ആർപ്പോ യൂറോ... ആരവങ്ങൾക്ക്​ മു​േമ്പ അറിയേണ്ടതെല്ലാം

കളിയഴകും വേഗവും മേളിക്കുന്ന യൂറോപ്യൻ ഫുട്​ബാളി​െൻറ മാറ്റുരക്കൽ മഹാമാമാങ്കമായ യൂറോകപ്പിന്​ വിസിലുയരാൻ ദിവസങ്ങൾ മാത്രം. ഒപ്പം ലാറ്റിനമേരിക്കൻ ഫുട്​ബാൾ ചന്തത്തി​െൻറ പ്രദർശനശാലയായ കോപ അമേരിക്കയിലും പന്തുരുണ്ടാൽ കാൽപന്ത്​ പ്രേമികൾക്ക്​ രാവെളുക്കുവോളം ടെലിവിഷനിൽനിന്ന്​ ക​​ണ്ണെടുക്കാൻ നേരമുണ്ടാകില്ല. കോവിഡ്​ ഭീഷണി കാരണം ഇത്തവണ കോപ അമേരിക്ക നടക്കുമോ എന്നതിൽ ഇപ്പോഴും തീർപ്പ്​ വന്നിട്ടില്ലെന്നത്​ മറ്റൊരു കാര്യം. കോവിഡ്​ ഭീഷണി ഏറെക്കുറെയൊഴിഞ്ഞ യൂറോപ്പിൽ പക്ഷേ, അത്തരം ആശങ്കകൾ ഒന്നുമില്ല. പഴയപോലെ തിങ്ങിനിറയില്ലെങ്കിലും ആരാധകരെമ്പാടും ഗാലറിയിൽ ആർപ്പുവിളികളുമായുണ്ടാകും.

ലോകമെമ്പാടുമുള്ള കാൽപന്തു ​പ്രേമികൾ യൂറോപ്പിലെ പച്ചപ്പുൽ മൈതാനങ്ങളിലേക്ക്​ ഇടതടവില്ലാതെ കണ്ണും കാതും മനസ്സും കൂർപ്പിച്ചിരിക്കുന്ന നാളുകളാണ്​ വരാൻ പോകുന്നത്​. ജൂൺ 12 മുതൽ ജൂലൈ 12 വരെ, പതിവിൽനിന്ന്​ വിപരീതമായി 11 രാജ്യങ്ങളിലായാണ്​ ഒരു മാസം നീളുന്ന പോരാട്ടം നടക്കുന്നത്​. ഇംഗ്ലണ്ട്​, റഷ്യ, അസർബൈജാൻ, ജർമനി, ഇറ്റലി, നെതർലൻഡ്​, റൊമേനിയ, ഹംഗറി, ഡെൻമാർക്ക്​, സ്​കോട്​ലൻറ്​, സ്​പെയിൻ എന്നീ രാജ്യങ്ങളിലായാണ്​ മത്സരങ്ങൾ. 2019 മാർച്ച്​ മുതൽ നവംബർ വരെ നടന്ന, 55 ടീമുകൾ പ​െങ്കടുത്ത യൂറോ കപ്പ്​ യോഗ്യതാ മത്സരങ്ങൾ വഴിയെത്തിയ 20 ടീമുകളും ​േപ്ലഒാഫ്​ വഴിയെത്തിയ നാല്​ ടീമുകളും അടക്കം 24 ടീമുകളാണ്​​ യൂറോപ്യൻ കിരീടപോരാട്ടത്തിൽ അണിനിരക്കുന്നത്​. ആറ്​ ഗ്രൂപ്പുകളായാണ്​ മത്സരം. ഒരോ ഗ്രൂപ്പ്​ ചാമ്പ്യമാരും റണ്ണേഴ്​സ്​ അപ്പുകളും മുഴുവൻ ഗ്രൂപ്പുകളിൽനിന്നുമായുള്ള മികച്ച നാലു സ്​ഥാനക്കാരും നോക്കൗട്ടിൽ കടക്കും.

പോർച്ചുഗൽ ആണ്​ നിലവിലെ ജേതാക്കൾ. 2016 ലാണ്​ അവസാനമായി ടൂർണമൻറ്​ നടന്നത്​. കഴിഞ്ഞ വർഷം ന​ടക്കേണ്ടിയിരുന്ന മത്സരങ്ങൾ കോവിഡ്​ പ്രതിസന്ധി മൂലം ഇൗ വർഷത്തേക്ക്​ മാറ്റുകയായിരുന്നു. ജൂൺ 12 ന്​ പുലർ​ച്ചെ 12.30ന്​ തുർക്കി^ഇറ്റലി മത്സരത്തോടെയാണ്​ ടൂർണമൻറിന്​ വിസിൽ മുഴങ്ങുക. വാർ നടപ്പാക്കുന്ന ആദ്യ യൂറോ എന്ന പ്രത്യേകതയും ഉണ്ട്​.

യൂനിയൻ ഒാഫ്​ യൂറോപ്യൻ ഫുട്​ബാൾ അസോസിയേഷ​ൻ^ യുവേഫയുടെ കീഴിലാണ്​ ടൂർണമൻറ്​ നടക്കുന്നത്​. 1960 ൽ ഫ്രാൻസ്​ ആണ്​ പ്രഥമ യൂറോ ചാമ്പ്യൻഷിപ്പിന്​ ആതിഥേയത്വം വഹിക്കുന്നത്​. അന്ന്​ യൂറോപ്യൻ നേഷൻസ്​ കപ്പ്​ എന്ന പേരിൽ അറിയപ്പെട്ടിരുന്നത്​​ പിന്നീട്​​ യൂറോ കപ്പായി മാറി. അക്കാലത്ത്​ രാഷ്​ടീയമായും സാമ്പത്തികമായും വിഭജിക്കപ്പെട്ടിരുന്ന യൂറോപ്യൻ രാജ്യങ്ങളെ ഒന്നിപ്പിക്കുക എന്ന ലക്ഷ്യം കൂടി ടൂർണമൻറിനുണ്ടായിരുന്നു. സോവിയറ്റ്​ യൂനിയൻ ആയിരുന്നു പ്രഥമജേതാക്കൾ. യൂഗോസ്ലാവ്യ റണ്ണേഴ്​സുമായി.

