ക​ളി​ക്കോ​പ്പ​യി​ൽ കൊ​ടു​ങ്കാ​റ്റ്; യൂ​റോ​യി​ൽ തീ​ച്ചൂ​ട്

ലോ​ക ഫു​ട്ബാ​ളി​ലെ വ​ൻ​ക​ര​പ്പോ​രു​ക​ളി​ൽ ഇ​നി തീ​പാ​റും. യൂ​റോ ക​പ്പും കോ​പ അ​മേ​രി​ക്ക​യും അ​വ​സാ​ന എ​ട്ടി​ലേ​ക്ക് ക​ട​ന്നു. നാ​ളെ മു​ത​ലാ​ണ് ക്വാ​ർ​ട്ട​ർ ഫൈ​ന​ൽ മ​ത്സ​ര​ങ്ങ​ൾ. ര​ണ്ട് ഭൂ​ഖ​ണ്ഡ​ങ്ങ​ളും ചേ​ർ​ന്ന് ഇ​നി ഫു​ട്ബാളിലെ​ എ​ട്ടാം വ​ൻ​ക​ര​യാ​വു​ന്ന കാഴ്ചകളിലേക്ക് കൺതുറക്കാം

വാ​ഷി​ങ്ട​ൺ: ബ്ര​സീ​ൽ, അ​ർ​ജ​ന്റീ​ന, കൊ​ളം​ബി​യ, ഉ​റു​ഗ്വാ​യ് എ​ന്നി​ങ്ങ​നെ പ്ര​മു​ഖ​ർ​ക്ക് കാ​ര്യ​മാ​യ സ്ഥാ​ന​ച​ല​നം സം​ഭ​വി​ക്കാ​തെ കോ​പ അ​മേ​രി​ക്ക​യി​ൽ ക്വാ​ർ​ട്ട​ർ ഫൈ​ന​ലു​ക​ൾ​ക്ക് നാ​ളെ സ​മാ​രം​ഭം. ആ​തി​ഥേ​യ​രാ​യ യു.​എ​സ് നേ​ര​ത്തേ മ​ട​ങ്ങി​യെ​ന്ന​ത് മാ​ത്ര​മാ​ണ് കാ​ര്യ​മാ​യ അ​പ​വാ​ദം.

ബ്ര​സീ​ൽ Vs ഉ​റു​ഗ്വാ​യ്

മാ​ഴ്സ​ലോ ബി​യ​ൽ​സ​ക്കു കീ​ഴി​ൽ ക​ടു​പ്പം കൂ​ട്ടി​യ ഉ​റു​ഗ്വാ​യി​യോ​ട് മു​ഖാ​മു​ഖം വ​രു​മ്പോ​ൾ ഏ​തു ടീ​മും ഒ​ന്ന് വി​റ​ക്കും. ഗ്രൂ​പ് ഘ​ട്ട​ത്തി​ൽ ബൊ​ളീ​വി​യ​യെ എ​തി​രി​ല്ലാ​ത്ത അ​ഞ്ചു ഗോ​ളി​നാ​ണ് ടീം ​മു​ക്കി​യി​രു​ന്ന​ത്. പാ​ന​മ​ക്കെ​തി​രെ 3-1നും ​യു.​എ​സി​നെ ഏ​ക​പ​ക്ഷീ​യ​മാ​യ ഒ​രു ഗോ​ളി​നും വീ​ഴ്ത്തി​യ​വ​ർ. മ​റു​വ​ശ​ത്ത്, പാ​ന​മ​യെ വ​ൻ മാ​ർ​ജി​നി​ൽ മ​റി​ക​ട​ന്നെ​ങ്കി​ലും കോ​സ്റ്റ​റീ​ക, കൊ​ളം​ബി​യ എ​ന്നി​വ​ർ​ക്കെ​തി​രെ സ​മ​നി​ല​യു​മാ​യി ര​ക്ഷ​പ്പെ​ട്ടാ​ണ് ബ്ര​സീ​ൽ നോ​ക്കൗ​ട്ട് ക​ളി​ക്കാ​നി​റ​ങ്ങു​ന്ന​ത്.

