സൗ​ഹൃ​ദ ഫു​ട്​​ബാ​ൾ: ഒ​മാ​നെ സ​മ​നി​ല​യി​ൽ ത​ള​ച്ച്​ ഇ​ന്ത്യ

ദു​ബൈ: ഒ​രു വ​ർ​ഷ​ത്തി​ലേ​റെ നീ​ണ്ട ഇ​ട​വേ​ള​ക്കു​ശേ​ഷം നീ​ല​ക്കു​പ്പാ​യ​ത്തി​ലി​റ​ങ്ങി​യ ഇ​ന്ത്യ​ക്ക്​ ക​രു​ത്ത​രാ​യ ഒ​മാ​നെ​തി​രെ വീ​രോ​ചി​ത സ​മ​നി​ല. ലോ​ക​ക​പ്പ്​​ യോ​ഗ്യ​താ​റൗ​ണ്ട്​ മ​ത്സ​ര​ങ്ങ​ൾ​ക്കു മു​ന്നോ​ടി​യാ​യി ന​ട​ന്ന സ​ന്നാ​ഹ അ​ങ്ക​ത്തി​ൽ 1-1നാ​ണ്​ ഇ​രു ടീ​മു​ക​ളും പി​രി​ഞ്ഞ​ത്. ക​ളി​യു​ടെ 43ാം മി​നി​റ്റി​ൽ ഇ​ന്ത്യ​ൻ പ്ര​തി​രോ​ധ​താ​രം ചി​ഗ്ല​ൻ​സേ​ന സി​ങ്ങി​‍െൻറ ബൂ​ട്ടി​ൽ ത​ട്ടി സെ​ൽ​ഫാ​യി പി​റ​ന്ന ഗോ​ളി​ലൂ​ടെ ഒ​മാ​ൻ മു​ന്നി​ലെ​ത്തി​യെ​ങ്കി​ലും ര​ണ്ടാം പ​കു​തി​യി​ൽ മ​നോ​ഹ​ര​മാ​യി തി​രി​ച്ച​ടി​ച്ച്​ ഒ​പ്പ​മെ​ത്തി. 55ാം മി​നി​റ്റി​ലാ​യി​രു​ന്നു മ​ൻ​വീ​ർ സി​ങ്ങി​‍െൻറ ഹെ​​ഡ​റി​ലൂ​ടെ ക​ണ്ണ​ഞ്ചി​പ്പി​ക്കു​ന്ന ഗോ​ളി​‍െൻറ പി​റ​വി.

ഒ​മാ​ൻ ഗോ​ൾ​കീ​പ്പ​ർ അ​ഹ​മ​ദ്​ അ​ൽ റ​വാ​ഹി​യു​ടെ ക്രോ​സ്​ പി​ടി​ച്ചെ​ടു​ത്ത അ​ശു​തോ​ഷ്​ മെ​ഹ്​​ത​യി​ലൂ​ടെ​യാ​യി​രു​ന്നു തു​ട​ക്കം. ഒ​മാ​ൻ പ്ര​തി​രോ​ധ​ത്തെ വ​ട്ടം​ചു​റ്റി ​വി​ങ്ങി​ൽ സ്​​ഥ​ലം ക​ണ്ടെ​ത്തി​യ ​അ​ശു​തോ​ഷ്​ പ​ന്ത്​ ബി​പി​ൻ സി​ങ്ങി​ലെ​ത്തി​ച്ചു. മും​െ​ബെ സി​റ്റി വി​ങ്ങ​റു​ടെ ഉ​ജ്ജ്വ​ല​മാ​യ ക്രോ​സ്​ ബോ​ക്​​സി​നു​ള്ളി​ലെ​ത്തി​യ​പ്പോ​ൾ ഒ​മാ​ൻ ഡി​ഫ​ൻ​ഡ​റെ ക​ട​ന്ന്​ ഹെ​ഡ്​ ചെ​യ്​​ത മ​ൻ​വീ​ർ പ​ന്ത്​ പി​ച്ച്​ ചെ​യ്യി​ച്ച്​ വ​ല​യി​ലേ​ക്ക്​ ക​ട​ത്തി.

ഫി​ഫ റാ​ങ്കി​ങ്ങി​ൽ ഇ​ന്ത്യ​യേ​ക്കാ​ൾ (റാ​ങ്ക്​ 104) ഏ​റെ മു​ന്നി​ലു​ള്ള ഒ​മാ​നെ​തി​രാ​യ (81ാം റാ​ങ്ക്) സ​മ​നി​ല ലോ​ക​ക​പ്പ്​ യോ​ഗ്യ​താ​റൗ​ണ്ടി​ലെ നി​ർ​ണാ​യ​ക പോ​രാ​ട്ട​ങ്ങ​ൾ​ക്കൊ​രു​ങ്ങു​ന്ന നീ​ല​ക്ക​ടു​വ​ക​ൾ​ക്ക്​ ആ​ത്മ​വി​ശ്വാ​സ​മാ​വും. ഐ.​എ​സ്.​എ​ല്ലി​ലെ പ്ര​ക​ട​ന​മി​ക​വാ​യി​രു​ന്നു കോ​ച്ച്​ ഇ​ഗോ​ർ​സ്​​റ്റി​മാ​കി​‍െൻറ ടീം ​ലൈ​ന​പ്പി​ൽ ക​ണ്ട​ത്. സു​നി​ൽ ഛേത്രി​യി​ല്ലാ​ത്ത ടീ​മി​‍െൻറ ആ​ക്ര​മ​ണ​ത്തി​ൽ മ​ൻ​വീ​ർ സി​ങ്ങി​നാ​യി​രു​ന്നു ചു​മ​ത​ല.

