യൂ​റോ ​ക​പ്പിൽ ഇന്ന്​ നെതർലൻഡ്​സ്​ x ചെക്​ റിപ്പബ്ലിക്​, ബെൽജിയം x പോർചുഗൽ പോരാട്ടം

ബു​ഡാ​പെ​സ്​​റ്റ്​: നെ​ത​ർ​ല​ൻ​ഡ്​​സ്​ ടീം ​ഒ​രേ സ​മ​യം പ്ര​തീ​ക്ഷ​യി​ലും സ​മ്മ​ർ​ദ​ത്തി​ലു​മാ​ണ്. വ​മ്പ​ൻ താ​ര​ങ്ങ​ളു​ടെ കൂ​ടാ​ര​മാ​യ മു​ൻ​കാ​ല സം​ഘ​ങ്ങ​ളെ പോ​ലെ പ്ര​തീ​ക്ഷ​യു​ടെ ഭാ​രം ഫ്രാ​ങ്ക്​ ഡി​ബോ​യ​റു​ടെ ടീ​മി​ന്​ മേ​ലി​ല്ല. അ​തി​നാ​ൽ​ത​ന്നെ ക​ളി​യി​ൽ മു​മ്പ്​ കാ​ണാ​ത്ത ഫ്ര​ഷ്​​നെ​സ്​ ഉ​ണ്ട്. അ​തേ​സ​മ​യം, നോ​ക്കൗ​ട്ട്​ റൗ​ണ്ടി​‍െൻറ സ​മ്മ​ർ​ദ​ഘ​ട്ട​ങ്ങ​ളെ അ​തി​ജീ​വി​ക്കാ​നു​ള്ള പ​രി​ച​യ​സ​മ്പ​ത്ത്​ വേ​ണ്ട​ത്ര​യി​ല്ലാ​ത്ത ടീം ​എ​ന്ന വി​ശേ​ഷ​ണ​വു​മു​ണ്ട്​. ക​ഴി​ഞ്ഞ ര​ണ്ട്​ അ​ന്താ​രാ​ഷ്​​ട്ര ടൂ​ർ​ണ​മെൻറു​ക​ളി​ലും (2016 യൂ​റോ, 2018 ലോ​ക​ക​പ്പ്) യോ​ഗ്യ​ത നേ​ടാ​നാ​വാ​തി​രു​ന്ന ഡ​ച്ചു​സം​ഘ​ത്തി​ന്​ അ​തി​നാ​ൽ ത​ന്നെ ഇ​ത്ത​വ​ണ​ത്തെ യൂ​റോ ഏ​റെ വി​ല​പ്പെ​ട്ട​താ​ണ്.

താ​ര​ത​മ്യേ​ന എ​ളു​പ്പ​മു​ള്ള ഗ്രൂ​പ്പി​ൽ ഇ​ടം​ല​ഭി​ച്ച ടീം ​മൂ​ന്നി​ൽ മൂ​ന്നും ജ​യി​ച്ച് മു​മ്പ​ന്മാ​രാ​യി​ ഏ​റ്റ​വും കൂ​ടു​ത​ൽ ഗോ​ളു​ക​ളും (8) നേ​ടി​യാ​ണ്​ വ​രു​ന്ന​ത്. എ​ന്നാ​ൽ, ലോ​കോ​ത്ത​ര ഡി​ഫ​ൻ​ഡ​ർ വി​ർ​ജി​ൻ വാ​ൻ​ഡൈ​കി​‍െൻറ കു​റ​വ്​ പ്ര​തി​രോ​ധ​ത്തി​ൽ കാ​ണാ​നു​ണ്ട്. എ​ങ്കി​ലും മ​ത്യാ​സ്​ ഡി​ലി​റ്റും ഡാ​ലി ബ്ലി​ൻ​ഡും സ്​​റ്റെ​ഫാ​ൻ ഡി​വ്രൈ​യും അ​ട​ങ്ങു​ന്ന പ്ര​തി​രോ​ധം ഭേ​ദ​പ്പെ​ട്ട​താ​ണ്. ടൂ​ർ​ണ​മെൻറി​ന്​ തൊ​ട്ടു​മു​മ്പ്​ കോ​വി​ഡ്​ ബാ​ധി​ച്ച ജാ​സ്​​പ​ർ സി​ല്ലി​സ​ന്​ പ​ക​രം മാ​ർ​ട്ടി​ൻ സ്​​റ്റെ​ക്​​ല​ൻ​ബ​ർ​ഗാ​ണ്​ ഒ​ന്നാം ഗോ​ളി.