വെ​നി​സ്വേ​ല Vs കാ​ന​ഡ

ക​ണ​ക്കു​ക​ൾ ഒ​പ്പം നി​ൽ​ക്കു​ന്ന​ത് ഗ്രൂ​പ് ബി ​ചാ​മ്പ്യ​ന്മാ​രാ​യ വെ​നി​സ്വേ​ല​ക്കൊ​പ്പം. മൂ​ന്നു ക​ളി​ക​ളും ജ​യി​ച്ചാ​ണ് ടീം ​നോ​ക്കൗ​ട്ടി​ലെ​ത്തു​ന്ന​ത്. ആ​റു​ ഗോ​ളു​ക​ൾ എ​തി​ർ വ​ല​യി​ൽ അ​ടി​ച്ചു​ക​യ​റ്റി​യ​വ​ർ ഒ​റ്റ ഗോ​ൾ മാ​ത്ര​മാ​ണ് വ​ഴ​ങ്ങി​യ​ത്. അ​ത്ര ആ​ശാ​സ്യ​മ​ല്ല കാ​ന​ഡ​യു​ടെ വി​ശേ​ഷ​ങ്ങ​ൾ.

അ​ർ​ജ​ന്റീ​ന​ക്കു മു​ന്നി​ൽ എ​തി​രി​ല്ലാ​ത്ത ര​ണ്ടു ഗോ​ളി​ന് മു​ട്ടു​മ​ട​ക്കി​യ ടീം ​ചി​ലി​​ക്കു മു​ന്നി​ൽ ഗോ​ൾ​ര​ഹി​ത സ​മ​നി​ല​യി​ൽ കു​രു​ങ്ങി. പെ​റു​വി​നെ ഒ​രു ഗോ​ളി​ന് മ​ട​ക്കി​യ ആ​നു​കൂ​ല്യ​ത്തി​ലാ​ണ് ​നോ​ക്കൗ​ട്ടി​ലെ​ത്തു​ന്ന​ത്. നി​ല​വി​ലെ ക​ണ​ക്കു​ക​ളി​ൽ കോ​പ അ​മേ​രി​ക്ക​യി​ലെ മോ​ശം ടീ​മു​ക​ളി​ലൊ​ന്ന്. ജൊ​നാ​ഥ​ൻ ഡേ​വി​ഡ് കാ​ന​ഡ ആ​ക്ര​മ​ണം ന​യി​ക്കു​മ്പോ​ൾ സ​ലോ​മോ​ൻ റോ​ണ്ട​ൻ, എ​ഡ്വേ​ഡ് ബെ​ല്ലോ എ​ന്നി​വ​രാ​ണ് വെ​നി​സ്വേ​ല​യു​ടെ കു​ന്ത​മു​ന​ക​ൾ.

കൊ​ളം​ബി​യ Vs പാ​ന​മ

ബ്ര​സീ​ൽ അ​ണി​നി​ര​ക്കു​ന്ന വ​മ്പ​ന്മാ​രു​ടെ ഗ്രൂ​പി​ലെ ചാ​മ്പ്യ​ന്മാ​രാ​ണ് കൊ​ളം​ബി​യ. മൂ​ന്നു ക​ളി​ക​ളി​ൽ ര​ണ്ടെ​ണ്ണം ജ​യി​ക്കു​ക​യും ബ്ര​സീ​ലി​നെ സ​മ​നി​ല​യി​ൽ പി​ടി​ക്കു​ക​യും ചെ​യ്ത​വ​ർ. ബ്ര​സീ​ൽ ഒ​രു​വ​ട്ടം പോ​ലും വ​ല കു​ലു​ക്കാ​തെ സ​മ​നി​ല​യി​ലാ​യ ​കോ​സ്റ്റ​റീ​ക​യെ കാ​ൽ ഡ​സ​ൻ ഗോ​ളു​ക​ൾ​ക്ക് മ​ട​ക്കി​യ​വ​ർ.

കൂ​ട്ട​ത്തി​ൽ ഇ​ത്തി​രി​ക്കു​ഞ്ഞ​ന്മാ​രാ​യ പാ​ന​മ എ​തി​രെ വ​രു​മ്പോ​ൾ കൊ​ളം​ബി​യ അ​നാ​യാ​സ ജ​യ​വും സെ​മി​യും സ്വ​പ്നം കാ​ണു​ന്നു. എന്നാൽ, ഉറുഗ്വായ് ഉൾപ്പെടുന്ന ഗ്രൂപിൽ മറ്റെല്ലാവരെയും വീഴ്ത്തിയ പാനമ ഇത്തവണ പ്രകടനം ​അത്ര മോശമാക്കിയിട്ടില്ല. യു.എസിനെ 2-1നും ബൊളീവിയയെ 3-1നുമായിരുന്നു ടീം മടക്കിയിരുന്നത്. അതിനാൽ, കൊളംബിയ​യെയും കടന്ന് സെമി കാണാനാകുമോയെന്നാണ് ടീമിന്റെ കാത്തിരിപ്പ്.