ബി​പി​ൻ സി​ങ്, മ​ല​യാ​ളി​താ​രം ആ​ഷി​ഖ്​ കു​രു​ണി​യ​ൻ എ​ന്നി​വ​രും ഒ​പ്പം ചേ​ർ​ന്നു. പ്ര​തി​രോ​ധ​ത്തി​ൽ സ​ന്ദേ​ശ്​ ജി​ങ്കാ​ന്​ കൂ​ട്ടാ​യി ചി​ഗ്ല​നും അ​ശു​തോ​ഷും ആ​കാ​ശ്​ മി​ശ്ര​യും. ഗോ​ൾ​കീ​പ്പ​റാ​യി ഐ.​എ​സ്.​എ​ൽ ചാ​മ്പ്യ​ൻ ടീ​മി​‍െൻറ വ​ല​കാ​ത്ത അ​മ​രി​ന്ദ​ർ സി​ങ്ങും. മു​ഹ​മ്മ​ദ്​ അ​ൽ​ഗ​ഫ്രി​യും യാ​സി​ദ്​ മാ​ഷാ​നി​യും ന​യി​ച്ച ഒ​മാ​ൻ മു​ന്നേ​റ്റം ആ​ദ്യ​മി​നി​റ്റ്​ മു​ത​ൽ ഇ​ന്ത്യ​ൻ ഗോ​ൾ​പോ​സ്​​റ്റി​നു​ മു​ന്നി​ൽ ചു​റ്റി​ക്ക​റ​ങ്ങി​യെ​ങ്കി​ലും അ​മ​രി​ന്ദ​ർ-​ജി​ങ്കാ​ൻ കോ​ട്ട പൊ​ളി​ക്കാ​നാ​യി​ല്ല.

27ാം മി​നി​റ്റി​ൽ ഒ​മാ​ന്​ അ​നു​കൂ​ല​മാ​യി ഒ​രു പെ​നാ​ൽ​റ്റി ല​ഭി​ച്ചെ​ങ്കി​ലും അ​ബ്​​ദു​ൽ അ​സി​സ്​ മ​ഖ്​​ബ​ലി​യു​ടെ ദു​ർ​ബ​ല​മാ​യ കി​ക്ക്​ അ​മ​രി​ന്ദ​ർ അ​നാ​യാ​സം കൈ​യി​ലൊ​തു​ക്കി എ​തി​രാ​ളി​ക​ൾ​ക്ക്​ ക​ന​ത്ത പ്ര​ഹ​ര​മേ​ൽ​പി​ച്ചു. 43ാം മി​നി​റ്റി​ൽ സാ​ഹി​ർ അ​ക്​​ബ​രി വി​ങ്ങി​ലൂ​ടെ തൊ​ടു​ത്ത ഷോ​ട്ട്​ ഗോ​ളി അ​മ​രി​ന്ദ​റി​നെ ക​ട​ന്ന്​ മു​ന്നേ​റി​യ​പ്പോ​ൾ, പു​റ​ത്തേ​ക്ക​ടി​ക്കാ​നു​ള്ള ചി​ഗ്ല​ൻ​സേ​ന​യു​ടെ ശ്ര​മം പാ​ളി. കു​ലു​ങ്ങി​യ​ത്​ സ്വ​ന്തം വ​ല.

തു​ട​ർ​ന്ന്​ ഇ​രു പ​കു​തി​ക​ളി​ലും ആ​ക്ര​മ​ണം ഒ​മാ​ൻ പ​​ക്ഷ​ത്താ​യി​രു​ന്നെ​ങ്കി​ലും ഉ​ജ്ജ്വ​ല​മാ​യ ചെ​റു​ത്തു​നി​ൽ​പി​ലൂ​ടെ ഇ​ന്ത്യ ജ​യ​ത്തി​നൊ​ത്ത സ​മ​നി​ല പി​ടി​ച്ചു. മ​ല​യാ​ളി താ​രം മ​ഷൂ​ർ ഷ​രീ​ഫ്​ ഇ​ഞ്ച്വ​റി ടൈ​മി​ൽ പ​ക​ര​ക്കാ​ര​നാ​യി​റ​ങ്ങി ഇ​ന്ത്യ​ൻ കു​പ്പാ​യ​ത്തി​ൽ അ​ര​ങ്ങേ​റ്റ​വും കു​റി​ച്ചു. മാ​ർ​ച്ച്​ 29ന്​ ​യു.​എ.​ഇ​ക്കെ​തി​രെ​യാ​ണ്​ അ​ടു​ത്ത സൗ​ഹൃ​ദ മ​ത്സ​രം.