വിമർശകരുടെ വായടപ്പിച്ച്​ ക്രിസ്റ്റ്യാനോ; അറ്റ്​ലാന്‍റക്കെതിരെ മാഞ്ചസ്റ്റർ യുനൈറ്റഡിന്​ വൻ തിരിച്ചുവരവ്​

ലണ്ടൻ: ഇതാണ്​ ക്രിസ്റ്റ്യാനോ റൊണാൾഡോ, അവസാനിച്ചു എന്ന്​ എതിരാളികൾ വിചാരിക്കു​േമ്പാൾ ഉയിർത്തെഴുന്നേറ്റ്​ അക്രമിച്ച്​ കീഴ്​പ്പെടുത്തുന്ന പടനായകൻ. ചാമ്പ്യൻസ്​ ലീഗിലെ ആവേ​ശപ്പോരാട്ടത്തിൽ ഓൾഡ്​ ട്രഫോഡിൽ വെല്ലുവിളിച്ചെത്തിയ ഇറ്റാലിയൻ ടീം അറ്റ്​ലാന്‍റയെ മാഞ്ചസ്റ്റർ യുനൈറ്റഡ്​ 3-2ന്​ തോൽപിച്ചു. ആദ്യ പകുതി രണ്ടു ഗോളിന്​ പിന്നിൽ നിന്ന ശേഷമായിരുന്നു സൂപ്പർ താരം ക്രിസ്റ്റ്യാനോ റൊണാൾഡോയുടെ നേതൃത്വത്തിൽ മൂന്നെണ്ണം തിരിച്ചടിച്ച്​ മാഞ്ചസ്റ്ററർ യുനൈറ്റഡിന്‍റെ തിരിച്ചുവരവ്​. ഇതോടെ, സൂപ്പർ താരം ക്രിസ്റ്റ്യാനോ റൊണാൾഡോക്കും കോച്ച്​ ഒലെ ഗെണ്ണർ സോൾഷ്യെയർക്കുമെതിരെ ഉയർന്ന വിമർശനങ്ങൾ താൽക്കാലികമായി അവസാനിച്ചു. പ്രീമിയർ ലീഗിൽ ലിവർപൂളിനോടും മാഞ്ചസ്റ്റർ സിറ്റിയോടും ഏറ്റുമുട്ടാനിരിക്കുന്ന മാഞ്ചസ്റ്റർ യുനൈറ്റഡിന്​ ഈ വിജയം ആത്​മവിശ്വാസമേകും.

You know it, @Cristiano ✊#MUFC | #UCL

— Manchester United (@ManUtd) October 21, 2021

15ാം മിനിറ്റിൽ മാരിയോ പസലിച്ചും 28ാം മിനിറ്റിൽ മെറിഹ്​ ഡെമിറാലുമാണ്​ യുനൈറ്റഡ്​ ആരാധകരെ നിശബ്​ദമാക്കി വലയിൽ പന്തെത്തിച്ചത്​. അരമണിക്കൂറിന്​ മുമ്പു തന്നെ രണ്ടുഗോളിന്​ മുന്നിലെത്തിയത്​ അറ്റ്​ലാൻറയെ വലിയ ആവേശത്തിലാക്കി. ആത്​മവിശ്വാസം നിറഞ്ഞ നീക്കങ്ങളുമായി അവർ പിന്നെയും യു​ൈനറ്റഡ്​ ഗോൾ മുഖത്ത്​ വട്ടമിട്ട്​ പറന്നു.

Oh what a night, oh what a night 🥰#MUFC | #UCL pic.twitter.com/g0Paa9AfnS

— Manchester United (@ManUtd) October 20, 2021

എന്നാൽ ആദ്യ പകുതിയുടെ ഇടവേളയിൽ കോച്ച്​ സോൾഷ്യെയർ താരങ്ങളുടെ മനിസ്സിൽ​ പകർന്നു നൽകിയ ഉൗർജം കളത്തിൽ കണ്ടു. രണ്ടാം പകുതി അവിശ്വസനീയമായി മാഞ്ചസ്റ്റർ യുനൈറ്റഡ്​ തിരിച്ചുവന്ന കാഴ്ചയാണ്​ ആരാധകർക്ക്​ കാണാനായത്​. 53ാം മിനിറ്റിൽ മാർകസ്​ റാഷ്​ഫോഡാണ്​ ആദ്യ ഗോൾ നേടുന്നത്​. 75ാം മിനിറ്റിൽ ഹാരി മെഗ്വയർ, ഒടുവിൽ 81ാം മിനിറ്റിൽ തകർപ്പൻ ഹെഡറിൽ ക്രിസ്റ്റ്യാനോ റൊണാൾഡോയും അവതരിച്ചു. ഇംഗ്ലീഷ്​ മണ്ണിൽ ജയിച്ചു മടങ്ങാമെന്ന അറ്റ്​ലാന്‍റയുടെ മോഹത്തിന്​ ഇതോടെ അവസാനവുമായി. മധ്യനിരയിൽ ബ്രൂണോ ഫെർണാണ്ടസിന്‍റെ മിന്നും പ്രകടനവും യുനൈറ്റഡിന്‍റെ വിജയം അനായാസമാക്കി.

Fight until the end ✊

🗣 @B_Fernandes8@TeamViewer | #BringingYouCloser pic.twitter.com/XLEYh7oFxR

— Manchester United (@ManUtd) October 20, 2021

തകർപ്പൻ ജയത്തോടെ ഗ്രൂപിൽ ആറു പോയന്‍റുമായി മാഞ്ചസ്റ്റർ യുനൈറ്റഡ്​ ഒന്നാം സ്​ഥാനത്തെത്തി. അറ്റ്​ലാന്‍റ നാലു പോയന്‍റുമായി രണ്ടാമതാണ്​. യങ്​ ബോയ്​സിനെ 4-1ന്​ തോൽപിച്ച വിയ്യ റയലാണ്​ മൂന്നാം സ്​ഥാനത്ത്​. ആദ്യ മത്സരത്തിൽ മാഞ്ചസ്റ്റർ യുനൈറ്റഡിനെ തോൽപിച്ച യങ്​ ബോയ്​സ്​ മൂന്ന്​ പോയന്‍റുമായി നാലാമതാണ്​.