ഫുൾഹാമിനെ നാലു ഗോളിന് തകർത്ത് സി​റ്റി വീണ്ടും ഒന്നാമത്

ല​ണ്ട​ൻ: അ​ത്ര ക​രു​ത്ത​ര​ല്ലാ​ത്ത എ​തി​രാ​ളി​ക​ളെ അ​വ​രു​ടെ ത​ട്ട​ക​ത്തി​ൽ എ​തി​രി​ല്ലാ​ത്ത നാ​ലു ഗോ​ളി​ന് മു​ക്കി ത​ല​​പ്പ​ത്തേ​ക്ക് ക​യ​റി മാ​ഞ്ച​സ്റ്റ​ർ സി​റ്റി. ലി​വ​ർ​പൂ​ൾ പി​ന്നാ​ക്കം പോ​യ ഇം​ഗ്ലീ​ഷ് പ്രീ​മി​യ​ർ ലീ​ഗി​ൽ ഏ​റെ​യാ​യി ഒ​ന്നാ​മ​തു​നി​ന്ന ആ​ഴ്സ​ന​ലി​നെ ക​ട​ന്ന് കി​രീ​ട​ത്തി​ലേ​ക്ക് കൂ​ടു​ത​ൽ അ​ടു​ത്താ​ണ് ഫു​ൾ​ഹാ​മി​നെ​തി​രെ സി​റ്റി ജ​യം കു​റി​ച്ച​ത്. ജോ​സ്കോ ഗ്വാ​ർ​ഡി​യോ​ൾ ര​ണ്ടു​വ​ട്ടം വ​ല കു​ലു​ക്കി​യ ക​ളി​യി​ൽ ഫി​ൽ ഫോ​ഡ​ൻ, അ​ൽ​വാ​ര​സ് എ​ന്നി​വ​ർ ഓ​രോ ഗോ​ളും നേ​ടി.

ആ​ദ്യാ​വ​സാ​നം സി​റ്റി മാ​ത്ര​മാ​യ മൈ​താ​ന​ത്ത് 13ാം മി​നി​റ്റി​ൽ തു​ട​ങ്ങി​യ ഗോ​ള​ടി​മേ​ളം അ​വ​സാ​ന വി​സി​ലി​ന് തൊ​ട്ടു​മു​മ്പു​വ​രെ തു​ട​ർ​ന്നു. ര​ണ്ടു ​ക​ളി​ക​ൾ വീ​തം ശേ​ഷി​ക്കെ സി​റ്റി​ക്ക് 85ഉം ​ആ​ഴ്സ​ന​ലി​ന് 83ഉം ​പോ​യ​ന്റു​ണ്ട്. സാ​ധ്യ​ത​ക​ൾ അ​സ്ത​മി​ച്ച ലി​വ​ർ​പൂ​ളി​ന് 78 ആ​ണ് സ​മ്പാ​ദ്യം.

ഞാ​യ​റാ​ഴ്ച നി​ർ​ണാ​യ​ക മ​ത്സ​ര​ത്തി​ൽ ഗ​ണ്ണേ​ഴ്സ് മാ​ഞ്ച​സ്റ്റ​ർ യു​നൈ​റ്റ​ഡി​നെ നേ​രി​ടു​മ്പോ​ൾ ചൊ​വ്വാ​ഴ്ച ടോ​ട്ട​ൻ​ഹാ​മാ​ണ് സി​റ്റി​ക്ക് എ​തി​രാ​ളി​ക​ൾ. സാ​ധ്യ​ത​ക​ളി​ൽ സി​റ്റി ഒ​രു പ​ടി മു​ന്നി​ലാ​ണെ​ങ്കി​ലും ഗ​ണ്ണേ​ഴ്സ് കി​രീ​ട പ്ര​തീ​ക്ഷ​ക​ൾ കൈ​വി​ട്ടി​ട്ടി​ല്ല. അ​വ​സാ​ന മ​ത്സ​രം വ​രെ പോ​രാ​ട്ടം കൊ​ണ്ടു​പോ​കാ​നും അ​വ​സാ​നം ക​പ്പു​യ​ർ​ത്താ​നും ടീം ​ക​ണ​ക്കു​കൂ​ട്ടു​ന്നു.