കൂടുതൽ തവണ ജേതാക്കളായത്​ ജർമനിയും ​സ്​പെയിനുമാണ്​. മൂന്ന്​ തവണ വീതം.യൂറോപ്യൻ ലീഗ്​ ഫുട്​ബാളിലും രാജ്യത്തിന്​ വേണ്ടിയുള്ള പോരാട്ടങ്ങളിലും ഒരുപോലെ മിന്നുന്ന ഒരുപിടി താരങ്ങളുടെ സാന്നിധ്യമാണ്​​ ടൂർണമൻറി​െൻറ ആകർഷക ഘടകം. താരങ്ങളുടെ മഹാസമ്മേളനമാണ്​ പല ടീമുകളിലും. താരാധിക്യത്താൽ ആദ്യ 11 പേരെ കണ്ടെത്താൻ കോച്ചുമാർ പെടാപാട്​ പെടേണ്ടി വരുന്നതും യൂറോപ്യൻ ഫുട്​ബാളിലെ പതിവ്​ കാഴ്​ചയാണ്.​ ഇത്തവണയും സ്​ഥിതി വ്യത്യസ്​തമല്ല.

ആരുയർത്തും ആ കപ്പ്​?

ലോക ഫുട്​ബാളിൽ യൂറോപ്പി​െൻറ അപ്രമാദിത്യം ശക്​തമായി തുടരുന്ന കാലമാണിത്​. ലാറ്റിനമേരിക്കൻ ഫുട്​ബാൾ അതി​െൻറ പ്രതാപകാലം നഷ്​ടപ്പെട്ട്​, ഏറെക്കുറെ യൂറോപ്യൻ കളിശൈലി​യിലേക്ക്​ പരിവർത്തനം ചെയ്യപ്പെടുകയും ചെയ്​തു. യൂറോപ്യൻ ക്ലബ്​ ഫുട്​ബാളി​െൻറ ജനപ്രിയതയും ആഗോള പ്രേക്ഷക മൂല്യവും ക​േമ്പാളപരതയുമെല്ലാം യൂറോപ്പി​െൻറ ഇൗ മേധാവിത്വത്തിന്​ സഹായകമായി. ദേശീയ ടീം സെലക്​ഷനെ പോലും ശക്​തമായി സ്വാധീനിക്കാനുള്ള ശേഷി ക്ലബ്​ ഫുട്​ബാളിന്​ കൈവന്നു.

യൂറോപിലെ മുൻനിര ടീമുകൾക്കെല്ലാം കേരളത്തിൽ ആരാധകരുണ്ട്​. മുമ്പ്​ കാലത്ത്​, ബ്രസീൽ, അർജൻറീന എന്നിങ്ങനെ രണ്ട്​ ചേരികളിൽ മാത്രമായി ഭൂരിഭാഗം ആരാധകരും ഒതുങ്ങിയിരുന്നെങ്കിൽ ഇന്ന്​ സ്​ഥിതി മാറി. ഫുട്​ബാളിനെ ഗൗരവപൂർവം സമീപിക്കുന്ന ആർക്കും യൂറോപ്യൻ ഫുട്​ബാളിനെ അവഗണിക്കാനാവില്ല എന്ന സ്​ഥിതി വന്നു. ലോകകപ്പോ യൂറോ കപ്പോ കോപ അമേരിക്കയോ വരുന്ന സീസണിൽ മാത്രം ഫുട്​ബാൾ സംസാരിക്കുന്ന സ്​ഥിതി മാറി. സീസണൽ ഫുട്​ബാൾ ആരാധകരിൽ പലരും സ്​ഥിരം കളിക്കമ്പക്കാരായി. ഇന്ത്യയിൽ അടക്കം ജനപ്രിയ ഫുട്​ബാൾ ലീഗുകൾ വന്നു. യൂറോപ്യൻ ലീഗുകളിലെ പരിചയസമ്പന്നരായ പലരും വന്നതോടെ നമ്മുടെ കളി രീതികൾ തന്നെ മാറി. വർഷം മുഴുവനും ഫുട്​ബാൾ എന്നതിലേക്ക്​ കഴിഞ്ഞ അഞ്ചാറ്​ വർഷത്തിനിടെ കാര്യങ്ങൾ മാറി.

ഫിഫയുടെ ആദ്യ പത്ത്​ റാങ്കിൽ ഏഴും യൂറോപ്യൻ ടീമുകളാണ്​. ബെൽജിയം, ഫ്രാൻസ്​, ഇംഗ്ലണ്ട്​, പോർച്ചുഗൽ, സ്​പെയിൻ, ഇറ്റലി, ഡെൻമാർക്ക്​ ടീമുകൾ യഥാക്രമം ആദ്യ പത്തിലു​ണ്ട്​. രണ്ടാമത്തെ പത്തിലുള്ള ജർമനി, ക്രൊയേഷ്യ, നെതർലൻഡ്​സ്​, സ്വിറ്റ്​സർലാൻഡ്​ ടീമുകളെയും എഴുതിതള്ളാനാവില്ല. ഒരോ ടീമും ഒന്നിനൊന്ന്​ മികച്ചവർ. 2006 മുതലുള്ള നാല്​ ലോകകപ്പുകളിലും യൂറോപ്യൻ ടീമുകളായിരുന്നു ജേതാക്കൾ. ഇൗ നാല്​ ലോകകപ്പുകളിൽ മൂന്നിലും റണ്ണേഴ്​സ്​ അപ്പും യൂറോപ്യൻ ടീമുകൾക്ക്​ തന്നെ. ആദ്യ നാല്​ സ്​ഥാനങ്ങളിലും യൂറോപ്യൻ ടീമുകളുടെ മേധാവിത്വം കാണാം. യോഗ്യത മത്സര പരീക്ഷണം കഴിഞ്ഞുവരുന്ന ടീമുകൾ ആയതുകൊണ്ട്​ തന്നെ എളുപ്പത്തിൽ ജയിച്ചുകളയാം എന്ന പ്രതീക്ഷ എത്ര കരുത്തുറ്റ ടീമിനുമുണ്ടാവില്ല. ഒരോ മത്സരവും കടുത്തതാകും. ഗ്രൂപ്പ്​ ഘട്ടത്തിൽ പോലും പ്രവചനാതീതമാകും കാര്യങ്ങൾ. ഇൗ മത്സരവീര്യമാണ്​​ യൂറോകപ്പിനെ ആരാധകർക്ക്​ ഏറെ പ്രിയപ്പെട്ടതാക്കുന്ന കാര്യങ്ങൾ. എങ്കിലും കിരീട ഫേവറിറ്റുകളായ ചില ടീമുകളുണ്ട്​. അത്​ഭുതങ്ങൾ സംഭവിച്ചില്ലെങ്കിൽ ഇവരിൽ ഒരു ടീമാകും ഇത്തവണയും കപ്പിൽ മുത്തമിടുക.

ഫ്രഞ്ച്​ വിപ്ലവം ആവർത്തിക്കുമോ?

