ഫിഫ ദി ബെസ്​റ്റ്​ ഈ 11 താരങ്ങളിൽ നിന്ന്​; മെസ്സി-ക്രിസ്​റ്റ്യ​​ാനോ യുഗത്തിന്​ അവസാനമാവുമോ?

കോവിഡ്​ പ്രതിസന്ധി കാരണം ഫ്രഞ്ച്​ മാഗസിൻ നൽകാറുള്ള ബാലൺ ഡി​ഓർ പുരസ്​കാരം ഇത്തവണ നൽകുന്നില്ലെന്ന്​ നേരത്തെ അറിയിപ്പ്​ വന്നിരുന്നു. എന്നാൽ, ഫിഫയുടെ 'ഫിഫ ദി ബെസ്​റ്റ്​' പുരസ്​കാരം മുടങ്ങാതെ ഈ വർഷം നൽകുന്നുണ്ട്​. പുരസ്​കാരത്തിന്​ സാധ്യതയുള്ള 11 പേരുടെ പട്ടിക ഫിഫ പുറത്തു വിട്ടപ്പോൾ, അതിൽ നാലു പേരും ലിവർപൂൾ താരങ്ങൾ. ​മുഹമ്മദ്​ സലാഹ്​, സാദിയോ മാനെ, വിർജിൽ വാൻഡൈക്ക്​, തിയാഗോ അൽക്കൻറാര എന്നിവരാണ്​ ലിവർപൂളിൽ നിന്നുള്ളവർ. മെസ്സി, ക്രിസ്​റ്റ്യാനോ,നെയ്​മർ വമ്പന്മാരും ഇത്തവണ അവസാന 11ൽ ഇടം പിടിച്ചിട്ടുണ്ട്​.

ക്രിസ്​റ്റ്യാനോ റൊണാൾഡോയും മെസ്സിയും അടക്കിവാണ ലോക പുരസ്​കാരങ്ങളിൽ ഇത്തവണ മാറ്റമു​ണ്ടാവുമോയെന്നാണ്​ ആരാധകർ ഉറ്റുനോക്കുന്നത്​.

2020-ലെ മികച്ച താരത്തിനായുള്ള പുരസ്കാരത്തിൻെറ സാധ്യതപട്ടികയിൽ മെസ്സിക്കും ക്രിസ്​റ്റ്യാനോക്കു ഒപ്പം ബയേൺ മ്യൂണിക്കിൻെറ ലെവൻഡോവ്​സ്​കിയാണ്​ മുൻ നിരയിലുള്ള താരം. കഴിഞ്ഞ സീസണിൽ ബയേൺ മ്യൂണിക്കിനായി നടത്തിയ കിടിലൻ പ്രകടനമാണ് ലെവൻഡോവ്സ്കിയെ ഫേവറിറ്റാക്കുന്നത്. കഴിഞ്ഞ വർഷം ലയണൽ മെസിയായിരുന്നു ജേതാവ്.

സാധ്യത പട്ടിക:

• റോബർട്ട് ലെവൻഡോവ്സ്കി,
• ക്രിസ്റ്റ്യാനോ റൊണാൾഡോ,
• ലയണൽ മെസ്സി,
• കെവിൻ ഡി ബ്രൂയിൻ,
• തിയാ​ഗോ അൽക്കാൻറാര,
• വിർജിൽ വാൻ ഡൈക്ക്,
• സാദിയോ മാനെ, നെയ്മർ,
• കെയ്​ലിയൻ എംബാപെ,
• സെർജിയോ റാമോസ്,
• മുഹമ്മദ് സലാഹ്​

മികച്ച വനിതാ താരത്തിനുള്ള പുരസ്കാരത്തിനായി ലൂസി ബ്രോൺസി, വെൻഡി റെനാർഡ്, സാം കെർ, വിവിയാനെ മെഡീമ തുടങ്ങി 11 താരങ്ങളാണ് അന്തിമപട്ടികയിൽ.

മികച്ച പരിശീലകനുള്ള പുര്സാകാരത്തിനായി മത്സരിക്കുന്നത് അഞ്ച് പേരാണ്. മാഴ്സെലോ ബിയേൽസ്(ലീഡ്​സ്​ യുനൈറ്റഡ്​), സിനദിൻ സിദാൻ(റയൽ മഡ്രിഡ്​), ജൂലൻ ലോപ്പെറ്റെ​ഗ്വി(സെവിയ്യ), ഹാൻസി ഫ്ലിക്ക്(ബയേൺ മ്യൂണിക്​), യുർ​ഗൻ ക്ലോപ്പ്(ലിവർപൂൾ) എന്നിവരാണ് ചുരുക്കപ്പട്ടിയിൽ.

മികച്ച ​ഗോളി പുരസ്കാരത്തിനായി അലിസൻ ബെക്കർ, തിബോ കൊർട്ടുവ, മാനുവൽ ന്യൂയർ, കെയ്ലർ നവാസ്, ജാൻ ഓബ്ലാക്ക്, മാർക്ക് ആന്ദ്രെ ടെർ സ്റ്റീ​ഗൻ എന്നിവരാണ് മത്സരിക്കുന്നത്. ഡിസംബർ 17-ന് നടക്കുന്ന ഫിഫ് പുരസ്കാരചടങ്ങിൽ ജേതാവിനെ പ്രഖ്യാപിക്കും.