അ​ർ​ജ​ന്റീ​ന Vs എ​ക്വ​ഡോ​ർ

നി​ല​വി​​ലെ ചാ​മ്പ്യ​ന്മാ​രാ​യ അ​ർ​ജ​ന്റീ​ന ഗ്രൂ​പ് ഘ​ട്ട​ത്തി​ലും എ​ല്ലാ ക​ളി​ക​ളും ജ​യി​ച്ചാ​ണ് എ​ത്തു​ന്ന​ത്. ഒ​രു ഗോ​ൾ പോ​ലും ഇ​തു​വ​രെ വ​ഴ​ങ്ങാ​ത്ത​വ​ർ. പ്ര​ക​ട​ന​മി​ക​വും താ​ര​പ്പെ​രു​മ​യും ന​ൽ​കു​ന്ന ആ​നു​കൂ​ല്യം പ​രി​ഗ​ണി​ച്ചാ​ൽ എ​ക്വ​ഡോ​റി​നെ​തി​രെ​യും ടീം ​അ​നാ​യാ​സം ക​ട​ന്നു​ക​യ​റ​ണം.

പ​രി​ക്ക് വി​ല്ല​നാ​യി നി​ൽ​ക്കു​ന്ന മെ​സ്സി ക്വാ​ർ​ട്ട​റി​ൽ ഇ​റ​ങ്ങു​മോ എ​ന്ന ചോ​ദ്യം നി​ല​നി​ൽ​ക്കു​ന്നു​വെ​ങ്കി​ലും ഹൂ​ലി​യ​ൻ അ​ൽ​വാ​ര​സ്, ലൗ​താ​റോ മാ​ർ​ട്ടി​നെ​സ് തു​ട​ങ്ങി​യ​വ​രെ​ല്ലാം ഒ​ന്നി​നൊ​ന്ന് മി​ക​ച്ച​വ​ർ. ചി​ലി​ക്കെ​തി​രെ ഏ​ക ഗോ​ൾ ജ​യ​മാ​യി​രു​ന്നെ​ങ്കി​ൽ പെ​റു​വി​നെ​യും ഉ​ദ്ഘാ​ട​ന മ​ത്സ​ര​ത്തി​ൽ കാ​ന​ഡ​യെ​യും വീ​ഴ്ത്തി​യ​ത് ര​ണ്ടു ഗോ​ളു​ക​ൾ​ക്ക്.

1993ലേ​തി​ന് സ​മാ​ന​മാ​യി കി​രീ​ട​ത്തു​ട​ർ​ച്ച​ത​ന്നെ നീ​ല​ക്കു​പ്പാ​യ​ക്കാ​ർ​ക്ക് ല​ക്ഷ്യം. മ​റു​വ​ശ​ത്ത്, എ​ക്വ​ഡോ​ർ മൂ​ന്നു ക​ളി​ക​ളി​ൽ നാ​ലു പോ​യ​ന്റ് മാ​ത്രം സ​മ്പാ​ദ്യ​വു​മാ​യാ​ണ് എ​ത്തു​ന്ന​ത്. മെ​ക്സി​കോ​ക്കെ​തി​രെ ഗോ​ൾ​ര​ഹി​ത സ​മ​നി​ല​യും ജ​മൈ​ക്ക​​യോ​ട് ജ​യ​വും പി​ടി​ച്ച​വ​ർ വെ​നി​സ്വേ​ല​ക്കു മു​ന്നി​ൽ വീ​ഴു​ക​യും ചെ​യ്തു. ക​ണ​ക്കു​ക​ളി​ൽ മു​ന്നി​ലാ​ണെ​ങ്കി​ലും മെ​സ്സി​ക്കൂ​ട്ട​ത്തെ വി​റ​പ്പി​ക്കാ​ൻ ത​ന്നെ​യാ​ണ് എ​ക്വ​​ഡോ​ർ എ​ത്തു​ന്ന​ത്.

