അന്നാബിയുടെ നായകൻ ബൂട്ടഴിച്ചു

ദോ​ഹ: അ​ന്നാ​ബി​യെ ​വ​ൻ​ക​ര​യു​ടെ നെ​റു​കെ​യി​ലേ​ക്ക് ന​യി​ച്ച സൂ​പ്പ​ർ നാ​യ​ക​ൻ ഹ​സ​ൻ അ​ൽ ഹൈ​ദോ​സ് അ​ന്താ​രാ​ഷ്ട്ര ഫു​ട്ബാ​ളി​ൽ​നി​ന്നും ബൂ​ട്ട​ഴി​ച്ചു. 2007ൽ ​യൂ​ത്ത് ടീ​മി​ൽ തു​ട​ങ്ങി, അ​ടു​ത്ത വ​ർ​ഷം മു​ത​ൽ ദേ​ശീ​യ ടീ​മി​ലെ മു​ൻ​നി​ര സാ​ന്നി​ധ്യ​മാ​യി മാ​റി​യ ഹ​സ​ൻ അ​ൽ ഹൈ​ദോ​സ് ത​ന്റെ 33ാം വ​യ​സ്സി​ലാ​ണ് അ​ന്താ​രാ​ഷ്ട്ര ഫു​ട്ബാ​ളി​ൽ​നി​ന്നും വി​ര​മി​ക്കു​ന്ന​ത്. ഇ​തി​ന​കം 183 മ​ത്സ​ര​ങ്ങ​ളി​ൽ നി​ന്ന് 41 ഗോ​ളു​ക​ളും ര​ണ്ട് ഏ​ഷ്യ​ൻ ക​പ്പ് ഉ​ൾ​പ്പെ​ടെ മൂ​ന്ന് കി​രീ​ട​ങ്ങ​ളും സ്വ​ന്ത​മാ​ക്കി​യാ​ണ് പ​ടി​യി​റ​ക്കം. 2019, 2023 ഏ​ഷ്യ​ൻ ക​പ്പു​ക​ളി​ലേ​ക്ക് ഖ​ത്ത​റി​നെ ന​യി​ച്ച നാ​യ​ക​ൻ എ​ന്ന റെ​ക്കോ​ഡി​നൊ​പ്പം, 2014ൽ ​ഗ​ൾ​ഫ് ക​പ്പി​ൽ ഖ​ത്ത​ർ മു​ത്ത​മി​ടു​മ്പോ​ഴും ടീ​മി​ലെ പ്ര​ധാ​ന സാ​ന്നി​ധ്യ​മാ​യി ഹൈ​ദോ​സു​ണ്ടാ​യി​രു​ന്നു.

തു​ട​ർ​ച്ച​യാ​യി ര​ണ്ടാം ഏ​ഷ്യ​ൻ ക​പ്പ് കി​രീ​ട​മ​ണി​ഞ്ഞ് ഒ​രു മാ​സം പി​ന്നി​ട്ട​തി​നു പി​റ​കെ​യാ​ണ് ഹ​സ​ൻ ഹൈ​ദോ​സി​ന്റെ വി​ര​മി​ക്ക​ൽ പ്ര​ഖ്യാ​പ​നം. ഖ​ത്ത​ർ ഫു​ട്ബാ​ൾ ഫെ​ഡ​റേ​ഷ​നാ​ണ് ഇ​തി​ഹാ​സ താ​ര​ത്തി​ന്റെ സ്വ​പ്ന​തു​ല്യ​മാ​യ ക​രി​യ​റി​ന് ന​ന്ദി അ​റി​യി​ച്ചു​കൊ​ണ്ട് വി​ര​മി​ക്ക​ൽ വാ​ർ​ത്ത പ​ങ്കു​വെ​ച്ച​ത്. 16 വ​ർ​ഷം നീ​ണ്ട അ​തു​ല്യ സേ​വ​ന​ത്തി​നും അ​ഭി​മാ​ന​ക​ര​മാ​യ സം​ഭാ​വ​ന​ക്കും ന​ന്ദി അ​ർ​പ്പി​ക്കു​ന്ന​താ​യി ക്യു.​എ​ഫ്.​എ സ​മൂ​ഹ മാ​ധ്യ​മ​ങ്ങ​ളി​ലൂ​ടെ അ​റി​യി​ച്ചു.

