ക്രിസ്റ്റ്യനോയും ഡിബാലയും കോവിഡ്​ ചട്ടം ലംഘിച്ചു; നിയമനടപടി നേരിടേണ്ടിവരുമെന്ന്​ റിപ്പോർട്ട്​

ടൂറിൻ: ഈയാഴ്ച നടക്കുന്ന ലോകകപ്പ് യോഗ്യതാറൗണ്ട് മത്സരങ്ങൾക്കും അന്താരാഷ്ട്ര മത്സരങ്ങൾക്കുമായി ഇറ്റാലിയൻ ക്ലബ്ബായ യുവൻറസിൽ നിന്ന് പോർച്ചുഗൽ താരം ക്രിസ്റ്റ്യാനോ റൊണാൾഡോയും അർജൻറീനിയൻ താരം പൗളോ ഡിബാലയും സ്വന്തം നാടുകളിലേക്ക് പുറപ്പെട്ടത് കോവിഡ് ചട്ടം ലംഘിച്ചാണെന്ന് റിപ്പോർട്ട്​. സംഭവത്തിൽ ഇരുവരും നിയമനടപടികൾ നേരിടേണ്ടിവരുമെന്ന്​ ടൂറിൻ ലോക്കൽ ആരോഗ്യവകുപ്പ്​ അധികൃതർ അറിയിച്ചിട്ടുണ്ട്​.

യുവൻറസ് സംഘത്തിലെ രണ്ടുപേർക്ക് കോവിഡ് സ്ഥിരീകരിച്ചതിനെത്തുടർന്ന് നിരീക്ഷണത്തിലായിരുന്ന ക്രിസ്റ്റ്യാനോയും കൂട്ടരും പരിശോധന ഫലം വരുംമുമ്പ് ക്ളബിനെ അറിയിക്കാതെ സ്ഥലം വിട്ടെന്നാണ് ഇറ്റാലിയൻ മാധ്യമങ്ങൾ റിപ്പോർട്ട്​ ചെയ്യുന്നത്​. ക്ലബ്ബ്​ തന്നെയാണ്​ ചില താരങ്ങൾ ​െഎസൊലേഷനിൽ കഴിയാതെ സ്ഥലം വിട്ട വിവരം തങ്ങളെ അറിയിച്ചതെന്ന്​ ആരോഗ്യവകുപ്പ്​ ഡയറക്​ടർ റോബർ​േട്ടാ ടെസ്​തി വ്യക്​തമാക്കി.