താരപ്രഭയും സമീപകാല പ്രകടനവും പരിശോധിച്ചാൽ നിലവിലെ ലോക ജേതാക്കളായ ഫ്രാൻസിനോളം ശക്​തരായ മറ്റൊരു ടീമുമില്ല യൂറോയിൽ. ലോകകപ്പിൽ നിർത്തിയിടത്തുനിന്നാണ്​ ഫ്രാൻസ്​ യൂറോയിൽ തുടങ്ങുക. കഴിഞ്ഞ യൂറോ ഫൈനലിൽ പോർച്ചുഗലിനോടേറ്റ പരാജയത്തിന്​ കണക്കുതീർക്കുക എന്ന ഉദ്ദേശ്യവുമുണ്ട്​. കഴിഞ്ഞ ദിവസം വെയിൽസിനെതിരായി നടന്ന സന്നാഹ മത്സരത്തിൽ അതി​െൻറ സൂചന അവർ നൽകുകയും ചെയ്​തു. ഏകപക്ഷീയമായ മൂന്ന്​ ഗോളിനായിരുന്നു ടീമി​െൻറ ജയം. ലോകകിരീടത്തിലേക്ക്​ ടീമിനെ നയിച്ച മുൻ ദേശീയ താരം കൂടിയായ ദിദിയർ ദെഷാംപ്​സിന്​ കീഴിലാണ്​ ഇക്കുറിയും ഫ്രാൻസ്​ അണിനിരക്കുന്നത്​.

വേഗതയും കരുത്തും കളി മികവും ഒത്തുചേർന്ന, ആ​ഫ്രിക്കൻ വംശജരായ ഒരുപിടി താരങ്ങളാണ്​ ഇത്തവണയും ഫ്രാൻസി​െൻറ ന​​െട്ടല്ല്​. ഇക്കുറി ചെൽസിയെ ചാമ്പ്യൻസ്​ ലീഗ്​ കിരീടത്തി​േലക്ക്​ നയിച്ച എൻഗോളോ കാന്‍റെറ എന്ന മധ്യനിരയിലെ ഇന്ദ്രജാലക്കാരൻ തന്നെയാകും ടീമി​െൻറ കൂന്തുമുന. കാന്‍റെയെ സംബന്ധിച്ചിടത്തോളം കരിയറിലെ ഏറ്റവും മികച്ച നേട്ടത്തിലേക്കുള്ള നിർണായക ചുവട്​ കൂടിയാകും യൂറോ കപ്പ്​. അഥവാ, യൂറോ കപ്പ്​ ഫ്രാൻസ്​ നേടിയാൽ ഇക്കുറി ബാലൻ ദ ഒാറും ഫിഫ ദി ബെസ്​റ്റും യുവേഫ ഫുട്​ബാളർ ഒാഫ്​ ദി ഇയറും അടക്കം പുരസ്​കാരങ്ങൾ കാ​െൻറയെ തേടിയെത്തുമെന്നുറപ്പാണ്​.

ദീർഘകാലത്തെ ഇടവേളക്ക്​ ശേഷം കരീം ബെൻസമക്ക്​ ദേശീയ കളിക്കുപ്പായത്തിൽ തിരിച്ചെത്താൻ അവസരം ലഭിച്ചത്​ യൂറോയുടെ വരവോടെയാണ്​. റയൽമാഡ്രിഡിന്​ വേണ്ടി സീസണിൽ ഗോളുകൾ അടിച്ചുകൂട്ടിയ ബെൻസമെക്ക്​ ദഷാംപ്​സ്​ ആദ്യ പതിനൊന്നിൽ ഇടം നൽകുമെന്നു തന്നെയാണ്​ കരുതുന്നത്​. ഫ്രഞ്ച്​ ലീഗിൽ പി.എസ്​.ജിക്കായി പതിവ്​ ഫോമിലുള്ള കിലിയൻ എംബാപ്പേ, ബാഴ്​സലോണയിൽ ശരാശരി എങ്കിലും ദേശീയ കുപ്പായത്തിൽ എപ്പോഴും മിന്നിത്തിളങ്ങുന്ന ആ​േൻറായിൻ ഗ്രിൻസ്​മാൻ, കിങ്​സ്​ലി കോമൻ, ബാഴ്​സയുടെ തന്നെ ഉസ്​മാൻ ഡെംബലേ എന്നിവർ മുന്നേറ്റത്തിൽ അണിനിരക്കും. മധ്യ നിരയിൽ കാൻറക്ക്​ പുറമെ മാഞ്ചസ്​റ്റർ യുനൈറ്റഡി​െൻറ പോൾ പോഗ്​ബ കൂടിയുണ്ടാകും കളി മെനയാൻ. റഫാൽ വരാനെയും പവാർഡും കിംപബെയുമടങ്ങുന്ന പ്രതിരോധ നിരയും കരുത്തരാണ്​. ടോട്ടൻഹാമി​െൻറ ഹ്യൂഗോ ലോറിസാണ്​ ലോകകപ്പിലെന്ന പോലെ ഗോൾവല കാക്കുന്നതും ടീമിനെ നയിക്കുന്നതും. നിലവിലെ ജേതാക്കളായ പോർച്ചുഗലും ജർമനിയും ഹംഗറിയുമടങ്ങുന്ന മരണഗ്രൂപ്പിലാണ്​ ​ഫ്രാൻസുള്ളത്​ എന്നതിനാൽ, ലോകകപ്പിനെക്കാളും ദുഷ്​കരമാകും ഫ്രാൻസിന്​ ഇക്കുറി യൂറോ.

സുവർണ ബെൽജിയം

ഫിഫ റാങ്കിങിൽ ഒന്നാം സ്​ഥാനത്ത്​ തുടരുന്ന ബെൽജിയത്തിന്​ ഇത്തവണ കപ്പിൽ കുറഞ്ഞ ലക്ഷ്യങ്ങളില്ല. 2018 ലോകകപ്പിൽ നന്നായി കളിച്ചിട്ടും മൂന്നാം സ്​ഥാനം കൊണ്ട്​ തൃപ്​തിപ്പെടണ്ടേ വന്നവരാണ്​ അവർ. സെമിയിൽ ഫ്രാൻസിനോട്​ ഒറ്റഗോളിന്​ വീണുപോയി അവർ. ലോകകപ്പിലെ മിന്നും പ്രകടനത്തിലേക്ക്​ ടീമിനെ നയിച്ച സുവർണ തലമുറ തന്നെയാണ്​ യൂറോ കപ്പിലും ടീമിനെ മുന്നിൽനിന്ന്​ നയിക്കുന്നത്​. 1980 ലെ രണ്ടാം സ്​ഥാനമാണ്​ യൂറോയിലെ ടീമി​െൻറ എടുത്തുപറയാവുന്ന നേട്ടം.

