യൂറോപ്പിൽ പരിക്കു​ കാലം: ഫാതിക്ക്​ പരിക്ക്​;നാലു മാസം പുറത്ത്​

മഡ്രിഡ്​: ജോഷ്വ കിമ്മിഷി​െൻറയും ട്രെൻറ്​ അലക്​സാണ്ടർ അർനോൾഡി​െൻറയും പരിക്ക്​ വാർത്തകൾക്കു പിന്നാലെ, ബാഴ്​സലോണയുടെ ടീനേജ്​ സെൻസേഷൻ അൻസു ഫാതിയും പരിക്ക്​ പിടിയിൽ. സീസണിൽ ബാഴ്​സലോണ മുൻ നിരയിൽ ഉജ്വല ഫോമിലുള്ള ഫാതിക്ക്​ ശനിയാഴ്​ച റയൽ ബെറ്റിസിനെതിരായ മത്സരത്തിനിടെ, എതിർ ഡിഫൻഡർ അലിസ ​മൻഡിയുടെ ഫൗളിലാണ്​ പരിക്കേറ്റത്​. തുടർന്ന്​ ആദ്യ പകുതിക്കു പിന്നാലെ ലയണൽ മെസ്സിയെ സബ്​സ്​റ്റിറ്റ്യൂട്ട്​ ചെയ്യുകയായിരുന്നു.

പിന്നീട്​ നടന്ന പരിശോധനയിലാണ്​ കാൽമുട്ടിലെ പരിക്ക്​ ഗുരുതരമാണെന്ന്​ റിപ്പോർട്ട്​ വന്നത്​. തിങ്കളാഴ്​ച ശസ്​ത്രക്രിയക്ക്​ വിധേയനായ താരത്തിന്​ നാലു മാസമെങ്കിലും വ​ിശ്രമം വേണ്ടിവരുമെന്ന്​ ടീം ഡോക്​ടർ റാമോൺ കുഗാറ്റ്​ അറിയിച്ചു.

ബാഴ്​സലോണയുടെ മുൻ നിരയിൽ കോച്ച്​ റൊണാൾഡ്​ കൂമാ​െൻറ വജ്രായുധമാണ്​ ഫാതി. ഏഴു​ കളിയിൽ നാലു​ ഗോൾ നേടിയ താരത്തി​െൻറ പരിക്ക്​ ബാഴ്​സലോണക്ക്​ വലിയ തിരിച്ചടിയാവും. ഒസ്​മ​ാനെ ഡെംബലെ, ഫ്രാൻസിസ്​കോ ട്രിൻകാവോ, പെഡ്രി, ഫിലിപ്​ കുടീന്യോ എന്നിവരിലൂടെ ഫാതിയുടെ കുറവ്​ നികത്താനാവും കോച്ചി​െൻറ ശ്രമം.

റയലി​െൻറ ഫെഡറികോ വാൽവെർദെയുടെ പരിക്ക്​ വാർത്ത കഴിഞ്ഞ ദിവസമാണ്​ പുറത്തുവന്നത്​. വലതുകാലിൽ ഒടിവുള്ള താരത്തിന്​ കൂടുതൽ വിശ്രമം വേണ്ടിവരും. ഡാനി കാർവയാൽ, നാച്ചോ എന്നിവർ നേരത്തേ പരിക്കിലാണ്​. ​

ബൊറൂസിയ ഡോർട്​മുണ്ടിനെതിരായ മത്സരത്തിനിടെ കാൽമുട്ടിൽ പരിക്കേറ്റ ബയേണി​െൻറ ജോഷ്വ കിമ്മിഷിന്​ ജനുവരിയിലേ മടങ്ങി വരാൻ കഴിയൂ.