യൂ​റോ​യി​ൽ തീ​ച്ചൂ​ട്

ബെ​ർ​ലി​ൻ: നി​ല​വി​ലെ ചാ​മ്പ്യ​ന്മാ​​ര​ട​ക്കം വ​മ്പ​ന്മാ​രു​ടെ അ​ട്ടി​മ​റി​ക​ൾ​ക്കൊ​പ്പം ഇ​ള​മു​റ​ക്കാ​രു​ടെ നോ​ക്കൗ​ട്ട് പ്ര​വേ​ശ​ന​വും സാ​ധ്യ​മാ​ക്കി ജ​ർ​മ​ൻ ക​ളി​മു​റ്റ​ങ്ങ​ളി​ൽ യൂ​റോ ക​പ്പ് മ​ത്സ​ര​ങ്ങ​ൾ അ​വ​സാ​ന എ​ട്ടി​ന്റെ ആ​ര​വ​ങ്ങ​ളി​ലെ​ത്തു​ക​യാ​ണ്. കി​രീ​ട​ത്തി​ലേ​ക്ക് മൂ​ന്നു ക​ളി​ക​ൾ മാ​ത്രം ബാ​ക്കി​യി​രി​ക്കെ സാ​ധ്യ​ത​ക​ളു​ടെ സ്വ​പ്ന സ്വ​ർ​ഗ​ങ്ങ​ളി​ലാ​ണ് എ​ട്ടു ടീ​മു​ക​ളി​ൽ ഓ​രോ​ന്നും. വെ​ള്ളി, ശ​നി ദി​വ​സ​ങ്ങ​ളി​ലാ​ണ് മ​ത്സ​ര​ങ്ങ​ൾ.

ജ​ർ​മ​നി Vs സ്​​പെ​യി​ൻ

ഏ​റ്റ​വും മി​ക​ച്ച ര​ണ്ടു ടീ​മു​ക​ളി​ലൊ​ന്നി​ന് മ​ട​ക്ക​യാ​ത്ര ന​ൽ​കു​ന്ന​താ​യി​രി​ക്കും ആ​ദ്യ ക്വാ​ർ​ട്ട​ർ ഫൈ​ന​ൽ. ചാ​മ്പ്യ​ൻ​ഷി​പ് ഫേ​വ​റി​റ്റു​ക​ളാ​യ സ്​​പെ​യി​നും അ​തേ മി​ക​വി​ൽ പ​ന്തു​ത​ട്ടു​ന്ന ജ​ർ​മ​നി​യും ത​മ്മി​ലാ​ണ് പോ​രാ​ട്ടം. ജോ​ർ​ജി​യ​ക്കെ​തി​രെ നോ​ക്കൗ​ട്ടി​ൽ ആ​ദ്യം ഗോ​ൾ​വ​ഴ​ങ്ങി​യ സ്​​പെ​യി​ൻ മൂ​ന്നെ​ണ്ണം തി​രി​ച്ച​ടി​ച്ചാ​യി​രു​ന്നു ക​രു​ത്തും ക്വാ​ർ​ട്ട​റും ഉ​റ​പ്പി​ച്ച​ത്.

ഇ​ത്ത​വ​ണ നാ​ലു ക​ളി​ക​ളി​ൽ ആ​കെ വ​ഴ​ങ്ങി​യ​ത് ഒ​രു ഗോ​ൾ. ല​മീ​ൻ യ​മാ​ൽ, നി​ക്കൊ വി​ല്യം​സ് എ​ന്നീ ഇ​ള​മു​റ​ക്കാ​രാ​ണ് സ്പാ​നി​ഷ് സ്വ​പ്ന​ങ്ങ​ളി​ലെ വീ​ര​നാ​യ​ക​ർ. തോ​ൽ​വി​യ​റി​യാ​തെ ക​യ​റി​യെ​ത്തി​യ ജ​ർ​മ​നി ഡെ​ന്മാ​ർ​ക്കി​നെ എ​തി​രി​ല്ലാ​ത്ത ര​ണ്ടു​ഗോ​ളി​ന് തീ​ർ​ത്താ​ണ് അ​വ​സാ​ന എ​ട്ടി​ലേ​ക്ക് ടി​ക്ക​റ്റെ​ടു​ത്ത​ത്. ജ​മാ​ൽ മു​സി​യാ​ല​യാ​ണ് സൂ​പ്പ​ർ സ്ട്രൈ​ക്ക​ർ.