ടീമിലെ എല്ലാവരും അവരവരുടെ ലീഗിലെ മികവുറ്റ താരങ്ങളാണ്​. മാഞ്ചസ്​റ്റർ സിറ്റിയെ ഇക്കുറി പ്രീമിയർ ലീഗ്​ കിരീടത്തിലേക്കും ചാമ്പ്യൻസ്​ലീഗ്​ ഫൈനലിലേക്കും എത്തിക്കുന്നതിൽ നിർണായക പങ്കുവഹിച്ച കെവിൻ ഡിബ്രൂയ്​നെ ആണ്​ ടീമി​െൻറ കരുത്തും കരളും. ഒരേ സമയം കളി മെനയാനും അവസരങ്ങൾ സൃഷ്​ടിക്കാനും അവശ്യഘട്ടത്തിൽ ഗോളും അസിസ്​റ്റും കണ്ടെത്താനും ഡ്രിബ്രൂയ്​നെക്ക്​ സാധിക്കുന്നു. പ്രീമിയർ ലീഗിൽ ആറു ഗോളും 12 അസിസ്​റ്റുകളും കണ്ടെത്തിയ താരം ചാമ്പ്യൻസ്​ലീഗ്​ ഫൈനലിൽ പരിക്കേറ്റ്​ പുറത്തായിരുന്നു.

പരിക്ക്​ സാരമുള്ളതല്ലെന്നും താരം ടീമിനൊപ്പം ചേരുമെന്നുമാണ്​ ഒടുവിൽ ലഭിക്കുന്ന വിവരം. ഇറ്റാലിയൻ സീരി എയിൽ മിന്നും ഫോമിലുള്ള റൊമേലു ലുക്കാക്കുവാണ്​ മറ്റൊരു പ്രമുഖൻ. സീരി എയിലെ പോയ സീസണിലെ ഏറ്റവും മികച്ച താരമായി തെരഞ്ഞെടുക്കപ്പെട്ടത്​ ലുക്കാക്കുവാണ്​. ലോകകപ്പിൽ ബെൽജിയത്തി​െൻറ ന​െട്ടല്ലായിരുന്ന ഏദൻ ഹസാഡ്​ ഇക്കുറി ടീമിനൊപ്പമുണ്ടെങ്കിലും പരിക്കും ഫോമില്ലായ്​മയും താരത്തെ അലട്ടുന്നുണ്ട്​.

റയലിൽ ഹസാഡി​െൻറ സഹതാരവും ലോകകപ്പിലെ ഗോൾഡൻ ഗ്ലൗ ജേതാവുമായ ടിബോ കോർ​േട്ടാ എന്ന വൻമരം ഗോൾവല കാക്കാനെത്തു​േമ്പാൾ പരിശീലകൻ റോബർ​േട്ടാ മാർട്ടിനസിന്​ അധികം സമ്മർദം അനുഭവിക്കേണ്ടി വരില്ല. യൂറോ യോഗ്യത മത്സരങ്ങളിൽ പത്തിൽ പത്തു കളികളും ജയിച്ച ടീം അടിച്ചുകൂട്ടിയത്​ നാൽപത്​ ഗോളുകളാണ്​. വഴങ്ങിയതാവ​െട്ട മൂന്നേ മൂന്ന്​ ഗോളുകൾ മാത്രവും. ഗ്രൂപ്പ്​ ബിയിൽ ഡെൻമാർക്ക്​, ഫിൻലാൻഡ്​, റഷ്യ ടീമുകളാണ്​ ബെൽജിയത്തിന്​ എതിരാളികളായുള്ളത്​. അതിനാൽ തന്നെ ടീമിനെ സംബന്ധിച്ച്​ ഗ്രൂപ്പ്​ ഘട്ടം അത്ര വലിയ വെല്ലുവിളിയല്ല.

CR 7നും പോർച്ചുഗലും

ഇതിഹാസ താരം ക്രിസ്​റ്റ്യാനോ റൊണോൾഡോയുടെ അവസാന യൂറോകപ്പാകുമോ 2021 ലേത്​ ? ക്രിസ്​റ്റ്യാനോ ആയുതുകൊണ്ട്​ ഒന്നും പറയാൻ പറ്റില്ല എന്ന​െ​തത്രെ സത്യം. റോണോ അടുത്ത യൂറോ കളിച്ചാലും ഇല്ലെങ്കിലും ഇത്തവണ കിരീടം നിലനിർത്തുക എന്നതിൽ കവിഞ്ഞ ലക്ഷ്യങ്ങളൊന്നും പറങ്കിപ്പടക്കില്ല. പ്രഥമ യുവേഫ നാഷൻസ്​ ലീഗ്​ കിരീടം കൂടി ഷെൽഫിലെത്തിച്ചതി​െൻറ ആത്​മവിശ്വാസം അവർക്കുണ്ട്​.

ക്രിസ്​റ്റ്യാനോയുടെ മികവിനൊപ്പം ഫെർണാണ്ടോ സാ​േൻറാസ്​ എന്ന സൂപ്പർ പരിശീലക​െൻറ തന്ത്രങ്ങൾ കൂടി ചേരു​േമ്പാൾ പോർച്ചുഗീസുകാർക്ക്​ ആത്മവിശ്വാസം വർധിക്കും. 2014 മുതൽ ടീമിനെ പരിശീലിപ്പിക്കുന്നത്​ ​സാ​േൻറാസ്​ ആണ്​. ക്രിസ്​റ്റ്യാനോ എന്ന ഒറ്റൊരാളിൽ കേന്ദ്രീകരിച്ച്​ മുന്നേറിയിരുന്ന പോർച്ചുഗൽ സംഘത്തെ ഒത്തിണക്കമുള്ള ടീമായി പരിവർത്തിപ്പിച്ചത്​ അദ്ദേഹമായിരുന്നു. യുവേഫ നാഷൻസ്​ ലീഗിൽ ക്രിസ്​റ്റ്യാനോ ഇല്ലാതെയാണ്​ ടീം സെമി വരെയെത്തിയത്​. റൊണോൾഡോക്കൊപ്പം ജാവോ ഫെലിക്​സ്​, ഡിയാഗോ ജോട്ട, ആന്ദ്രെ സിൽവ എന്നിവരടങ്ങുന്ന മുന്നേറ്റനിര ശക്​തം.

