യൂറോ കപ്പ്; ജോർജിയ കടക്കാൻ സ്പെയിൻ
text_fieldsപരിശീലനത്തിനിടെ തമാശ പങ്കിടുന്ന സ്പെയിൻ താരങ്ങൾ
ബെർലിൻ: യൂറോ കപ്പ് പ്രീ ക്വാർട്ടറിൽ ഇന്ന് സ്പെയിൻ ജോർജിയക്കെതിരെ. പോർച്ചുഗലിനെ അട്ടിമറിച്ച് നോക്കൗട്ടിലെത്തിയവരാണെങ്കിലും കളി ജോർജിയക്കെതിരെയാകുമ്പോൾ എല്ലാ റെക്കോഡുകളും സ്പാനിഷ് അർമഡയെ തുണക്കേണ്ടതാണ്. ഗ്രൂപ് ഘട്ടത്തിൽ ഒരു കളിപോലും തോൽക്കാതെ എത്തിയ ഏക ടീമാണ് സ്പെയിൻ. നിലവിലെ ചാമ്പ്യന്മാരായ ഇറ്റലിയെയും കടപുഴക്കിയവർ.
ഒരു ഗോൾപോലും മൂന്ന് കളികളിൽ വഴങ്ങാത്ത ടീം. മുമ്പ് യോഗ്യത പോരാട്ടത്തിൽ ജോർജിയക്കെതിരെ അവരുടെ നാട്ടിൽ മുഖാമുഖം നിന്നപ്പോൾ 7-1നായിരുന്നു ജയം. അൽവാരോ മൊറാറ്റ ഹാട്രിക് കുറിച്ചുവെന്ന് മാത്രമല്ല, ലാമിൻ യമാൽ അരങ്ങേറ്റത്തിൽ ഗോൾ നേടുകയും ചെയ്തു. തിരിച്ച് മത്സരം സ്പെയിനിലായപ്പോൾ ജയം 3-1നായിരുന്നു. മറുവശത്ത്, പറങ്കിപ്പടയെ എതിരില്ലാത്ത രണ്ടു ഗോളിന് മുക്കിയതോടെ ജർമനിയിലെ ആവേശ സംഘമാണ് ജോർജിയ. ഗ്രൂപ് ഘട്ടത്തിലെ ടോപ് സ്കോറർ പദവി ജോർജിയയുടെ ജോർജസ് മിക്കോട്ടാഡ്സെക്ക് സ്വന്തമാണ്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.