ഫ്രഞ്ച് ജഴ്സി അഴിച്ചുവെക്കാൻ ഒ​ളി​വി​യ​ർ ജിറൂദ്

പാ​രി​സ്: ഫ്ര​ഞ്ച് മു​ന്നേ​റ്റ​ത്തി​ലെ എ​ക്കാ​ല​ത്തെ​യും ടോ​പ് സ്കോ​റ​റാ​യ എ.​സി മി​ലാ​ൻ താ​രം ഒ​ളി​വി​യ​ർ ജി​റൂ​ദ് അ​ന്താ​രാ​ഷ്ട്ര ഫു​ട്ബാ​ളി​ൽ​നി​ന്ന് വി​ര​മി​ക്കു​ന്നു. യൂ​റോ 2024നു ​ശേ​ഷം ഫ്ര​ഞ്ച് ജ​ഴ്സി​യി​ൽ ക​ളി​ക്കി​ല്ലെ​ന്ന് താ​രം പ്ര​ഖ്യാ​പി​ച്ചു. 131 ക​ളി​ക​ളി​ൽ ദേ​ശീ​യ ടീ​മി​നാ​യ 57 ഗോ​ള​ടി​ച്ച താ​രം 2018ൽ ​ലോ​ക​കി​രീ​ടം ചൂ​ടി​യ ടീ​മി​ൽ അം​ഗ​മാ​യി​രു​ന്നു. യൂ​റോ​ക​പ്പി​നു​ള്ള സ്ക്വാ​ഡി​ൽ കോ​ച്ച് ദി​ദി​യ​ർ ദെ​ഷാം​പ്സ് ജി​റൂ​ദി​നെ ഉ​ൾ​പ്പെ​ടു​ത്തി​യി​രു​ന്നു. ‘‘നീ​ല​ക്കു​പ്പാ​യ​ത്തി​ൽ ഇ​തെ​നി​ക്ക് അ​വ​സാ​ന ചാ​മ്പ്യ​ൻ​ഷി​പ്പാ​കും’’ -താ​രം പ​റ​ഞ്ഞു.

2018ലെ ​റ​ഷ്യ​ൻ ലോ​ക​ക​പ്പി​ൽ ആ​റു ക​ളി​ക​ളി​ലാ​യി 465 മി​നി​റ്റ് ടീ​മി​നാ​യി ക​ളി​ച്ച താ​രം പ​ക്ഷേ, ഗോ​ൾ നേ​ടു​ക​യോ ല​ക്ഷ്യ​ത്തി​ലേ​ക്ക് ഷോ​ട്ടു​തി​ർ​ക്കു​ക​യോ ചെ​യ്തി​രു​ന്നി​ല്ല. എ​ന്നാ​ൽ, 2022ലെ ​ഖ​ത്ത​ർ ലോ​ക​ക​പ്പി​ൽ ക്വാ​ർ​ട്ട​ർ ഫൈ​ന​ലി​ൽ ഇം​ഗ്ല​ണ്ടി​നെ​തി​രെ​യ​ട​ക്കം നാ​ലു ഗോ​ളു​ക​ൾ നേ​ടി.

പ്രീ​മി​യ​ർ ലീ​ഗി​ൽ ആ​ഴ്സ​ന​ൽ, ചെ​ൽ​സി ഉ​ൾ​പ്പെ​ടെ വ​മ്പ​ന്മാ​ർ​ക്കൊ​പ്പം പ​ന്തു​ത​ട്ടി​യ ജി​റൂ​ദ് എ.​സി മി​ലാ​ൻ നി​ര​യി​ലാ​ണ് ഈ ​സീ​സ​ണി​ൽ ക​ളി​ച്ച​ത്. സീ​സ​ൺ അ​വ​സാ​ന​ത്തോ​ടെ ക​രാ​ർ അ​വ​സാ​നി​ക്കു​ന്ന​മു​റ​ക്ക് അ​മേ​രി​ക്ക​ൻ മേ​ജ​ർ സോ​ക്ക​ർ ലീ​ഗി​ൽ ലോ​സ് ആ​ഞ്ജ​ല​സ് എ​ഫ്.​സി​ക്കാ​യി ക​ളി​ക്കും. 18 മാ​സ ക​രാ​റാ​ണ് അ​മേ​രി​ക്ക​ൻ ക്ല​ബു​മാ​യി ഒ​പ്പു​വെ​ച്ച​ത്.