നോർവിച്ചിനെതിരെ അഞ്ചടിച്ച്​ സിറ്റി; നിറഞ്ഞ ഗാലറിക്ക്​ ആവേശ ജയം സമ്മാനിച്ച്​ ലിവർപുൾ

ലണ്ടൻ: പ്രിമിയർ ലീഗിലെ രണ്ടു കരുത്തർക്ക്​ മോഹിപ്പിക്കുന്ന ജയം. മാഞ്ചസ്​റ്റർ സിറ്റി ഏകപക്ഷീയമായ അഞ്ചുഗോളുകൾക്ക്​ നോർവിച്​ സിറ്റിയെ വീഴ്​ത്തിയപ്പോൾ ബേൺലിക്കെതിരെ എതിരില്ലാത്ത രണ്ടു ഗോളുകൾക്കായിരുന്നു ലിവർപൂൾ ജയം.

റെക്കോഡ്​ തുകക്ക്​ സിറ്റിയിലെത്തിയ ജാക്​ ഗ്രീലിഷ്​ ഗോളുമായി തുടങ്ങിയ മത്സരത്തിലായിരുന്നു സിറ്റി സീസണിലെ ആദ്യ ജയവുമായി കിരീടം നിലനിർത്താനുള്ള പോരാട്ടത്തിന്​ ശരിക്കും തുടക്കമിട്ടത്​. ആദ്യ മത്സരം തോറ്റ ക്ഷീണം തീർത്ത പ്രകടനമായിരുന്നു ഇന്നലെ സിറ്റി സ്വന്തം മൈതാനത്ത്​ പുറത്തെടുത്തത്​. നോർവിച്​ താരം ക്രൂൽ ഏഴാം മിനിറ്റിൽ സ്വന്തം പോസ്റ്റിൽ ഗോളടിച്ച്​ സിറ്റിക്ക്​ നൽകിയ മേൽ​ക്കൈ പിന്നീട്​ ഒരു ഘട്ടത്തിലും മാറിയില്ല. അതിവേഗം പോസ്റ്റിലേക്കു വന്ന പന്ത്​ രക്ഷപ്പെടുത്താനായി ക്രുൽ കാൽവെച്ചതാണ്​ അതിവേഗം പോസ്റ്റിൽ പതിച്ചത്​. പിന്നീട്​ കൃത്യമായ ഇടവേളകളിൽ ഗോൾ വീണുകൊണ്ടിരുന്നു. ഗബ്രിയേൽ ജീസസ്​ നൽകിയ പാസിൽ കാൽമുട്ടിൽ തട്ടിയായിരുന്നു രണ്ടാം ഗോളിന്‍റെ പിറവി. പ്രതിരോധ നിരയെയും കടന്ന്​ നീങ്ങിയ പന്ത്​ മുട്ടുകൊണ്ട്​ ഗ്രീലിഷ്​ ഗോളിലേക്ക്​ തള്ളുകയായിരുന്നു. രണ്ടാം പകുതിയിൽ ലപോർട്ട്​, റഹീം സ്​റ്റെർലിങ്​, റിയാദ്​ മെഹ്​റസ്​ എന്നിവർ പട്ടിക തികച്ചു.

മറുവശത്ത്​, നിറഞ്ഞുകവിഞ്ഞ ആൻഫീൽഡ്​ ഗാലറിക്കു മുന്നിലായിരുന്നു ലിവർപൂൾ തേരോട്ടം. ഡിയോഗോ ജോട്ട തുടക്കമിട്ട ഗോൾവേട്ട സാദിയോ മാനേ പൂർത്തിയാക്കി. ഇതോടെ രണ്ടു കളികളിൽ രണ്ടു ജയവുമായി ​േക്ലാപിന്‍റെ പട്ടാളം പട്ടികയിൽ മുന്നിലാണ്​. ക്യാപ്​റ്റൻ ഹെൻഡേഴ്​സൺ തിരിച്ചെത്തുകയും കൗമാര താരം ഹാർവി എലിയട്ട് പ്രിമിയർലീഗ്​​ അരങ്ങേറ്റം കുറിക്കുകയും ചെയ്​ത മത്സരമായിരുന്നു ശനിയാഴ്ച. ആദ്യ പകുതിയിൽ ജോട്ട ലീഡ്​ പിടിച്ചതിന്​ എട്ടുമിനിറ്റ്​ കഴിഞ്ഞ്​ മുഹമ്മദ്​ സലാഹ്​ മനോഹരമായി പന്ത്​ ​േപ്ലസ്​ ചെയ്​ത്​ ഗോൾ നേടിയെന്ന്​ തോന്നിച്ചെങ്കിലും 'വാറി'ൽ കുടുങ്ങി. കഴിഞ്ഞ സീസൺ അവസാനം സ്വന്തം മൈതാനത്ത്​ ബേൺലിയോടു തോറ്റതിന്‍റെ ക്ഷീണം തീരുംമുമ്പായിരുന്നു ലിവർപൂളിന്‍റെ മത്സരം. ഇത്തവണ പക്ഷേ, പഴുതടച്ച പോരാട്ടവുമായി ടീം ഏറെ മുന്നിൽനിന്നു.