ഛേത്രിക്ക് ഹാട്രിക്ക്; സാഫ് കപ്പിൽ പാകിസ്താനെ നാല് ഗോളിന് തകർത്ത് ഇന്ത്യ

ബംഗളൂരു: ബംഗളൂരുവിലെ ശ്രീ കണ്ഠീരവ സ്റ്റേഡിയത്തിൽ നടന്ന സാഫ് കപ്പ് ഫുട്ബാളിലെ ആദ്യമത്സരത്തിൽ പാകിസ്താനെതിരെ ഇന്ത്യക്ക് തകർപ്പൻ ജയം. നായകൻ സുനിൽ ഛേത്രിയുടെ ഹാട്രിക്ക് മികവിൽ ഏകപക്ഷീയ നാല് ഗോളിനാണ് പാക് ടീമിനെ തകർത്തത്.

കളിയിലുടനീളം ആധിപത്യം പുലർത്തിയ ഇന്ത്യയെ ഒരു ഘട്ടത്തിലും വെല്ലുവിളി ഉയർത്താൻ പാക് ടീമിനായില്ല. 10ാം മിനുറ്റിൽ പാകിസ്താൻ ഗോൾകീപ്പർ സാഖിബ് ഹനീഫിന്റെ പിഴവിൽ നിന്നാണ് സുനിൽ ഛേത്രി ആദ്യ ഗോൾ നേടുന്നത്. 16ാം മിനിറ്റിൽ ലഭിച്ച പെനാൽറ്റിയിലൂടെ ഛേത്രി ലീഡ് ഉയർത്തി.

ഒ​റ്റ​പ്പെ​ട്ട നീ​ക്ക​ങ്ങ​ളു​മാ​യി പാ​കി​സ്താ​നും കൂ​ട്ട ആ​ക്ര​മ​ണ​വു​മാ​യി ഇ​ന്ത്യ​യും ആ​ദ്യ പ​കു​തി​യു​ടെ അ​വ​സാ​ന​ത്തി​ലേ​ക്കു നീ​ങ്ങ​വെ ഇന്ത്യൻ കോ​ച്ച് സ്റ്റി​മാ​ക് അ​നാ​വ​ശ്യ​മാ​യി ചു​വ​പ്പു​കാ​ർ​ഡ് ചോ​ദി​ച്ചു​വാ​ങ്ങി പു​റ​ത്തേ​ക്ക്. പാ​കി​സ്താ​ന് അ​നു​കൂ​ല​മാ​യ ത്രോ ​ബാ​ൾ കൈ​കൊ​ണ്ട് ത​ട്ടി​യ സ്റ്റി​മാ​ക് താ​ര​ങ്ങ​ളു​മാ​യും ഫോ​ർ​ത്ത് ഒ​ഫീ​ഷ്യ​ലു​മാ​യും ത​ർ​ക്ക​ത്തി​ലേ​ർ​പ്പെ​ട്ടു. പാ​ക് ഒ​ഫീ​ഷ്യ​ൽ​സും ത​ർ​ക്ക​ത്തി​ലി​ട​പെ​ട്ട​തോ​ടെ സു​നി​ൽ ഛേത്രി ​ഉ​ട​ൻ ഇ​ട​പെ​ട്ട് രം​ഗം ശാ​ന്ത​മാ​ക്കി. സ്റ്റി​മാ​ക്കി​ന് ചു​വ​പ്പു​കാ​ർ​ഡും പാ​ക് ഒ​ഫീ​ഷ്യ​ലി​ന് മ​ഞ്ഞ​ക്കാ​ർ​ഡും ല​ഭി​ച്ചു.

രണ്ടാം പകുതിയുടെ തുടക്കത്തിൽ മലയാളി താരം ആഷിഖ് കുരുണിയെന്റെ ഗോൾ ഉറപ്പിച്ച ഷോട്ട് പാഴായി. 74ാം മിനിറ്റിൽ സുനിൽ ഛേത്രിയെ പാക് താരം മുഹമ്മദ് സുഫിയാൻ ഫൗൾ ചെയ്തതോടെ റഫറി പെനാൽറ്റി വിധിക്കുകയായിരുന്നു. കിക്കെടുത്ത ഛേത്രി പോസ്റ്റിന്റെ ഇടതുമൂലയിലേക്ക് ഷോട്ടുതിർത്ത് ഹാട്രിക്ക് തികച്ചു. 81 ാം മിനിറ്റിൽ അൻവർ അലിയുടെ മികച്ച അസിസ്റ്റിൽ ഉദാന്ത സിംഗ് നാലമത്തെ ഗോളും വലയിലെത്തിച്ചതോടെ പാക് ടീമിന്റെ പതനം പൂർണമായി. ശനിയാഴ്ച നേപ്പാളുമായാണ് ഇന്ത്യയുടെ അടുത്ത മത്സരം.