യുനൈറ്റഡിനായി കളിമെനയുന്നതിൽ മുഖ്യ പങ്കുവഹിക്കുന്ന ബ്രൂണോ ഫെർണാണ്ടസ്​, മാഞ്ചസ്​റ്റർ സിറ്റിയിൽ പ​ഴയ ഫോമില്ലെങ്കിലും നന്നായി കളിക്കുന്ന ബെർണാഡോ സിൽവ, വില്യം കാർവാലോ, ഡാനിലോ പെരേര, ജാവോ മുട്ടീന്യോ, റെനാറ്റോ സാഞ്ചസ്​ എന്നിവരടങ്ങിയ മധ്യനിര കരുത്തർ തന്നെ.

പ്രതിരോധത്തിൽ ഇളകാപാറയായി തുടരുന്ന വെറ്ററൻ പെപ്പെയുടെ സാന്നിധ്യം ഇക്കുറിയും ടീമിനൊപ്പമുണ്ട്​. ഒപ്പം പ്രീമിയർ ലീഗിൽ ഇത്തവണ ഏറ്റവും മികച്ച താരമായി തിരഞ്ഞെടുക്കപ്പെട്ട റൂബൻ ഡയസ്​ കൂടി ചേരു​േമ്പാൾ പ്രതിരോധം കനക്കും. ​ക്രിസ്​റ്റ്യാനോ റൊണോൾഡോക്ക്​ ശേഷം ഇതാദ്യമായാണ്​ ഇൗ പുരസ്​കാരം ഒരു പോർച്ചുഗൽ താരത്തെ തേടിയെത്തുന്നത്​. ​ബാഴ്​സലോണയിൽനിന്ന്​ കഴിഞ്ഞ സീസണിൽ പ്രീമിയർ ലീഗിലെ വൂൾവ്​സിലേക്ക്​ കൂട്​ മാറിയ നെൽസെൺ സെമേഡോ, ജാവോ കാൻസലോ, റഫേൽ ഗരീറോ തുടങ്ങിയവർ ഉൾപ്പെടുന്ന പ്രതിരോധ നിരയും മികവുറ്റവർ തന്നെ.

റൂയി പാട്രീഷ്യയാകും ഒന്നാം ഗോൾകീപ്പർ. പക്ഷേ, ഫ്രാൻസും ജർമനിയും ഹംഗറിയുമടങ്ങുന്ന ഗ്രൂപ്​ എഫിലെ മരണപോരുകൾ കടന്ന്​ നോക്കൗട്ടിൽ കടക്കുക എന്നതാകും ടീമി​െൻറ വെല്ലുവിളി. കഴിഞ്ഞ ദിവസം സ്​പെയിനെതിരായ സന്നാഹ മത്സരത്തിലെ ദയനീയ പ്രകടനം ആരാധകർക്ക്​ വലിയ ഷോക്കാണ്​ നൽകിയത്​. ഇതിനെ മറികടന്ന്​ ടീം മുന്നേറുമെന്നാണ്​ പ്രതീക്ഷ.

സ്​പെയിനി​െൻറ പുതുനിര

കഴിഞ്ഞ ഒരു പതിറ്റാണ്ടിലധികമായി സ്​പാനിഷ്​ ടീമി​െൻറ പ്രതിരോധക്കോട്ട കാത്ത നായകൻ സെർജിയോ റാമോസില്ലാതെയാണ്​ ലൂയി എൻറിക്വെയുടെ പരിശീലകത്വത്തിൽ സ്​പെയിൻ യ​ൂറോക്ക്​ എത്തുന്നത്​. ഇടക്കാലത്ത്​ വ്യക്​തിപരമായ കാരണങ്ങളാൽ പരിശീലക സ്​ഥാനം ഒഴിഞ്ഞ എൻറിക്വെ തിരിച്ചുവന്ന ശേഷം യുവനിരക്ക്​ പ്രാധാന്യം നൽകിയുള്ള ടീമിനെ വാർത്തെടുക്കാനാണ്​ ശ്രമിച്ചത്​. കഴിഞ്ഞ ദിവസം പോർച്ചുഗലിനെതിരെ നടന്ന സന്നാഹ മത്സരത്തിൽ അത്​ കാണുകയും ചെയ്​തു.

ക്രിസ്​റ്റ്യാനോ റെണാൾഡോ നയിച്ച നിലവിലെ ജേതാക്കൾ കൂടിയായ പോർച്ചുഗലിന്​ പന്തുതൊടാൻ പോലും അവസരം നൽകാതെയാണ്​ സ്​പെയിനി​െൻറ പുതുനിര കളി നയിച്ചത്​. മികച്ച മുന്നേറ്റങ്ങൾ നടത്താനായെങ്കിലും ഒന്നുപോലും ലക്ഷ്യത്തിലെത്തിക്കാൻ മുന്നേറ്റ നിരക്ക്​ സാധിച്ചില്ല എന്ന പരിമിതിയുമുണ്ട്​. ബാഴ്​സലോണക്കെന്ന പോലെ സ്​പെയിനി​െൻറയും പവർ എഞ്ചിൻ മധ്യനിരയിൽ കളി മെനയുന്ന സെർജി ബുസ്​ക്വിറ്റ്​സ്​ എന്ന ഭാവനാസമ്പന്നൻ ആണ്​. എങകിലും ടൂർണമെന്‍റിന്​ കിക്കോഫുയരും മു​േമ്പ ബുസ്​ക്വിറ്റ്​സിന്​ കോവിഡ്​ ബാധിച്ചത്​ ടീമിനെ ആശങ്കയിലേക്ക്​ നടത്തിയിട്ടുണ്ട്​.

യൂറോയിലും ബുസ്​കി സ്​പാനിഷ്​ പടയുടെ മധ്യനിര നിയന്ത്രിച്ചേക്കും. ആൽവാരോ മൊറാട്ടയും ജേറാദ്​ മൊറീന്യോയും നയിക്കുന്ന മുന്നേറ്റ നിര ഗാലറിയിൽ ഒാളങ്ങൾ സൃഷ്​ടിക്കാൻ പോന്നവരാണ്​. പ്രതിരോധത്തിൽ ബാഴ്​സലോണ അടുത്തിടെ സൈൻ ചെയ്​ത എറിക്ക്​ ഗാർഷ്യ, ബാഴ്​സയുടെ തന്നെ ജോർഡി ആൽബ, ചാമ്പ്യൻസ്​ലീഗ്​ കിരീട മികവിലെത്തുന്ന സെസാർ ആസ്​പിലിക്യൂയേറ്റ എന്നിവരുണ്ടാകും. ഉനായ്​ സിമോനോ പരിചയസമ്പന്നനായ ഡേവിഡ്​ ഡി ഗിയയോ ഗോൾവല കാക്കും. ഗ്രൂപ്പ്​ 'ഇ' യിൽ സ്​ലോവാക്യ, പോളണ്ട്​, സ്വീഡൻ എന്നീ ടീമുകളാണ്​ എതിരാളികൾ.

