട വിജയങ്ങളുടെ എണ്ണത്തിൽ യുവൻറസ്​, ബെനഫിക്ക, പോർ​ട്ടോ, ഇംഗ്ലീഷ്​ ക്ലബായ നോട്ടിങ്​ഹാം ഫോറസ്​​റ്റ്​ എന്നിവർക്കൊപ്പമാണ്​ ഇനി ചെൽസിയുടെ സ്​ഥാനം.

അബൂദബിയിലെ ശൈഖ്​ മൻസൂർ ക്ലബ്​ ഉടമസ്​ഥാവനകാശം ഏറ്റെടുത്ത്​ 13 വർഷങ്ങൾക്ക്​ ശേഷമാണ്​ സിറ്റി ചാമ്പ്യൻസ്​ ലീഗി​െൻറ ഫൈനൽ കണ്ടത്​. ആദ്യ ചാമ്പ്യൻസ്​ ലീഗ്​ ഫൈനലിൽ തോൽക്കുന്ന ഏഴാമത്തെ ടീമാണ്​ സിറ്റി. കഴിഞ്ഞ തവണ തോറ്റ പി.എസ്​.ജിയും 2019ൽ തോറ്റ ടോട്ടൻഹാമുമാണ്​ മുൻഗാമികൾ.