ഹോളണ്ട് Vs തു​ർ​ക്കി

ഡ​ച്ചു​പ​ട ഉ​ഗ്ര​രൂ​പം കാ​ട്ടി​യ ക​ളി​യാ​യി​രു​ന്നു പ്രീ​ക്വാ​ർ​ട്ട​റി​ലേ​ത്. കോ​ഡി ഗാ​ക്പോ​യും ഡോ​നി​ൽ മാ​ലെ​നും ഗോ​ളു​ക​ൾ ക​ണ്ടെ​ത്തി​യ ക​ളി​യി​ൽ റു​മേ​നി​യ​യെ നി​ഷ്പ്ര​ഭ​മാ​ക്കി​യ​ത് കാ​ൽ ഡ​സ​ൻ ഗോ​ളു​ക​ൾ​ക്ക്. മെം​ഫി​സ് ഡീ​പെ​ സൃ​ഷ്ടി​ച്ചെ​ടു​ത്ത അ​വ​സ​ര​ങ്ങ​ളി​ൽ ചി​ല​തെ​ങ്കി​ലും ല​ക്ഷ്യം ക​ണ്ടി​രു​ന്നെ​ങ്കി​ൽ സ്കോ​ർ പി​ന്നെ​യും വ​ലു​താ​യേ​നെ.

ഓ​സ്ട്രി​യ​ക്കെ​തി​രെ സെ​റ്റ് പീ​സു​ക​ൾ അ​വ​സ​ര​മാ​ക്കി 2-1ന് ​ജ​യി​ച്ചാ​ണ് തു​ർ​ക്കി ക്വാ​ർ​ട്ട​റി​ലെ​ത്തു​ന്ന​ത്. അ​ർ​ഡ ഗു​ല​ർ, ക​നാ​ൻ യി​ൽ​ദി​സ് എ​ന്നി​വ​ര​ട​ക്കം യു​വ​നി​ര​യും ഹ​കാ​ൻ ക​ൽ​ഹ​ന​ഒ​ഗ്‍ലു​വ​ട​ക്കം സീ​നി​യ​ർ താ​ര​ങ്ങ​ളും ചേ​രു​മ്പോ​ൾ പ്ര​വ​ച​നാ​തീ​ത​മാ​ണ് കാ​ര്യ​ങ്ങ​ൾ.

ഇം​ഗ്ല​ണ്ട് Vs സ്വി​റ്റ്സ​ർ​ല​ൻ​ഡ്

പ​തി​വു​പോ​ലെ ഇ​ത്ത​വ​ണ​യും എ​തി​രാ​ളി​ക​ൾ​ക്ക് മു​ന്നി​ൽ ശ​രി​ക്കും പ​ത​റി​യാ​യി​രു​ന്നു ഉ​ട​നീ​ളം ഇം​ഗ്ലീ​ഷ് രാ​ജ്. അ​വ​സാ​നം ​സ്​​ലോ​വാ​ക്യ​യു​മാ​യി മു​ഖാ​മു​ഖം നി​ന്ന നോ​ക്കൗ​ട്ടി​ൽ ഇ​ഞ്ച്വ​റി സ​മ​യം വ​രെ പി​റ​കി​ൽ നി​ന്ന​വ​ർ അ​വ​സാ​ന വി​സി​ലി​ന് 25 സെ​ക്ക​ൻ​ഡ് ശേ​ഷി​ക്കെ ജൂ​ഡ് ബെ​ല്ലി​ങ്ങാ​ന്റെ ബൈ​സി​ക്ൾ കി​ക്കി​ലും അ​ധി​ക സ​മ​യ​ത്ത് ഹാ​രി കെ​യ്ന്റെ ഹെ​ഡ​റി​ലും ല​ക്ഷ്യം ക​ണ്ട് ക്വാ​ർ​ട്ട​ർ ഉ​റ​പ്പാ​ക്കു​ക​യാ​യി​രു​ന്നു.

ഗ്രൂ​പ് ഘ​ട്ട​ത്തി​ൽ തോ​ൽ​വി​യ​റി​യാ​തെ​യും പ്രീ​ക്വാ​ർ​ട്ട​റി​ൽ നി​ല​വി​ലെ ചാ​മ്പ്യ​ന്മാ​രാ​യ ഇ​റ്റ​ലി​യെ മ​ട​ക്കി​യു​മാ​ണ് ക്യാ​പ്റ്റ​ൻ ഗ്രാ​നി​ത് ഷാ​ക്ക​യു​ടെ ചി​റ​കേ​റി സ്വി​സ് വീ​ര്യം ഉ​യ​ര​ങ്ങ​ൾ തേ​ടു​ന്ന​ത്.