അഭിമാനം തിരിച്ചുപിടിക്കാൻ അസൂറിപ്പട

2006 ലോകജേതാക്കളായ ഇറ്റലി അപമാനത്തി​െൻറ പടുകുഴിയിൽനിന്നാണ്​ തിരിച്ചുവരവിനൊരുങ്ങുന്നത്​. 2018 ലെ ലോകകപ്പിന്​ യോഗ്യത പോലും നേടാനാകാതെ പോയ ആ ഇറ്റലിയല്ല ഇക്കുറി യൂറോക്കിറങ്ങുന്നത്​. ​േറാബർ​േട്ടാ മാൻസീനിക്ക്​ കീഴിൽ അടിമുടി പൊളിച്ചുവാർക്കൽ ടീമിനകത്ത്​ നടന്നു. ​യൂറോ യോഗ്യത മത്സരങ്ങളിലെ ടീമി​െൻറ പ്രകടനം വിലയിരുത്തിയാൽ മതി അത്​ മനസ്സിലാകാൻ. പത്തിൽ പത്തും ജയിച്ചാണ്​ അവർ യൂറോക്കെത്തുന്നത്​.

ഇൗ വർഷം നടന്ന ലോകകപ്പ്​ യോഗ്യത മത്സരങ്ങളിലും വിജയക്കുതിപ്പ്​ തുടർന്നു. ലാസിയോയുടെ ഗോളടിയന്ത്രം സീറോ ഇമ്മോബിലെ, യുവൻറസി​െൻറ ​ഫെഡറിക്കോ കിയേസ, നാപോളിയുടെ ലോറെൻസോ ഇൻസീനേ എന്നിവരാണ്​ മുന്നേറ്റത്തിൽ ടീമി​െൻറ കരുത്ത്​. പ്രതിരോധത്തിൽ പരിചയസമ്പന്നരായ ലിയനാഡോ ബൊനൂച്ചി, ജിയോർജിയോ ചെല്ലീനി എന്നിവർക്കൊപ്പം ​േഫ്ലാറൻസിയും എമേഴ്​സണും അണിനിരന്നേക്കും. ജോർജീന്യോയും മാർക്കോ വെറാട്ടിയും ഒരുമിക്കുന്ന മധ്യനിര മികവ്​ നിലനിർത്തുമെന്നാണ്​ ആരാധകരുടെ പ്രതീക്ഷ. സീരി എയിലെ മികച്ച ഗോൾകീപ്പറായി തെരഞ്ഞെടുക്കപ്പെട്ട എ.സി മിലാ​െൻറ ഡോണറുമ്മ ആകും ഗോൾവല കാക്കുക.

പ്രീമിയർ ഇംഗ്ലണ്ട്​

പ്രീമിയർ ലീഗ്​ താരങ്ങളുടെ ആധിക്യം കൊണ്ട്​ മിന്നുന്ന ടീമാണ്​ ഇംഗ്ലണ്ട്​. കഴിഞ്ഞ യൂറോയിൽ പ്രീ കോർട്ടറിൽ ദുർബലരായ ​െഎസ്​ലൻറിനോട്​ ഏറ്റ തോൽവി ചില്ലറ നാണക്കേടൊന്നുമല്ല ടീമിനുണ്ടാക്കിയത്​. രണ്ട്​ വർഷത്തിന്​ ശേഷം വന്ന ലോകകപ്പിൽ പക്ഷേ, ടീം സെമി വരെ മുന്നേറി. ലോകകപ്പിൽ ടോപ്​സ്​കോറായ ഹാരി കെയ്​ൻ തന്നെയാണ്​ ഗാരെത്​ സൗത്ത്​ഗേറ്റ്​ പരിശീലിപ്പിക്കുന്ന ടീമി​െൻറ നായകൻ. ഇംഗ്ലീഷ്​ പ്രീമിയർ ലീഗിൽ ടോട്ടൻഹാം കുപ്പായത്തിൽ ടോപ്​സ്​കോററും ടോപ്പ്​ അസിസ്​റ്റ്​ പ്രൊവൈഡറുമായി (23 ഗോൾ, 14 അസിസ്​റ്റ്​) മിന്നും ​േഫാമിലാണ്​ നായകൻ.

മിന്നും ഫോമിലുള്ള സിറ്റിയുടെ ഫിൽ ഫോഡൻ, സിറ്റിയുടെ റഹീം സ്​റ്റർലിങ്​, യുനൈറ്റഡി​െൻറ മാർകോസ്​ റാഷ്​ഫോഡ്​ എന്നിവരും കെയ്​നിനൊപ്പമുണ്ടാകും. മധ്യനിരയിൽ ലിവർപൂളി​െൻറ നായകൻ ജോർദൻ ഹെൻഡേഴ്​സൻ, മേസൻ മൗണ്ട്​ എന്നിവരുണ്ട്​. പിന്നിൽ ഉറച്ച കോട്ട തീർക്കാൻ ഹാരി മഗ്വയറും അലക്​സാണ്ടർ ആർനോൾഡും കൈൽ വാക്കറും അടക്കമുള്ള താരനിര. ജോർദാൻ പിക്​​േഫാർഡ് തന്നെയാകും​ വല കാക്കാൻ സാധ്യത. സൗത്​ഗേറ്റിന്‍റെ കീഴിലെത്തുന്ന ഇംഗ്ലണ്ട്​ കിരീടത്തിൽ കുറഞ്ഞതൊന്നും പ്രതീക്ഷിക്കുന്നില്ല. ഗ്രൂപ്പ്​ ഡിയിൽ കരുത്തരായ ക്രെയേഷ്യ, സ്​കോട്ട്​ലൻറ്​, ചെക്ക്​ റിപ്പബ്ലിക്​ എന്നിവരാണ്​ ഇംഗ്ലണ്ടി​െൻറ എതിരാളികൾ.

പ്രതാപം വീണ്ടെടുക്കാൻ ജർമനി

2014 ലെ ലോക ​ജേതാക്കൾക്ക്​ ഇതത്ര നല്ലകാലമല്ല. മാത്രമല്ല, പോയ വർഷം യുവേഷ നാഷൻസ്​ ലീഗിൽ സ്​പെയിനോട് ഏകപക്ഷീയമായ ആറ്​ ഗോളിന്​ തോറ്റത്​ ടീമിനും ആരാധകർക്കും വലിയ നോവാണ്​ സമ്മാനിച്ചത്​. ശേഷം ലോകകപ്പ്​ യോഗ്യത റൗണ്ടിൽ നോർത്ത്​ മാസിഡോണിയയോട്​ തോൽക്കുകയും ചെയ്​തു. യൂറോ കപ്പിലാക​െട്ട, മരണഗ്രൂപ്പായ എഫിൽ ഫ്രാൻസിനോടും പോർച്ചുഗലിനോടും ഹംഗറിയോടുമാണ്​ ടീമിന്​ എതി​രിടേണ്ടത്​.

