യൂറോയിൽ ഇംഗ്ലണ്ട്​- ഇറ്റലി ഫൈനൽ

ലണ്ടൻ: മുൻനിര ചാമ്പ്യൻഷിപ്പുകളിലൊന്നി​െൻറ കലാശപ്പോര​ിൽ അങ്കം കുറിക്കുകയെന്ന 55 വർഷം നീണ്ട കാത്തിരിപ്പിന്​ വിരാമം. അധിക സമയത്തേക്കു നീണ്ട രണ്ടാം സെമിയിൽ ഡെൻമാർക്കിനെ ഒന്നിനെതിരെ രണ്ടു ഗോളുകൾക്ക്​ വീഴ്​ത്തിയാണ്​ ഹാരി കെയ്നും സംഘവും പതിറ്റാണ്ടുകളായുള്ള നാടി​െൻറ കാത്തിരിപ്പിന്​ സാഫല്യമേകി യൂറോ ഫൈനൽ ബർത്ത്​ ഉറപ്പാക്കിയത്​. ആദ്യം ​േഗാളടിച്ച്​ മുന്നിൽനിന്ന ഡെന്മാർക്ക്​ പിന്നീട്​ ക്യാപ്​റ്റ​െൻറ ബൂട്ടിൽനിന്ന്​ സ്വന്തം പോസ്​റ്റിൽ നിറയൊഴിച്ച്​ സമനില നൽകുകയും അധിക സമയത്ത്​ ഹാരി കെയ്​​െൻറ ഗോളിൽ പരാജയം സമ്മതിക്കുകയുമായിരുന്നു.

1966ൽ ജർമനിയെ വീഴ്​ത്തി ലോകകപ്പ്​ നെ​േഞ്ചാടു ചേർത്ത നീണ്ട ഇടവേളക്കു ശേഷം കിരീടത്തിലേക്ക്​ നിറമുള്ള സ്വപ്​നങ്ങളുമായി എത്തിയ ഇംഗ്ലണ്ട്​ ഇത്തവണ എല്ലാം ഉറപ്പിച്ച പോരാട്ടമാണ്​ ടൂർണമെൻറിലുടനീളം നടത്തിയിരുന്നത്​. ദിവസങ്ങൾക്ക്​ മുമ്പ്​ ക്വാർട്ടറിൽ ജർമനിയെയും അതുകഴിഞ്ഞ്​ അവസാന നാലിൽ യുക്രെയ്​നെയും നിശ്ശൂന്യമാക്കിയ കരുത്തും ആവേശവും വെംബ്ലിയിലെ 66,000 കാണികൾക്ക്​ മുന്നിൽ ഇന്നലെ തുടക്കത്തിൽ കണ്ടില്ലെങ്കിലും അൽപം വൈകി എല്ലാം തിരിച്ചുപിടിക്കുകയായിരുന്നു.

30ാം മിനിറ്റിൽ ഇളമുറ താരം ഡാംസ്​ഗാർഡി​ലൂടെ ഡെൻമാർക്ക്​ ആണ്​ ആദ്യ വെടിപൊട്ടിച്ചത്​. തുടക്കത്തിൽ ടീം കാണിച്ച കളിമികവി​െൻറ സാക്ഷ്യമായിരുന്നു 25 വാര അകലെനിന്നു പായിച്ച കണ്ണഞ്ചും ഫ്രീകിക്ക്​ ഗോൾ. അതോടെ സട കുടഞ്ഞെഴുന്നേറ്റ ഇംഗ്ലീഷ്​ പട വൈകാതെ ആക്രമണം മുന കൂർപിച്ച്​ ഡാനിഷ്​ കോട്ടക്കു മുന്നിൽ പലവട്ടം അപായമണി മുഴക്കിയെങ്കിലും ഗോളി കാസ്​പർ ഷ്​മിഷേൽ ഉരുക്കു കരങ്ങളുമായി എല്ലാം തട്ടിത്തെറിപ്പിച്ചു. ഒന്നാം പകുതി പിരിയാൻ അഞ്ചു മിനിറ്റ്​ ബാക്കിനിൽക്കെ ബുകായോ സാക റഹീം സ്​റ്റെർലിങ്ങിന്​ പാകത്തിൽ നൽകിയ ക്രോസിന്​ കാൽവെച്ചത്​ പക്ഷേ, ഡാനിഷ്​ ക്യാപ്​റ്റൻ സിമോൺ കെയർ തട്ടിയകറ്റിയത്​ ഷ്​മിഷേലിനെയും കടന്ന്​ സ്വന്തം വലയിൽ. സ്​കോർ 1-1.

രണ്ടാം പകുതിയിൽ ഇംഗ്ലീഷ്​ പടയോട്ടം നയിച്ച്​ ഹാരി മഗ്വയറും ഹാരി കെയിനും അലമാല കണക്കെ എതിർഹാഫിൽ പറന്നുനടന്നപ്പോഴൊക്കെയും സൂപർ ഹീറോയെ പോലെ ഡാനിഷ്​ ഗോളി ഒറ്റയാനായി നിലയുറപ്പിച്ചു. പിതാവ്​ പീറ്റർ ഷ്​മിഷേലിനെ ഓർമിപ്പിച്ച പ്രകടനം പക്ഷേ, തോറ്റുപോയത്​ അധിക സമയത്തെ ​ഹാരി കെയ്​ൻ ഗോളിൽ. റഹീം സ്​​െറ്റർലിങ്ങിനെ ജൊആകിം മീഹൽ വീഴ്​ത്തിയതിന്​ ലഭിച്ച പെനാൽറ്റി തടുത്തിട്ട്​ ഷ്​മിഷേൽ ശ്രമം നടത്തിയെങ്കിലും റീബൗണ്ടിൽ കെയ്​ൻ കാലുവെച്ച്​​ വല കുലുക്കി.

വെംബ്ലി നിറഞ്ഞ്​ ഒഴുകിയെത്തിയ ആൾക്കൂട്ടം അട്ടഹാസവുമായി ഇംഗ്ലണ്ടിനൊപ്പം നിലയുറപ്പിച്ചതോടെ മൈതാനത്ത്​ ഡാനിഷ്​ നീക്കങ്ങൾക്കും മൂർച്ച കുറഞ്ഞു. അതോടെ ഇംഗ്ലീഷ്​ വിജയം സുനിശ്​ചിതവുമായി.

ഇനി ഞായറാഴ്​ച ഇതേ മൈതാനത്ത്​ നടക്കുന്ന കലാശപ്പോരിൽ ഇറ്റലിയെ വീഴ്​ത്തിയാൽ രാജ്യം കാത്തിരിക്കുന്ന സ്വപ്​ന നേട്ടവുമായി സൗത്​ഗേറ്റി​െൻറ പട്ടാളത്തിന്​ മടങ്ങാം. പക്ഷേ, ഫൈനലിൽ കാത്തിരിക്കുന്ന അസൂറികൾ ഈ ടൂർണമെൻറിലെ ഏറ്റവും മികച്ച ടീമാണെന്ന ആധി മുന്നിലുണ്ട്​​. കളിയിൽ വൈകി തിരിച്ചെത്തുന്ന പഴയ പതിവു തുടരുന്ന ഹാരി കെയിനിനും കൂട്ടർക്കും അതൊ​രു വെല്ലുവിളിയാകുമോ എന്ന്​ കാത്തിരുന്ന്​ കാണാം.