ഫ്ലഡ്​ലൈറ്റ്​ റാമ്പ്​ പൊട്ടിവീണ് സ്​റ്റേഡിയം ജീവനക്കാരന്​ ദാരുണാന്ത്യം; അപകടം ഫുട്​ബാൾ​ മത്സരത്തിന്​ തൊട്ടുപിന്നാലെ

പാരിസ്​: ലോറിയൻറ്​, റെന്നെസ്​ എന്നീ ടീമുകൾ മാറ്റുരച്ച ഫ്രഞ്ച്​ ലീഗ്​ 1 മാച്ചിലായിരുന്നു ദാരുണമായ സംഭവം നടന്നത്​. ഫൈനൽ വിസിൽ അടിച്ച് 10​ മിനിറ്റുകൾ മാത്രം കഴിഞ്ഞപ്പോൾ സ്​റ്റേഡിയത്തിലെ ഭീമാകാരമായ ഫ്ലെഡ്​ ലൈറ്റ്​ റാമ്പ്​​ പൊട്ടിവീണ്​ 38 കാരനായ സ്​റ്റേഡിയം ജീവനക്കാരൻ മരണത്തിന്​ കീഴടങ്ങി.

Stade de Moustoir എന്ന സ്​റ്റേഡിയത്തിലെ ജീവനക്കാർ മത്സരത്തിന്​ ശേഷമുള്ള അവരുടെ പതിവ്​ ഡ്യൂട്ടികൾ ചെയ്യുകയായിരുന്നു. പിച്ച്​ അറ്റകുറ്റപ്പണി ചെയ്യു​േമ്പാൾ​ വെളിച്ചമേകാനായി ഉപയോഗിക്കുന്ന ഫ്ലെഡ്​ ലൈറ്റ്​ റാമ്പി​െൻറ ഒരു വലിയ ഭാഗം പൊട്ടി ഗ്രൗണ്ടിലേക്ക്​ പതിച്ചു. അതിന്​ താഴെ ജോലി ചെയ്യുകയായിരുന്ന ജീവനക്കാര​െൻറ ദേഹത്തേക്കായിരുന്നു അത്​ വീണത്​.

ഭീമാകാരമായ വസ്​തു വീണതി​െൻറ പരിക്കും കൂടെ ഹൃദയാഘാതവും വന്നതോടെ അയാളുടെ നില ഗുരുതരാവസ്​ഥയിലായി. ഉടൻ തന്നെ ലോറിയൻറിലുള്ള ആശുപത്രിയിൽ എത്തിച്ചെങ്കിലും അവിടെ വെച്ച്​ മരണത്തിന്​ കീഴടങ്ങുകയായിരുന്നു. രാജ്യത്തെ മുഴുവൻ ഞെട്ടിച്ച സംഭവത്തിന്​ ദൃക്​സാക്ഷികളായ ഇരുടീമുകളിലെയും താരങ്ങൾ തീർത്തും പരിഭ്രാന്തരായതായി പ്രാദേശിക റിപ്പോർട്ടുകളിൽ പറയുന്നു.

Acaba de fallecer el jardinero del Lorient al que se le ha caído un foco de luz encima tras el partido ante el Rennes y que le han provocado graves lesiones.

Todas mis condolencias a la familia del fallecido y a los aficionados y miembros del @FCLorient. DEP. pic.twitter.com/o7LPy6VHo5

— Andrés Onrubia Ramos (@AndiOnrubia) December 20, 2020

🔴 Un jardinier de Lorient est dans un état critique après qu'une rampe de projecteurs lui est tombée dessus au stade du Moustoir.

📸 @lfretigne pic.twitter.com/tpuKJ98ho6

— Actu Foot (@ActuFoot_) December 20, 2020