ടീം എന്ന നിലക്ക്​ കാര്യങ്ങൾ അത്ര ശുഭകരമല്ലെങ്കിലും കളിക്കാ​െര ഒരോരുത്തരെയും എടുത്ത്​നോക്കിയാൽ ആരും ചില്ലറക്കാരല്ല. 2014 ൽ ലോകജേതാക്കളായപ്പോൾ ടീമിലുണ്ടായിരുന്ന ക്യാപ്​റ്റൻ മാനുവൽ നോയർ, തോമസ്​ മുള്ളർ, ടോണി ക്രൂസ്, മാറ്റ്​ ഹമ്മൽസ്​ തുടങ്ങിയവരെല്ലാം കരിയറി​െൻറ വിടവാങ്ങൽ ഘട്ടത്തിലാണ്​. എങ്കിലും കളി മികവിൽ പോയ സീസണിൽ ആരും പിന്നിലായിരുന്നില്ല. മുന്നേറ്റത്തിൽ സെർജി ഗനാബ്രിയും ചാമ്പ്യൻസ്​ ലീഗ്​ കിരീട തിളക്കത്തിൽ എത്തുന്ന ടിമോ വെർണറും ലോറി സനെയുമെല്ലാം പ്രതീക്ഷ നൽകുന്നുണ്ട്​.

ടീം ജയിച്ചാലും തോറ്റാലും ജർമനി കടുത്ത ഒരു മാറ്റത്തിലേക്ക്​ കലെടുത്തുവെക്കുകയാകും യൂറോ കഴിയുന്നതോടെ. ഒന്നരപ്പതിറ്റാണ്ടായി ടീമിനെ പരിശീലിപ്പിക്കുന്ന യോക്കിം ലോയുടെ അവസാന ടൂർണമൻറ്​ ആണിത്​. യൂറോ കിരീടത്തിൽ കുറഞ്ഞ വിടവാങ്ങൽ സമ്മാനം ​ലോ അർഹിക്കുന്നില്ല എന്നാകും ജർമൻ ആരാധകർ പറയുക. ബയേണിനെ തുടർകിരീടങ്ങളിലേക്ക്​ നയിച്ച ഹാൻസ്​ ഫ്ലിക്ക്​ ആണ്​ ടീമി​െൻറ പുതിയ കോച്ച്​ ആയി വരുന്നത്​. ഫ്ലിക്ക്​ ത​െൻറ ടീമിനൊപ്പമുള്ള പദ്ധതി രൂപപ്പെടുത്തുന്നതും ഇൗ ടൂർണമൻറിനെ മുൻനിർത്തിയാകും.

നെതർലാൻഡ്​സും ക്രൊയേഷ്യയും

കിരീട പ്രതീക്ഷകൾ പങ്കുവെക്കുന്ന ടീമുകളാണ്​ നെതർലൻഡ്​സും ക്രൊയേഷ്യയും. പ്രഥമയുവേഫ നാഷൻസ്​ ലീഗിലെ റണ്ണേഴ്​സ്അപ്പ്​​ ആയ നെതർലാൻഡ്​സി​െൻറ സമീപ കാല പ്രകടനം ഭേദപ്പെട്ടത്​ എന്നേ പറയാനാകൂ. 2014 ലോകകപ്പിനും 2016 യൂറോക്കും യോഗ്യത നേടാൻ പോലും സാധിക്കാതെ അപമാനത്തി​െൻറ പടുകുഴിയിൽ ആയിരുന്ന ഒാറഞ്ച്​ പടയെ പുതുക്കിപ്പണിതത്​ റൊണാൾഡ്​ കൂമാൻ എന്ന പരിശീലകനായിരുന്നു.

ആര്യൻ റോബനും സ്​നൈഡറും അടക്കമുള്ള സുവർണ തലമുറയുടെ സമ്പൂർണ പടിയിറക്കത്തോടെ കടന്നുവന്ന യുവനിരയുടെ കുരത്തിൽ ടീം പ്രഥമ യ​ുവേഫ നേഷൻസ്​ ലീഗ്​ ഫൈനൽ വരെ കുതിച്ചെത്തി. അവിശ്വസനീയ തിരിച്ചുവരവായിരുന്നു അത്​. പക്ഷേ, കൂമാ​െൻറ ബാഴ്​സയിലേക്കുള്ള കൂടുമാറ്റം ഡച്ച്​ പടക്ക്​ ആ ​േഫ്ലാ നഷ്​ടപ്പെടുത്തി. ശേഷമുള്ള മത്സരങ്ങൾ അതി​െൻറ തെളിവാണ്​. ലോകകപ്പ്​ യോഗ്യത മത്സരത്തിൽ തുർക്കിയോട്​ 4^2 ന്​ തോറ്റതും അതിൽപെടും. വെർ​ജിൽ വാൻഡൈക്ക്​ എന്ന പ്രതിരോധത്തിലെ വമ്പ​െൻറ അസ്സാന്നിധ്യമാണ്​ ടീമിനെ ഇക്കുറി ഏറെ അലോസരപ്പെടുത്തുന്നത്​. പരിക്ക്​ മൂലമാണ്​ വാൻഡൈക്ക്​ സ്​ക്വാഡിലില്ലാത്തത്​.

ക്ലബിനും രാജ്യത്തിനുമായി ഉജ്ജ്വല ഫോമിലുള്ള ​ലിയോണി​െൻറ െമംഫിസ്​ ഡീപോയൊണ്​ ടീമി​െൻറ പ്രധാന കരുത്ത്​. മധ്യനിരയിൽ ബാഴ്​സലോണയുടെ ഫ്രാങ്കി ഡിയോങും ജോർജിന്യോ വിനാൾഡവും അടക്കമുള്ളവർ കളി മെനയാൻ മിടുക്കരാണ്​. പ്രതിരോധത്തിൽ യുവൻറസി​െൻറ മത്യാസ്​ ഡിലിറ്റും ഒാവൻ വിൻഡൽ അടക്കമുള്ളവർ നല്ല പ്രകടനം പുറത്തെടുത്താൽ എതിർ ടീം നന്നായി വിയർക്കും. ഫ്രാങ്ക്​ ഡിബോയർ ആണ്​ കോച്ച്​. 1988 ലെ യൂറോ ജേതാക്കളാണ്​ നെതർലാൻഡ്​സ്​. ഗ്രൂപ്പ്​ സിയിൽ യുക്രെയ്​നും ഒാസ്​ട്രിയയും നോർത്ത്​ മാസിഡോണിയയുമാണ്​ ഡച്ചുകാരുടെ എതിരാളികൾ.