‘16 വ​ർ​ഷ​ത്തെ ഹൈ​ദോ​സി​ന്റെ ക​രി​യ​ർ സ്വ​പ്ന​തു​ല്യ​മാ​യി​രു​ന്നു. ഈ ​കാ​ല​യ​ള​വി​ൽ അ​ദ്ദേ​ഹം നി​ര​വ​ധി നേ​ട്ട​ങ്ങ​ളി​ൽ പ​ങ്കു​വ​ഹി​ച്ചു. ഒ​രു​പി​ടി കി​രീ​ട​ങ്ങ​ളി​ലേ​ക്കും ടീ​മി​നെ ന​യി​ച്ചു. അ​ൽ അ​ന്നാ​ബി​യു​ടെ വി​ശ്വ​സ്ത​നാ​യ നാ​യ​ക​നാ​യി​രു​ന്നു. വ​രാ​നി​രി​ക്കു​ന്ന പ്ര​ഫ​ഷ​ന​ൽ യാ​ത്ര​യി​ലെ വി​ജ​യ​ങ്ങ​ളി​ൽ ആ​ശം​സ​ക​ൾ നേ​രു​ന്നു’ -ഏ​ഷ്യ​ൻ ക​പ്പ് കി​രീ​ട​നേ​ട്ട​ത്തി​നു പി​ന്നാ​ലെ അ​മീ​ർ ശൈ​ഖ് ത​മീം ബി​ൻ ഹ​മ​ദ് ആ​ൽ​ഥാ​നി ബി​ഷ്ത് അ​ണി​യി​ക്കു​ന്ന ചി​ത്രം പ​ങ്കു​വെ​ച്ചു​കൊ​ണ്ട് ക്യു.​എ​ഫ്.​എ കു​റി​ച്ചു.

2008ൽ ​ത​ന്റെ 18ാം വ​യ​സ്സി​ൽ ദേ​ശീ​യ ടീ​മി​ൽ അ​ര​ങ്ങേ​റ്റം കു​റി​ച്ച ഹൈ​ദോ​സ് ആ ​വ​ർ​ഷം ത​ന്നെ മി​ക​ച്ച യു​വ​താ​ര​മാ​യി മാ​റി​യി​രു​ന്നു. 2015 ക്യു.​എ​ഫ്.​എ​യു​ടെ മി​ക​ച്ച താ​ര​ത്തി​നു​ള്ള പു​ര​സ്കാ​രം നേ​ടി. 2006 മു​ത​ൽ അ​ൽ സ​ദ്ദ് എ​സ്.​സി​യു​ടെ പ്ര​ധാ​ന താ​ര​മാ​ണ് ഹ​സ​ൻ. ഇ​തി​ന​കം 323 മ​ത്സ​ര​ങ്ങ​ളി​ൽ അ​ൽ സ​ദ്ദി​നാ​യി പ​ന്തു ത​ട്ടി. അ​ന്താ​രാ​ഷ്ട്ര ഫു​ട്ബാ​ൾ അ​വ​സാ​നി​പ്പി​ച്ചെ​ങ്കി​ലും ക്ല​ബ് കു​പ്പാ​യ​ത്തി​ൽ ഈ ​​മു​ന്നേ​റ്റ നി​ര​ക്കാ​ര​ൻ തു​ട​രും.

ക​രി​യ​റി​ലു​ട​നീ​ളം പി​ന്തു​ണ ന​ൽ​കി​യ അ​മീ​ർ ശൈ​ഖ് ത​മീം ബി​ൻ ഹ​മ​ദ് ആ​ൽ​ഥാ​നി​ക്ക് ഹൈ​ദോ​സ് ഇ​ൻ​സ്റ്റ​​ഗ്രാം പോ​സ്റ്റി​ലൂ​ടെ ന​ന്ദി അ​റി​യി​ച്ചു. ടീ​മി​ന്റെ മു​ന്നേ​റ്റ നി​ര​യി​ൽ നി​ല​യു​റ​പ്പി​ക്കു​ന്ന ഹൈ​ദോ​സ് എ​ന്നും, അ​വ​സ​ര​ങ്ങ​ൾ ഒ​രു​ക്കു​ന്ന​തി​ലും സീ​റോ ചാ​ൻ​സു​ക​ൾ ഗോ​ളാ​ക്കു​ന്ന​തി​ലും മി​ടു​ക്ക​നാ​യി​രു​ന്നു. ഒ​പ്പം, മി​ക​ച്ച ടീം ​ലീ​ഡ​ർ എ​ന്ന നി​ല​യി​ലും പ്ര​ശം​സ​നേ​ടി. ഏ​റ്റ​വും കൂ​ടു​ത​ൽ അ​ന്താ​രാ​ഷ്ട്ര മ​ത്സ​ര​ങ്ങ​ളി​ൽ ബൂ​ട്ട​ണി​ഞ്ഞ ഖ​ത്ത​രി താ​ര​മെ​ന്ന റെ​ക്കോ​ഡും ഹൈ​ദോ​സി​ന് ത​ന്നെ​യാ​ണ്.