പ്രീ ​ക്വാ​ർ​ട്ട​റി​ൽ അ​സൂ​റി​ക​ൾ​ക്ക് മു​ന്നി​ൽ മ​ട​ക്ക​മെ​ന്നാ​യി​രു​ന്നു ക​ണ​ക്കു​കൂ​ട്ട​ലു​ക​ളെ​ങ്കി​ലും ഫ്രൂ​ള​റും റൂ​ബ​ൻ വ​ർ​ഗാ​സും നേ​ടി​യ ഗോ​ളു​ക​ൾ തി​രി​ച്ച് ഇ​റ്റ​ലി​യെ തി​രി​ച്ച​യ​ക്കു​ക​യാ​യി​രു​ന്നു. അ​തൊ​ക്കെ​യെ​ങ്കി​ലും, ക​ളി ഇം​ഗ്ല​ണ്ടി​നെ​തി​രെ​യാ​കു​മ്പോ​ൾ ക​ണ​ക്കി​ലെ ക​ളി​ക​ൾ അ​വ​ർ​ക്കെ​തി​രാ​ണ്. ഡ​സ്സ​ൽ​ഡോ​ർ​ഫി​ൽ മെ​ർ​ക​ർ സ്പീ​ൽ അ​റീ​ന​യി​ൽ അ​ത് തി​രു​ത്താ​നാ​കും ശ​നി​യാ​ഴ്ച ടീം ​ഇ​റ​ങ്ങു​ക.

പോ​ർ​ചു​ഗ​ൽ Vs ഫ്രാ​ൻ​സ്

ഓ​സ്ട്രി​യ​യും നെ​ത​ർ​ല​ൻ​ഡ്സു​മു​ള്ള ഗ്രൂ​പ് ക​ട​ന്നെ​ത്തി​യ ഫ്ര​ഞ്ചു പ​ട ബെ​ൽ​ജി​യ​വു​മാ​യി പ്രീ​ക്വാ​ർ​ട്ട​റി​ൽ ജാ​ൻ വെ​ർ​ട്ട​ൻ​ഗ​ന്റെ സെ​ൽ​ഫ് ഗോ​ൾ തു​ണ​ച്ച് ക്വാ​ർ​ട്ട​ർ പ്ര​വേ​ശ​നം സാ​ധ്യ​മാ​ക്കി​യ​വ​രാ​ണ്. ഇ​തു​വ​രെ​യും എ​തി​ർ പോ​സ്റ്റി​ൽ ഓ​പ​ൺ ഗോ​ൾ കു​റി​ക്കാ​തെ ക്വാ​ർ​ട്ട​ർ ക​ളി​ക്കു​ന്ന ഏ​ക ടീം ​കൂ​ടി​യാ​ണ് ഫ്രാ​ൻ​സ്.

എ​ന്നാ​ലും, ഒ​രു ക​ളി​യി​ലും തോ​റ്റി​ല്ലെ​ന്നു മാ​ത്ര​മ​ല്ല, പെ​നാ​ൽ​റ്റി​യി​ലെ​ങ്കി​ലും കി​ലി​യ​ൻ എം​ബാ​പ്പെ ഗോ​ൾ കു​റി​ക്കു​ക​യും ചെ​യ്തി​ട്ടു​ണ്ട്. െസ്ലാ​വീ​നി​യ​ക്കെ​തി​രെ അ​വ​സാ​നം വ​രെ ഉ​ദ്വേ​ഗ​മു​ന​യി​ൽ നി​ന്നാ​ണ് പ​റ​ങ്കി​പ്പ​ട ക്വാ​ർ​ട്ട​ർ ക​ളി​ക്കു​ന്ന​ത്. റൊ​ണാ​ൾ​ഡോ ആ​റാം യൂ​റോ​യി​ൽ ഒ​രു ഗോ​ൾ തേ​ടി ഇ​റ​ങ്ങു​ന്നു​വെ​ന്ന സ​വി​ശേ​ഷ​ത​യു​മു​ണ്ട്. 19കാ​ര​ൻ ജൊ​ആ​വൊ നെ​വ​സ​ട​ക്കം ഏ​തു​നി​മി​ഷ​വും ക​ളി പി​ടി​ക്കാ​വു​ന്ന പ്ര​മു​ഖ​ർ പ​റ​ങ്കി​ക​ളു​ടെ സ​വി​ശേ​ഷ​ത​യാ​ണ്.