മ​ധ്യ​നി​ര​യാ​ണ്​ ടീ​മി​‍െൻറ ശ​ക്​​തി. നാ​യ​ക​നും ടീ​മി​‍െൻറ ചാ​ല​ക​ശ​ക്​​തി​യു​മാ​യ ജോ​ർ​ജീ​ന്യോ വി​നാ​ൾ​ഡ​മും ഫ്രാ​ങ്കി ഡി​യോ​ങ്ങും ചേ​രു​േ​മ്പാ​ൾ എ​ന്തും സാ​ധ്യ​മാ​ണ്. മു​ൻ​നി​ര​യി​ൽ മെം​ഫി​സ്​ ഡി​പാ​യി​ക്ക്​ പി​ന്തു​ണ​യു​മാ​യി വെ​ർ​ട്ട്​ വെ​ർ​ഗോ​സ്​​റ്റ്, ഡോ​ണി​ൽ മാ​ല​ൻ എ​ന്നി​വ​ർ​ക്കൊ​പ്പം വ​ല​തു​വി​ങ്ങി​ലൂ​ടെ ക​യ​റി​യെ​ത്തു​ന്ന ഡെ​ൻ​സ​ൽ ഡം​ഫ്രൈ​സ്​ കൂ​ടി​യാ​വു​േ​മ്പാ​ൾ ആ​ക്ര​മ​ണാ​ത്​​മ​ക ഫു​ട്​​ബാ​ളി​ന്​ കു​റ​വൊ​ന്നു​മു​ണ്ടാ​വി​ല്ല.

ഓ​രോ ജ​യ​വും​സ​മ​നി​ല​യും തോ​ൽ​വി​യു​മാ​യി ഡി ​ഗ്രൂ​പ്പി​ൽ മൂ​ന്നാ​മ​താ​യാ​ണ്​ ചെ​ക്​ റി​പ്പ​ബ്ലി​ക്​ നോ​ക്കൗ​ട്ടി​ലെ​ത്തി​യ​ത്. മി​ക​ച്ച ടീം ​വ​ർ​ക്കോ​ടെ പ​ന്തു​ത​ട്ടു​ന്ന യാ​റോ​സ്ലാ​വ്​ സി​ൽ​ഹ​വി​യു​ടെ ടീ​മി​‍െൻറ പ്ര​ശ്​​നം ഗോ​ള​ടി​ക്കാ​ൻ വേ​ണ്ട​ത്ര ആ​ളി​ല്ലെ​ന്ന​താ​ണ്.

ഇ​തു​വ​രെ നേ​ടി​യ മൂ​ന്നു ഗോ​ളു​ക​ളും പാ​ട്രി​ക്​ ഷി​ക്കി​‍െൻറ വ​ക​യാ​യി​രു​ന്നു. ഇം​ഗ്ലീ​ഷ്​ പ്രീ​മി​യ​ർ ലീ​ഗി​ൽ വെ​സ്​​റ്റ്​​ഹാം യു​നൈ​റ്റ​ഡി​ന്​ ക​ളി​ക്കു​ന്ന വ്ലാ​ദി​മി​ർ സൗ​ഫ​ൽ, തോ​മ​സ്​ സൗ​സ​ക്, ജ​ർ​മ​നി​യി​ലെ ഹെ​ർ​ത്ത ബെ​ർ​ലി​ന്​ പ​ന്തു​ത​ട്ടു​ന്ന വ്ലാ​ദി​മി​ർ ദ​രീ​ദ എ​ന്നി​വ​രി​ൽ​നി​ന്ന്​ ടീം ​കൂ​ടു​ത​ൽ പ്ര​തീ​ക്ഷി​ക്കു​ന്നു​ണ്ട്.