ചെ​ൽ​സി തോ​റ്റു; മാ​ഞ്ച​സ്​​റ്റ​ർ ഡെർബി ശൂ​ന്യം

ല​ണ്ട​ൻ: ഒ​മ്പ​തു മാ​സ​ത്തി​നു​ശേ​ഷം ഗൂ​ഡി​സ​ൺ പാ​ർ​ക്കി​ലെ​ത്തി​യ കാ​ണി​ക​ളു​ടെ ന​ടു​വി​ൽ ചെ​ൽ​സി​യു​ടെ അ​പ്ര​തീ​ക്ഷി​ത തോ​ൽ​വി. അ​പ​രാ​ജി​ത​മാ​യ 17 മ​ത്സ​ര​ങ്ങ​ൾ​ക്കൊ​ടു​വി​ലാ​ണ്​ ചെ​ൽ​സി എ​വ​ർ​ട്ട​ന്​ മു​ന്നി​ൽ 1-0ത്തി​ന്​ തോ​റ്റ​ത്.

ജ​യി​ച്ചാ​ൽ ഒ​ന്നാം സ്ഥാ​ന​ത്തേ​ക്ക്​ ക​യ​റാ​നു​ള്ള അ​വ​സ​ര​മാ​ണ്​ ക​ള​ഞ്ഞു​കു​ളി​ച്ച​ത്. ഒ​ലി​വ​ർ ജി​റൂ​ഡും, തി​മോ വെ​ർ​ണ​റും നി​റം​മ​ങ്ങി​യ അ​ങ്ക​ത്തി​ൽ 22ാം മി​നി​റ്റി​ലെ പെ​നാ​ൽ​റ്റി ഗോ​ളി​ലൂ​ടെ​യാ​ണ്​ എ​വ​ർ​ട്ട​ൻ ക​ളി ജ​യി​ച്ച​ത്. ക്യാ​പ്​​റ്റ​ൻ ഗി​ൽ​ഫി സി​ഗ​റോ​സ​നാ​ണ്​ ഗോ​ൾ നേ​ടി​യ​ത്. ര​ണ്ടാം പ​കു​തി​യി​ൽ എ​വ​ർ​ട്ട​ന്​ അ​നു​കൂ​ല​മാ​യി മ​റ്റൊ​രു പെ​നാ​ൽ​റ്റി കൂ​ടി അ​നു​വ​ദി​ച്ചെ​ങ്കി​ലും വാ​റി​ൽ നി​ഷേ​ധി​ക്ക​പ്പെ​ട്ടു.

അ​തേ​സ​മ​യം, ഓ​ൾ​ഡ്​ ട്ര​ഫോ​ഡി​ലെ യു​നൈ​റ്റ​ഡ്​ - സി​റ്റി മാ​ഞ്ച​സ്​​റ്റ​ർ ന​ഗ​ര പോ​രാ​ട്ടം ഗോ​ൾ ര​ഹി​ത സ​മ​നി​ല​യി​ൽ പി​രി​ഞ്ഞു. ഒ​ഴി​ഞ്ഞ ഗാ​ല​റി​യി​ൽ 'ഡെ​ർ​ബി'​യു​ടെ ആ​വേ​ശ​മെ​ല്ലാം ചോ​ർ​ന്നു​പോ​യ​ത്, ക​ള​ത്തി​ലും ക​ണ്ടു. പോ​യ​ൻ​റ്​ പ​ട്ടി​ക​യി​ൽ യു​നൈ​റ്റ​ഡ്​ (20) എ​ട്ടും, സി​റ്റി ഒ​മ്പ​തും (19) സ്ഥാ​ന​ത്താ​ണ്. മ​റ്റു മ​ത്സ​ര​ങ്ങ​ളി​ൽ ന്യൂ​കാ​സി​ൽ 2-1ന്​ ​വെ​സ്​​റ്റ്​​ബ്രോം​വി​ചി​നെ​യും, ആ​സ്​​റ്റ​ൻ വി​ല്ല 1-0ത്തി​ന്​ വോ​ൾ​വ​ർ​ഹാം​പ്​​ട​നെ​യും, സ​താം​പ്​​ട​ൻ 3-0ത്തി​ന്​ ഷെ​ഫീ​ൽ​ഡി​നെ​യും തോ​ൽ​പി​ച്ചു.

ഒന്നാം സ്​ഥാനം ഉറപ്പിക്കാനുള്ള ടോട്ടൻഹാമി​െൻറ ശ്രമങ്ങളെ അട്ടിമറിച്ച്​ ക്രിസ്​റ്റൽ പാലസ്​. കളി 1-1ന്​ സമനിലയിൽ പിരിഞ്ഞതോടെ ലീഡുയർത്താനുള്ള മൗറീന്യോയുടെ മോഹങ്ങൾക്ക്​ തിരിച്ചടിയായി.