ലോകകപ്പ്​ ഫൈനലിലെ നഷ്​ടത്തിന്​ യൂറോ കപ്പ്​ കൊണ്ട്​ പരിഹാരം കണ്ടെത്തുക എന്ന ലക്ഷ്യവുമായാണ്​ ലൂക്കാ മോഡ്രിച്ചി​െൻറ നേതൃത്വത്തിൽ ക്രൊയേഷ്യൻ സംഘം എത്തുന്നത്​. യൂറോ കപ്പിൽ ക്വാർട്ടറിനപ്പുറം കടക്കാൻ ഇതുവരെ യോഗമുണ്ടായിട്ടില്ല ടീമിന്​. 2018​ ലെ പോലെ റയൽമാഡ്രിഡി​െൻറ ലൂക്കാ മോഡ്രിച്ച്​ തന്നെയാണ്​ ടീമി​െൻറ കരുത്ത്​. ലോകകപ്പ്​ ടീമിലുണ്ടായിരുന്ന ​ഇവാൻ റാക്കിടിച്ചും മരിയോ മൻസൂക്കിച്ചും ദേശീയ ടീമിൽനിന്ന്​ വിരമിച്ചു. സിമെ വ്രസാൽകോ, ദെജാൻ ലോവ്​റെൻ, ദൊമഗോജ്​ വിദ, ഇവാൻ പെരിസരിച്ച്​, മാറ്റിയോ കൊവാസിച്ച്​ തുടങ്ങിയ താര നിര ടീമിലുണ്ട്​. ലോകകപ്പിൽ ടീമിനെ പരിശീലിപ്പിച്ച സ്ലാറ്റ്​കോ ദാലിച്ച്​ തന്നെയാണ്​ ലോക റാങ്കിങിൽ 14ാം സ്​ഥാനത്തുള്ള ടീമിനെ പരിശീലിപ്പിക്കുന്നത്​. ലോകകപ്പ്​ സെമിയിലെ പോലെ ഇംഗ്ലണ്ട്​ ആണ്​ ഗ്രൂപ്പ്​ ഡിയിലെ പ്രധാന എതിരാളികൾ. ചെക്ക്​ റിപ്പബ്ലിക്കും സ്​കോട്ട്​ലാൻറുമാണ്​ മറ്റു ഗ്രൂപ്പ്​ അംഗങ്ങൾ.

ആരെയും എഴുതിത്തള്ളാനാവില്ല

കിരീട സാധ്യത കൂടുതലും മേൽപറഞ്ഞ ടീമുകൾക്കെന്ന്​ പറയു​േമ്പാഴും മറ്റു ചില ടീമുകളെയും എഴുതിത്തള്ളാനാവില്ല. അത്​ഭുതകരമായ കുതിപ്പ്​ നടത്താൻ കെൽപ്പുള്ള ടീമുകൾ വേറെയുമുണ്ട്​. ലോകറാങ്കിങിൽ പത്താം സ്​ഥാനത്തുള്ള ഡെൻമാർക്ക്​ ആണ്​ അതിൽ പ്രധാനി. 1992 യൂറോ കിരീടം നേടി യൂറോപ്പിനെ ഞെട്ടിച്ചവരാണ്​ ഡാനിഷ്​ പട. ടൂർണമൻറിന്​ 10 ദിവസം മുന്നെ യൂഗോസ്ലാവിയക്ക്​ പകരമായി എത്തിയ ടീമായിരുന്നു അന്ന്​ ഡെൻമാർക്ക്​. പ​​ക്ഷേ, ആ പാരമ്പര്യം തുടർന്നുവന്നവർക്ക്​ നിലനിർത്താനായില്ല. ഇൻറർമിലാ​െൻറ മിഡ്​ഫീൽഡർ ക്രിസ്​റ്റ്യൻ എറിക്​സൺ, ബാഴ്​സലോണയുടെ സ്​ട്രൈക്കർ മാർട്ടിൻ ബ്രാത്ത്​വൈറ്റ്​ പോലുള്ള പ്രമുഖർ കാസ്​പർ ജുൽമാൻഡ്​ പരിശീലിപ്പിക്കുന്ന ടീമിലുണ്ട്​. യുവേഫ നാഷൻസ്​ ലീഗി​െൻറ സെമി ഫൈനലിസ്​റ്റുകളായ സ്വിറ്റ്​സർലാൻഡ്​ ആണ്​ ഇൗ ഗണത്തിൽ പെടുത്താവുന്ന മറ്റൊരു ടീം.

2002 ലോകകപ്പിൽ സെമി വരെ നീണ്ട അത്​ഭുതക്കുതിപ്പ്​ നടത്തിയ തുർക്കി സമീപകാലത്ത്​ മികച്ച പ്രകടനം പുറത്തെടുത്ത ടീമാണ്​. പോയ യൂറോയിൽ സെമി ഫൈനലിൽ എത്തി ഞെട്ടിച്ച ടീമാണ്​ ഗാരെത്​ ബെയ്​ലി​െൻറ കരുത്തിലെത്തുന്ന വെയ്​ൽസ്​. സ്വിറ്റ്​സർലാൻഡും തുർക്കിയും വെയ്​ൽസും പക്ഷേ, പോരടിക്കുന്നത്​ ഗ്രൂപ്പ്​ എയിലാണ്. ലോകകപ്പിലും യൂറോ കപ്പിലുമെല്ലാം മിനിമം ഗ്യാരൻറി പെർഫോമൻസ്​ പുറത്തിറക്കാറുള്ള സ്വീഡൻ, റോബർട്ട്​ ലെവൻഡോസ്​കിയുടെ ഒറ്റയാൾ കരുത്തിലെത്തുന്ന പോളണ്ട്​ ടീമുകളും ക്വാർട്ടർ വരെയെങ്കിലും മുന്നേറാൻ കരുത്തുള്ളവരാണ്​. ഇവിരിലൊന്നും പെടാത്ത ഒരു ടീം അസാധ്യ മുന്നേറ്റം നടത്തിയാലും ഞെ​േട്ടണ്ടതില്ല. ആർക്കും എന്തും സംഭവിക്കാം, യൂറോയുടെ ചരിത്രം പറയുന്നത്​ അതാണ്​. ശൂന്യതയിൽ നിന്നും കിരീടത്തിൽ മുത്തമിട്ട 2004ലെ ഗ്രീസിനെ എങ്ങനെ മറക്കും.